Ephésiens 3 - Mofa New Testament

¹ Gar haha iyè Paul, i ndo dangai Kristi Yèsu a géƋ kinè, ndohi nte deɓa.

² Kin tsena ma pombi Zhiklè, man i ngotso a i va kinè.

³ Ara man i winda kinè ma kèshkata a matsa ma, skwi n'ngheda haha a ngudkoƋauda a sam ga,

⁴ aman a kin jèngè'a, a kin slaha kin rka te pa, aman i sun skwi Kristi man n'ngheda.

⁵ Hala'a a n'ngreda ta skwi n'ngheda haha a ndohi herkeda ɓai; aman antanta a n'ngreda ta ndohi sak nkezla'a, a ndohi nhadka ma te Mèzhèɓ.

⁶ Skwi n'ngheda sa a haha: ndohi nte deɓa ba ta ngècè skwi Zhiklè a nda tenga'a, ta humda a va staƌ, ndohi man ta mba a mpèsl ri Kristi Yèsu te ma mbela'a.

⁷ I ndo mizlinè nenga'a, a gèƌ pombi Zhiklé man a vayè, a géƌ wuƌi nenga'a mbia'a.

⁸ A mvay skwi haha a iyè, ntabaw ndohi Zhiklè tèlèba, aman i njè ta mèshèlè Kristi, man a ndev ɓai, a ndohi nte deɓa,

⁹ a i winè ta dai, aman ta rka skwi man Zhiklè a huro a ngia'a, man n'ngheda te nhinkaƋ herkeda te Bi Zhiklè, man a ngu skwi tèleba.

¹⁰ Antanta te mpi ndohi Zhiklè, maya Zhikle tsaƋ tsaƋ n'ngreda auda a sam wuƋihai, a bihi t'hwaƋ giƋfèk.

¹¹ Skwi haha Zhiklè a nhur daga hala'a, a nrufa'a te Kristi Yèsu, Bi nga.

¹² Te nenga'a nga ngots civèƋ te ncè-a-ndav, aman nga herda na va a Zhiklè, a nga fi gèƋ a vna a zlau ka ɓai.

¹³ Gar haha i tsa kinè rai, aman ntulè a zlau da keƋa kinè ɓai a géƋ matakwan ga, man i Ƌishè a géƋ kinè. Nenga'a skwi n'njèl kinè.

¹⁴ Gar haha i gürɓèhi a sam Bab Bi nga Yèsu Kristi,

¹⁵ a nzlembaƌ nenga'a ta baba ta wudahai, te zhiklè te géƌè'a, a géƌ herkeda ba, tèlèba.

¹⁶ Da va kinè wuƌai, ara mèshèlè n'njèl nenga'a, aman kin gi a ndohi wuƋai te ndav kinè, te Mèzhèɓ nenga'a.

¹⁷ Aman Kristi da nza te ndav kinè te ncè-a-ndav, a mwoy-ndo kinè a gi ara zluzlor man a gidè azɓai gedengge denga'a.

¹⁸ A kin slaha kin suna, a nda ndohi Zhiklè tèlèba, mwoy-ndo man a zhè te Kristi: nguzlöhna, njüv na, ngür na, a nkèl na;

¹⁹ a kin shin mwoy-ndo Kristi, man a fena skwi man ndohi ta sla ba a ta shinè'a a kin ndha'a a skwi man a zhè te Zhiklè tèlèba.

²⁰ Aman a nenga'a man a slaha a ngi skwi tèlèba, a ndev ɓi sraffaffa'a, a fena skwi tèlè man nga slaha nga jhèƋè'a a nga shinè'a, ara wuƋi man a gi te ndav nga,

²¹ a Zhiklè: n'njèlè te mpi ndohi Zhiklè, te Yèsu Kristi, pèc pècèk, asam ndohi a géƋ herkeda tèlèba, a mvi a mvai, a mèdèp. Amen.