Galates 2 - Mofa New Testament

¹ Te deɓ mvi 14 ngo do a deɓa za'a a kokwar Jérusalem, a nda Bamabas a Tite.

² Aman i do a pa a géƋ skwi man a gudokoy va a dai, a i ngra ta kramamhi ga ma mbela'a man i njè ta ndohi nte deɓa (a ndohi mbibihia'a te gi ta), a géƋ man i woy a i suna, i hu ambali ka ɓai.

³ Aman Tite, ko nenga'a ndo Grec, ta gaƋa na: Sèi ngela ngwon ndèzl, ta gaƋa na ɓai.

⁴ A kramamhi ncèkèlma ngiƋè tsaƋ tsaƋ ta wucka nga va, aman ta war a ta njénjèrè'a, ara man nga ngots sam mpra'a te Yèsn Kristi, a ta woy a ta ge nga a ɓèlèlihi ta.

⁵ Aman nga ca ma tenga'a ɓai, a nga ga ɓèl tenga'a ɓai, ko kèshkata, a géƋ man ma nzura'a te ma mbela'a do do a ma ma a sam kinè.

⁶ Aman ndohi man ta ara ndohi mbibihia'a a sam di ndohai ko wawa a ga ga pa mè? Aman Zhiklè a woy ndo te di mwoyè azɓai, a ndohi mbibihia'a sa ta gaƋayè ma ngiƋè ɓai.

⁷ Aman ta rka Zhiklè a mvay ma mbela'a a rai, aman i njè ta ndohi nte deɓa, lèmèlèmè ara Pierre a njè ta ma mbela'a a ndohi Juif.

⁸ A nenga'a man a mva na wuƋi a Pierre, man a slaha a ngi mizlinè ndo sak a sam ndohi Juif, nenga"a a mvay wuƋi lèmèlèmè a sam ndohi nte deɓa ba.

⁹ Jacques a Pierre a Jean, tenga'a man ta gaƋa, ta ndohi nsal ta, ta rka pombi man i ngotso, ta ciyè a Bamabas, a ta gso ri mandi nga, a ta lèmdè ma a nda nga, aman nga njè ta ndohi nte deɓa, aman tenga'a ta njè ta ndohi Juif.

¹⁰ Sèi ta dzhoƋo, aman nga hér ndohi ntawassa'a; skwi sa i woya a i gia pèc pècèk.

¹¹ Aman Pierre a mshkè a kokwar Antioche, i sala va ga a sam na, te man a nyak na te skwi ngiƋè.

¹² Ga ndohi Jacques ta shkè, a n'ndau skwai a nda ndohi nte deɓa. Te deɓa'a, aman ndohi sa ta shke ma, nenga'a a m'menda va na a deɓa a sam ta, a géƋ man a ngu zlau ndohi Juif.

¹³ Ndohi Zhiklè ngiƋè te va ndohi Juif ta ngwoda ndo arsa a nda nenga'a, a ta pèkètèda Bamabas a nda tenga'a.

¹⁴ Aman i rka ara man ta gu skwi nzura ɓai, a ta dzodzor ma nzura'a te ma mbela'a ɓai, i gaƋa na Pierre a sam di ndo tèlèba: Aman ka, ka ndo Juif, a haha ka nzi a nshèffè ara ndo nte deɓa, ara ndo Juif ka ɓai, ka fa ta ma a gèƋ a ndohi nte deɓa, aman ta nzi a nshèffè ara ndohi Juif èhèmè?

¹⁵ Te nyakaƋ nga, nga ndohi Juif, ndohi malihi nte deɓa ka ɓai.

¹⁶ Aman nga suna, ndo a ngècè ngizura'a azɓai a géƋ man a jèjèr ma kita Zhiklè, aman a géƋ man a cè Yèsu Kristi a ndav. Nga ba nga co Yesu Kristi a ndav, aman nga ba nga ngots ngizura'a a géƋ ncè Kristi a ndav, a géƋ nfi gèƋ a ma kita Zhiklè ka ɓai. Te ma kita Zhiklè ndo a ngècè ngizura'a asaɓai.

¹⁷ Aman nga woy a nga ngècè ngizura'a te Kristi, a ta ngatsa nga a ndohi malihai a géƋ ma kita Zhiklè, Kristi ara ndo mizlinè mali Ƌè? Az arsa ɓai!

¹⁸ Aman skwi man i mbeƋa a matsa ma, i rèmè za'a, i ndeda va a ga ndo mphömè a ri ga.

¹⁹ Aman ma kita Zhiklè a gu aman i metsi ga a sam ma kita Zhikle ma, aman i nzi a nshèffe a Zhiklè: i gezlala a nda Kristi.

²⁰ I nzi a nshèffè, aman anai i ka ɓai, aman Kristi a nzi a nshèffè te ndav ga. I nzi a nshèffè te va ga haha, a géƋ ncè kra Zhiklè a ndav, man a woy iyè a ndav na, a mvau va na a géƋ ga.

²¹ I kwola pombi Zhiklè ɓai; aman agassa ngizura'a a shkè te ma kita, ar Kristi a m'mets na ambalai.