Galates 3 - Mofa New Testament

¹ Ndohi Galate ga, maya kinè azɓai! N'ngwode kinè wa? Kinè ara man ta gezlala Yèsu Kristi a sam di kine.

² I woy a i shinè te ri kinè: Kin ngots Mèzhèɓ Zhiklè a géƋ man kin jejèr ma kiía Zhiklè Ƌè, Ƌè a géƌ man kin dzodzor ma ncè-a-ndav äè?

³ Kin sun maya ɓi Ƌè? Kin hüno te Mèzhèɓ Zhiklè, a kin woy a kin ndivè antanta a maya ndo Ƌè?

⁴ Matakwan mbia'a haha kin su ambali cè?

⁵ Aman Zhiklè a va kinè Mèzhèɓ, a gi skwi mbia'a te ndav kinè aranta, a gia'a a gèƋ man kin jèjèr ma kita Ƌè, Ƌè a gèƋ man kin jèjèr ma ncè-a-ndav Ƌè?

⁶ Lèmèlèmè ara Abraham a nco Zhiklè a ndav, a Zhiklè a nfu a ndo nzura'a a géƋ ncè-a-ndav nenga'a.

⁷ Vasuna: tengahi man ta co a ndav, ta wudahi Abraham.

⁸ Aman Ƌèlèwèr Zhiklè a n'ngreda hala'a, ara man Zhiklè a da va ta ngizura'a te ncè-a-ndav ta a ndohi nte deɓa. Gar haha a ngaƋa na Abraham: A géƋ ngaya ndohi herkeda tèlèba ta da ngècè mpshè ma.

⁹ Anai ndohi ncè-a-ndav ta ngècè mpshè ma a géƋ Abraham, man nco a ndav.

¹⁰ Aman tengahi man ta woy a ta gi sèi ara ma kita Zhiklè, ta t'hwaƋ ma mphomda`a. Aman Ƌèlèwèr Zhiklè a gaƋa: Ko wawa man a jèjèr ma Ƌèlèwèr ma kita Zhiklè tèlèba azɓai, da phomda!

¹¹ Aman ndo a ngècè ngizura'a a sam di Zhikle azɓai a géƋ man a jejèr ma kita Zhiklè; aman ndo a nzi a nshèffè a géƋ ngizura'a te ncè-a-ndav.

¹² Aman ma kita Zhiklè a shkè te ncè-a-ndav ka ɓai, aman ndo man a fí gèƋè'a, a da nzi a nshèffè a vna.

¹³ Aman Kristi a mpreka nga auda te ma kita Zhiklè man a phomde nga, a géƋ man a ga'a a skwi mphomda'a a géƋ nga, ara Ƌèlèwèr Zhiklè a gaƋa: Ndo man ta ktsala, mphomda.

¹⁴ Aman mpshè ma Abraham a mshkè a sam ndohi nte deɓa te Yèsu Kristi, a nga ngècè Mèzhèɓ man mpasla nga a ri te ncè-a-ndav.

¹⁵ Dalahimam ga (i woya man i ngra kinè skwi man ndohi ta gia'a): Aman babgai a njè ma a hai, ga a metsi na, ndohi ta rka ara ma ambali ɓai. Ndo a slaha a nzedaha ma'a, a mpi ma a va'a, azɓai.

¹⁶ Anai Zhiklè a mpasla na ri a hi a Abraham a ndo te verzi nenga'a. A gèƌè azɓai, a ndohi verzi nenga'a, ara man ta kumba. Sèi a ndo staƋgenè —a ndo te verzi nenga'a, nenga'a Kristi.

¹⁷ I hur ar haha: Ma kita man a shkè mvi 430 te deɓa'a, a slaha a ngedassa ma nderzlèma man Zhiklè a mvau hala'a azɓai, a slaha a ngedassa ma mpèsl ri azɓai, sèi a rufa'a.

¹⁸ Aman ta slaha ta ngècè skwi gai a géƌ ma kita Zhiklè, ta ngècè a géƌ ma mpèsl ri ka ɓai. Aman Abraham a n'ngotso te ma mpèsl ri Zhiklè.

¹⁹ Ta vau ma kita a géƋ mè? Ta vau a géƋ man a ngrédè malai, ba ndo te verzia'a, man mpèsl ri a nenga'a, a shkè ma. Zhiklè a nzlündo ma kita aranta a ri golahi Zhiklè, a mbèzda na a ri a ndo.

²⁰ Aman Zhiklè, nenga'a staƌgenè. Man na staƌ a géƌ na, ndo mbèzda na skwi a ri azɓai.

²¹ Mè? Ma kita Zhiklè a ma mpèsl ri Zhiklè ta hümdè azɓi ƌè? Halau, ta hümdè! Aman agassa ma kita a slaha a mvi nshèffè, ar ngizura'a a shkè te ma kita Zhiklè a vava.

²² Aman ƌèlèwèr Zhiklè a pizleda ndohi tèlèba a hwaƌ malai. A ndohi man ta co a ndav, ta ngècè ma mpèsl ri te ncè Yèsu Kristi a ndav.

²³ Aman ncè-a-ndav mshkè di ɓai, nga t'hwaƋ ma kita Zhiklè, ba ncè-a-ndav a zhè, man a pats ngiâè n'ngreda auda.

²⁴ Gar haha ma kita Zhiklè, skwi n'ngatsa nga maya a ma ma a sam Kristi, aman nga da ndi a ndohi nzura'a te ncè-a-ndav.

²⁵ Aman antanta ncè-a-ndav a mshkè ma, nga te ri skwi n'ngatsa nga maya asakaɓai.

²⁶ Aman kin tèlèba wudahi Zhiklè te ncè Yèsu Kristi a ndav.

²⁷ Ara man ko wawa te ndev kinè a ngu baptême te Kristi, nara man kin feda Kristi a va.

²⁸ A haha tsaƌ tsaƌ azɓai, ko Juif, ko Grec, ko ɓèlè, ko kra ngwi, ko ngura'a, ko ngwoz, kin tèlèba staƌ te Yèsu Kristi.

²⁹ Aman kinè a Kristi, kinè wudahi Abraham, a kin ngècè skwi man Zhiklè a mpasla na ri a hi a Abraham.