Galates 1 - Mofa New Testament

¹ Paul, ndo sak Zhiklè, man ndo a nfau, a nzlündo ka ɓai, aman Yèsu Kristi, man Zhiklè Bab nga a nslambaƋda te ndev ndohi m'metsa'a;

² a nda kramamhi tèlèba man ta zhè a sam ga, a sam mpi ndohi Zhiklè te Galatie tèlèba.

³ Pombai da zhè a nda kinè, a gumai te Zhiklè Bab nga, te Bai Yèsu Kristi,

⁴ man a vu va na a géƋ mali nga, aman a mbel nga t'herkeda haha man ambaɓai, ara Zhiklè, Bab nga, man a woya'a.

⁵ A nenga'a n'njèlè a mèdèp. Amen.

⁶ I rzl ga, a géƋ man kin jèkeda nenga'a man a baba kinè te pombi Kristi, tsam tsam aranta, a kin ngwèdè ma a kinè a sam ma mbela'a ngiƋè,

⁷ ko ma mbela'a ngiƋè azɓai; aman ndohi ngiƋè tsaƋ tsaƋ ta zhè, man ta dzakaɓama kinè gèƋ, a ta woy a ta ngwèdè ma mbela'a te Kristi.

⁸ Aman ko nga, ko gol Zhiklè te géƋè'a, a da njè kinè ma mbela'a tsaƋ, ara nenga'a man nga njè kinè ka ɓai, da phomda!

⁹ Ara ngèƋ ga matsa, i gèƋè a va'a: Aman ndo ngiƋè a njè kinè ma mbela'a tsaƋ, ara nenga'a man kin ngotso ka ɓai, da phomda!

¹⁰ Anai i gèƋè aman i ambaba ta ndohi Ƌè, Ƌè Zhiklè Ƌè? Aman i woy a i gi ara man ambaba ta ndohai, i ɓèl Kristi ka ɓai.

¹¹ Aman i gaƋa kinè, dalahimam ga, ma mbela'a man i njè kmè, ma ndo ka ɓai.

¹² I slebau a sam ndo ka ɓai, i ngotso a sam ndo ka ɓai, sèi a sam Yèsu Kristi man a ngredayè.

¹³ Kin tsena skwi man i gau, te va man i jèjèr tsuf ndohi Juif zlèzlèa, ara man i paraha ta mpi ndohi Zhiklè a vata ba, a i woya man i gedas ta.

¹⁴ I fena slalahi ga te skwi man ndohi Juif ta gia'a, a i gu srak kumba a géƋ ma babab nga.

¹⁵ Aman Zhiklè a hur amba, nenga'a man a woykayè man i t'hwaƋ mam ga dai, aman a babayè te pombi na,

¹⁶ a ngreda kra nenga'a auda te iyè, aman i njè ta ma mbela'a a ndohi nte deɓa. A i do, a i dzhoƋ ma a sam ndo'ngiƋè ɓai,

¹⁷ a i do a kokwar Jérusalem, a sam ndohi sak hala'a ɓai. Aman i do a ma a kokwar Arabe, a i shkè a deɓa a kokwar Damas.

¹⁸ Te deɓ mvi makar i do a kokwar Jérusalem a sam Pierre, a i nza a pa m'mèn ga 15.

¹⁹ I rka ta ndohi sak ngiƋè ɓai, sèi Jacques, kramam Bai Yèsu.

²⁰ Skwi man i windè kinè, Zhiklè a suna, i tsakalma ka ɓai.

²¹ Te deɓa'a i do a kokwar Syrie a Cilicie.

²² Aman mpi ndohi Zhiklè te Kristi te Judée ta rkay di ɓai.

²³ Ta tsena a zlembaƋ genè: nenga'a man a mparaha nga te va nasa, antanta a njè ma ncè-a-ndav, man a woya a ngedassa'a nshèlèkura'a.

²⁴ A ta slubordo Zhiklè kumba a géƋ ga.