Ephésiens 6 - Mofa New Testament

¹ Kinè wudahai, vafu gèƋ a ma bab a mam kinè te Bi Zhiklè. Nasa amba.

² Slubordo bab ngaya a mam ngaya! Nasa ma nkwèr Zhiklè nshèlèkura`a, man a pasla nga ri a pa,

³ a ka nzi amba, a ka nzi dai a nshèffè t`herkeda.

⁴ Kinè babhai, kin poko ta gèƋ auda a wudahi a ndzoan ɓai! Aman vagre ta, vangatsa ta maya, vangez ta te Bi Zhikle!

⁵ Kinè ɓèlèlihai, vadzodzor ma babgihi kinè man ta sum kinè, a zlau a ngu­dzai, a ndav nlèɓèslèa, ara man a sam Kristi,

⁶ a mizlinè a di ndo genè ka ɓai, aman ara ɓèlèlihi Kristi, man ta gi skwi man Zhiklè a woya'a, a ndav tèlèba.

⁷ Vagu mizlinè kinè a ndav kinè tèlèba, ara man a sam Bi Zhiklè, ara man a di ndohi genè ka ɓai.

⁸ Vasuna: Skwi man amba staƌ staƌ tèlèba, man ndo a gia'a, a ngècè a deɓa a sam Bi Zhiklè, ko ɓèlè, ko kra ngwai.

⁹ Kinè, bihai, vagu lèmèlèmè, kin guv ndo ɓai! Kin suna, Bi kinè a tenga'a ba a zhè te zhiklè tegèƋè'a. Nenga"aa pèr ndo mpèrè azɓai.

¹⁰ Te deɓa'a: Vanzala va kinè te Bi Zhiklè, awuƋi n'njèl na!

¹¹ Vafedaskwi var Zhiklè tèlèba a va, aman kin slaha a kin zlècè a sam man bi madzagai a pe kinè a wai a maya na.

¹² Nga gi var a ndohi azɓai; aman a wuƋihai, a bihi ruva t'herkeda haha, a mèzhèɓhi ambaɓihia'a t'hwaƋ giƋfèk.

¹³ Gar haha voco skwi var Zhiklè tèlèba, aman kin slaha a kin gi slagama a pats man ambaɓai, akin ɓirdal var kinè.

¹⁴ Ani haha vazlatsahai, vadzawa va kinè a ma nzura'a! Slarba ngizura'a a ndav kinè!

¹⁵ Kotokoroh te sak kinè, nasa ndè a ma mbela'a te gumai.

¹⁶ A géƌ skwi tèlèba, voco gambar, nenga'a ncè-a-ndav. A nenga'a kin slaha a kin gedassa sulom, man vogwa te pa, tèlèba te ri ndo man ambaɓai.

¹⁷ Vafeda dzokwom a gèƋ, nenga'a skwi m'mbel kinè; voco ma Zhiklè, nenga'a kafahi gwèsh, man Mèzhèɓ a va kinè.

¹⁸ Vatsu ri pèc pècèk a gèƋ skwi tèlèba, a ntsi ri mbuhmbuha"a te Mèzhèɓ. Vozhoro a vna, vanza a dai! Vatsu rai a gèƋ ndohi Zhiklè nkezla"a tèlèba,

¹⁹ a gèƋ ga ba, aman i slaha a i winè ma ga a mwuffè, a i njè skwi n'ngheda'a te ma mbela'a.

²⁰ I ndo sak nenga'a, i dzawa a géƌ nenga'a. Vatsu rai, aman i gèƋè ma'a a mwuffè, ara man sèi i gèƋè ndèzl!

²¹ A gèƋ man kinè ba kin suna, ara man i nza, a skwi man i gia"a, Tychique, kramam ga man i woya a ndav ga, ndo ntakahaye nlèɓèslè'a te Bi Zhiklè, a di a ngreda kinè tèlèba.

²² l zlinda a sam kinè, aman kin cinè te ri nenga'a ara man i nza, a bidè kinè.

²³ Gumai a sam kramamhai, a mwoy-ndo, a ncè-a-ndav, man shkè te Bab Zhiklè, a Yèsu Kristi, Bi nga.

²⁴ Pombai a nda ndohi tèlèba, man ta woy Yèsu Kristi, Bi nga, a ndav ta a mèdèp.