Hébreux 1 - Mofa New Testament

¹ Zlèzlèa Bi Zhiklè a ngaƋa ta bababhi nga te ma ndohi nhadka ma, pats ngiƋè pats ngiƋè a maya tsaƋ tsaƋ.

² Antanta, man tiƋè sama ma, a ngaƋa nga ma te kra nenga'a. Zhiklè a ngu nenga'a a ndo ngècè skwi Zhiklè tèlèba. Te nenga'a ba a ngu herkeda.

³ Nenga'a a ngreda n'njèl Zhiklè auda; nenga'a mèzhèɓ va na, a gshè skwi tèlèba a ma wuƋi nenga'a; te deɓa'a man a mpana ta ndohi te mali ta ma, a n'nza hai te ri mandi Bi mbia'a te géƌe'a.

⁴ Gar haha a fen ta golahi Zhiklè mbelambela, lèmèlèmè nzlembaƋ nenga'a a fena man a tenga'a mbelambela.

⁵ Aman gol Zhiklè nangwa, man Bi Zhiklè a ngaƌa na: Ka kra ga, a patsna i fe ka? A va'a: I ndi a bab nenga'a, a nenga'a a ndi a kra ga?

⁶ A va za'a, aman a cko tsuvom nenga'a a herkeda, a ngaƋa: Golahi Zhiklè tèlèba sèi ta kèlèhi a deɓ sak nenga'a.

⁷ A géƋ golahi Zhiklè a gaƋa: Nenga'a a ge ta kozlarhai a golahi nenga'a, a nè'èn vogwa a ndohi mizlinè nenga'a.

⁸ Aman a géƌ kra na: Zhiklè, sam n'nzi bi ngaya a nzi a mèdèp. A va za'a: GaƋabi ngi zura'a, nenga'a gaƋabi kokwar-Bi ngaya.

⁹ Ngi zura'a ambaba ka, ka gi shèwa a malai. Gar haha Zhiklè ngaya a faƌa ka mbar a gèƌ, mbar mwuffè, aman ndo ngiƌè a tsagi ngaya a ngècè arsa azɓai.

¹⁰ A va za'a: Ka, Bi Zhiklè, te nhinkaƋ na ka gu herkeda; giƋfèk mizlinè ri ngaya.

¹¹ A di ta ze ta, aman ka, ka nza. Ta da hal ta tèlèba ara maslaka.

¹² Ka da paƋ ta ara dawar, ta ngwèd ta ara maslaka. Ka, ka ara n'nzi ngaya, ka, ka hèlèhi azɓai.

¹³ Gol Zhiklè wa, man Bi Zhiklè a ngaƌa na: Nza a ri mandi ga, ba i ge ta mayamhi ngaya tèlèba a skwi nfì sak ngaya.

¹⁴ Tengahi tèlèba mèzhèɓhi man ta gi mizlinè Zhiklè, man a takaha ta ndohai, aman ta ngècè skwi m'mbel ta, ara n'ndi gai.