Galates 6 - Mofa New Testament

¹ Dalahimam ga, kinè man Mèzhèɓ Zhiklè a ndha ndav kinè! Man mali a kala na a gèƋ ndo ngiƋè, vatakaha, vatilè'a a ndav nlüɓekwa'a. A ndo staƋ staƋ da gu maya a géƋ va na ba, man ɓai ta pe kinè a wi arsa.

² StaƋ staƋ da takaha a nzhuɓ skwi man a nzala na ndo ngiƋè, aman ar haha kin gu ara ma kita Kristi.

³ Aman ndo ngiƋè a huro, i mbia'a, i fena ngiƋè, ko nenga'a a pi va na a wai a ri na.

⁴ Ndo staƋ staƋ da war gèƋ na dai; wa ngiƋè ba a ngècè njégèr va a géƋ na, a géƋ ndo ngiƋè ka ɓai.

⁵ Aman ndo staƋ staƋ tèlèba a skwi na a gèƋ na.

⁶ Aman ndo man ta njè na ma, da va na skwi a ndo man a njè na.

⁷ Kin pu va kinè a wi a ri kinè ɓai! Kin slaha kin mbèhwali a Zhiklè azɓai. Skwi man ndo a zlekia'a, a di a ɓicè'a.

⁸ Ndo man a zleki a géƋ ntétékè na, a di a ɓicè te ntétékè skwi man a gedassa va na. Aman ndo man a zlekia'a te Mèzhèɓ, a di aɓicète Mèzhèɓ Zhiklè nshèffè a mèdèp.

⁹ Ngogokoy skwi man amba, a nga ngézhè azɓai. Aman nga jèkeda ɓai, a pats nasa a di nga da ɓicè skwai.

¹⁰ Gar haha aman nga slaha dai, ngogokoy skwi man amba a sam ndohi tèlèba, holhola'a a sam gwoli nga te ncè-a-ndav.

¹¹ Ma haha i winda kinè a lamba mbia'a a ri ga.

¹² Ndohi man ta gaƋa kinè, sèi kin ngel ngwon ndèzl, ta woy a ta gi a ndohi mbibihia'a a sam di ndohai, a ta woy aman ndohi ngiƋè ta paraha ta azɓai a geƋ wof ngézlèl Kristi.

¹³ Aman tenga'a ba, man ngwon ta n'ngela, ta jèjèr ma kita azɓai. Aman ta woy a kin ngél ngwon, aman ta slaha ta jégèr va a géƋ kinè.

¹⁴ Aman i woy a i jégèr va azɓi fèt ba. Aman n'njèl ga staƋgenè, nenga'a wof ngézlèl Bi nga Yesu Kristi, te nenga'a herkeda ngezlala a sam ga, a iyè a sam herkeda.

¹⁵ Aman ko ngwon n'ngela, ko ngwon n'ngel ɓai, skwi ambalai. Aman sèi ndo man a ngots nshèffè mɓua'a.

¹⁶ A sam ndohi tèlèba man ta jejèr ma haha gumai a pombi Zhiklè da zhè a sam ta, a sam Israel, ndohi Zhiklè, tèlèba.

¹⁷ Anai ndo da ngezyè te deɓa'a asaɓai! Vovi mblè a va ga a ngredyè, ara man i ɓèl Yèsu.

¹⁸ Pombi Bi nga Yèsu Kristi, da zhè a nda Mèzhèɓ kinè, dalahimam ga! Amen.