Ephésiens 5 - Mofa New Testament

¹ Anai valèmdè nshèffè kinè a Zhiklè, ara wudahi man a woy ta a ndav na.

² Vawoy ndo, lèmèlèmè ara Kristi man a woy kinè! A mvoko va na a ri na a gèƋ nga, ara skwi man a va na Zhiklè, a skwi man a zla na Zhiklè, man ambaba Zhiklè.

³ Ngi baki a dala, skwi nlizhèa tüƋüktüƋükwa'a, ngi keda, a woy da goƋ ma haha a sam kinè ɓai. Nasa amba a sam ndohi Zhiklè nkezla'a.

⁴ A woy da goƋ ma horai, ma nrzlè, ma mphömè a sam kinè ɓai; aman dara vashüd gèƋ!

⁵ Aman kin suna, ndo man agi mphömè, ndo man ndav na nlizhèa, ndo keda, nara ndo mbèh skwai, ta ndi kokwar-Bi Kristi a Zhiklè azɓai.

⁶ Ndo da pe kinè a wi ama ambali ɓai. Aman a gèƋ skwi haha ndzoan Zhiklè a shkè a gèƋ ndohai man ta fi gèƋ a ma Zhiklè azɓai.

⁷ Gar haha kin mba ma a nda tenga'a ɓai!

⁸ Aman zlèzlèa kinè ruva, aman antanta kinè skwi nhèl sam te Bi Zhiklè.

⁹ Vodo ara wudahi skwi nhèl sam. Skwi man a shkè auda te skwi nhèl sam: skwi man amba, ngizura'a, ma nzura'a.

¹⁰ Vawor skwi man ambaba Bi Zhiklè!

¹¹ Kin humda ɓai a mizlinè ruva, man skwi mbela`a a shkè auda te pa azɓai; m'mbela kin ngreda skwi nenga'a ambaɓia'a auda.

¹² Aman skwi man ta gi a metsar, horai man a ta gèƌè'a.

¹³ Aman skwi haha tèlèba a da ngrèdè auda, a da gedè va auda a sam skwi nhél sam. Aman skwi tèlèba man a gedè va auda, nenga'a skwi nhèl sam.

¹⁴ Gar haha Zhiklè a gaƋa: Pidèkwe ngaya, man ka nzhuna. SlambaƋa te ndev ndohi m'metsa'a, a Kristi a di a hela ka sam te ndav ngaya.

¹⁵ Gar haha, vagu maya a gèƋ nshèffè kinè, ara ndohi nrzla ka ɓai, aman ara ndohi maya.

¹⁶ Vahera na gèƋ a va mizlinè! Sam amɓaɓai.

¹⁷ Gar haha kin rzla va ɓai, aman vasun skwi man Bi Zhiklè a wova"a.

¹⁸ Kin dzodzor zom ɓai, aman ndav ndzakaɓa a shkè te pa. Aman vandha a Mèzhèɓ.

¹⁹ VagoƋ ma te ndev kinè a dimèsh Psaumes a dimèsh nslébèrdè Zhiklè; vawuffa te ndav kinè nguma'a ara ganzavar a sam Bi Zhiklè.

²⁰ Vashüd gèƋ pèc pècèk a géƋ skwi tèlèba, a sam Baɓ Zhiklè, a nzlembaƌ Bi nga Yésu Kristi.

²¹ Vamanda gèƋ a hai, ngiâè a sam ngiƋè, te zlau Kristi.

²² Ngwozai, vamanda gèƋ a hai a sam bakihi kinè, ara a sam Bi Zhiklè.

²³ Aman bakai, gèƋ ngwoz. Lèmèlèmè ara Kristi gèƋ mpi ndohi Zhiklè, ndo m'mbèlè'a, va na.

²⁴ Aman anai ara mpi ndohi Zhiklè man a manda gèƋ a hai a sam Kristi, lèmèlèmè ngwozi ba, sèi ta manda gèƋ ta a hai a sam bakihi ta, te skwi tèlèba.

²⁵ Kinè ngurhai, vawoy ngwozi kinè a ndav kinè, lèmèlèmè ara Kristi a woy mpi ndohi Zhiklè a ndav na, a vau nshèffè na a géƌ nenga'a,

²⁶ a nkezla'a, a mpana`a, a iyam a ma Zhiklè,

²⁷ aman a zlatseda a sam na, a ri na, ara mpi ndohi Zhiklè n'nga'a jèlèlè'a, derda az a pa ɓai, va m'min ɓai, mohtsomba ka ɓai; aman nkezla'a, mali az a pa ɓai.

²⁸ Gar haha bakihi ba, sèi ta woy ngwozi ta a ndav ta, ara va ta. Ndo man a woy ngwoz na a ndav na, a woy va na.

²⁹ Aman ndo azɓai, daga zlèzlè'a ba, man a gi shèwa va na. Aman a va na skwi n'ndai, a wara na dai; lèmèlèmè Kristi ba a sam mpi ndohi Zhiklè.

³⁰ Aman nga nfèfènva na.

³¹ Gar haha ndo a di a jèkeda bab na, a mam na, a ta nzi a ngwoz na, ta cèw ta gi va ta staƋ.

³² Skwi man n'ngheda`a haha mbia`a. l gèƋète Kristi, a mpi ndohi Zhiklè.

³³ Gar haha kinè ba, staƋ staƋ da woy ngwoz na a ndav na, ara va na; aman ngwoz da slubordo baki na!