Ephésiens 1 - Mofa New Testament

¹ I Paul, ndo sak Yèsu Kristi, ara man Zhiklè a woya'a, a sam ndohi Zhiklè te kokwar Ephèse, a ndohi man ta co Yèsu Kristi a ndav.

² Pombai a gumai da, zhè a nda kinè te Zhiklè, Bab nga, te Bi Yèsu Kristi.

³ Nga shid gèƋ a Zhiklè, Bab Bi nga Yèsu Kristi, aman a pshè nga ma te Kristi, a va nga skwi Mèzhèɓ man a Zhiklè tsaƌ tsaƌ.

⁴ Aman te Yèsu, a mpar nga mpèrè, man herkeda n'ngedi ɓai, aman ngagi a ndohi nkezla"a, mali nga azɓai a sam di na, te mwoy-ndo nenga'a,

⁵ a mpu saba nga, aman a ge nga a wudahi nenga'a te Yèsu Kristi, ara man ambaba, ara man a woya"a,

⁶ a nga ndi a skwi nslèbèrdè n'njèl nenga"a, man a mva nga te kra nenga"a man a woya a ndav na.

⁷ Yèsu a mpela gèƋ nga a pombaz na, a mpra nga malai te pombi nenga"a mbia'a,

⁸ man Zhiklè a mva nga kumba, a vata ba, a nga shin skwi tsaƋ tsaƋ, a maya tsaƋ tsaƋ.

⁹ Te nenga'a a n'ngra nga skwi man Zhiklè a woya'a, n"ngheda"a, ara man ambaba.

¹⁰ A da rufa"a, aman a mɓica tèlèba te Kristi, ko skwi te zhiklè te gèƋè"a. Ko skwi a gèƋ herkeda.

¹¹ Te nenga"a nga da ngècè skwi Zhiklè, nga man a mpu saba nga, ara man a huro a géƌ skwi tèlèba man a woya a ngia'a.

¹² A nga gi a skwi nslébèrdè n'njèl nenga'a, nga man nga zhor Kristi te ndav n'nzi a zhè.

¹³ Te nenga'a kinè ba, man kin tsena ma nzura'a, nenga'a ma mbela'a, a kin co a ndav, Mèzhéɓ Zhiklè nkezla'a n'ndè te ndav kinè, man a pasla nga ri a pa.

¹⁴ Nenga'a skwi man a va nga hai a géƌ skwi man nga da ngècè te Zhiklè, ba a mpela gèƌ nga, n'nga'a a skwi nslèbèrdè n'njèl nenga'a.

¹⁵ Gar haha iyè ba, te deɓa'a man i tsena labar ma kinè, ara man kin co Bai Yèsu a ndav, ara man kin woy ta ndohi Zhiklè tèlèba,

¹⁶ i jèkè nshid gèƋ a gèƋ kinè azɓai, a i hèr kinè te ntsi ri ga.

¹⁷ Zhiklè Bi nga Yèsu Kristi, Bab n'njèlè, da va kinè Mèzhèɓ nshin maya, da ngreda kine skwi auda, te nshin nenga'a.

¹⁸ Da wina di kinè, aman kin shin skwi man kin zhèrè te ndav, man a baba kinè a pa, a n'njèl skwi Zhiklè mbia'a man kin da ngècè'a man a va ta ndohi nenga'a.

¹⁹ A kin shin wuƌi mbia'a a sam nga, man nga co a ndav, ara wuƌi n'njèl na man a sam nga,

²⁰ wuƌi man a gu a sam Kristi ba, man a nslambaƌda te ndev ndohi m`metsa'a, a n'nzedahi te civèƋ ri mandi nenga`a te zhiklè te gèƋè'a,

²¹ a gèƋ kokwar-Bihai, wuƋi bihai, wuƌai tsaƌ tsaƌ, nkwèr skwai, a skwi tèlèba man ta slaha ta gèƌè'a, t'herkeda haha genè ka ɓai, aman te nenga'a ba man a di a shkè.

²² Zhiklè a mfeda skwi tèlèba a hwad sak nenga'a, a mfeda a bi a gèƋ mpi ndohi Zniklè va na.

²³ Yèsu te mpi ndohi Zhiklè, a ndha tèlè ma ba.