Colossiens 2 - Mofa New Testament

¹ l woya aman kin sun var ga man i gi a géƌ kinè, a géƌ ndohi Laodicée tèlèba, a géƌ ndohi ngiƋè kumba man ta rkayè adi di ɓai.

² A va tawuƋi a ndav ta, a ta hümdè te mwoy-ndo a ta shin skwi mbela'a tèlèba te Kristi.

³ A ta shin skwi Zhiklè, Bab Kristi, n'ngheda'a. Skwi mèshèlè te nshin maya, te nshin skwi tèlèba, n'ngheda te nenga'a.

⁴ I gaƋa kinè ma haha, aman ndo da pe kinè a wi ɓai, da slafaƌ kinè hi a ma ɓai.

⁵ Ko iyè a sam kinè ɓai, nga humda a nda kinè te Mezhèɓ. A i wuffè aman i rka maya kinè, a ncè-a-ndav kinè te Kristi, man a nza tara'a.

⁶ Ara man kin co Bai Yèsu Kristi, vodo a ma ma te nenga'a!

⁷ Ncè-a-ndav kinè da ga ara zluzlor gedenggedenga'a, a kin dè a ma ma, a kin nzi dai te pa, ara man ta njè kinè. Vashüd gèƋ a géƋ nenga'a kumba!

⁸ Vagu maya, aman ndo ngiƌè a ngwode kinè azɓai a nshindè maya nenga'a, man a pe kinè awia ncèkèlma ambalai, a maya nzakaƌ ndohai. Verzi nenga'a njèma ndohai, a gèƌ skwi herkeda, Kristi ka ɓai.

⁹ Aman te Kristi skwi Zhiklè tèlèba a zhè a vava.

¹⁰ Te nenga'a kin ngots skwi tèlèba. Nenga'a a géƌ kokwar-Bihi, a géƌ wuƌihi tèlèba.

¹¹ Te nenga'a kinè ndohai man ndav kinè ntila, ntétékè az a sam kinè asaɓai. Kin co Kristi te di man a ngél ngwon.

¹² Ta re kinè a nda nenga'a te baptême, kin slambaƌkaƌauda a nda nenga'a te ncè-a-ndav, man Zhiklè a gia'a, nenga'a man a slambaƌda te ndev ndohi m'metsa'a.

¹³ A va kinè nshèffè a nda nenga'a, kinè man hala'a kinè ndohi m'metsa te ri malai, man ndav kinè ntil ɓai, a mpra nga malai te pombi na.

¹⁴ A ngedassa Ƌèlèwèr kita man a pin nga, man a fa nga ma a gèƋ. A nco auda te ndev nga, a ndizlda wof ngézlèl na.

¹⁵ A nsuƋama ta wuƋi auda a va kokwar-Bihai, a wuƋihai, a n'ngreda ta a sam di ndo tèlè, a ntsa ta sabai a gèƋ.

¹⁶ Gar haha ndo ngiƋè da bazla kinè mali a gèƋ ɓai, a géƋ skwi n'ndai, a géƋ skwi nsai, a géƋ pats ngolala, mvèng kia, pats nshèk va.

¹⁷ Skwi haha tèlèba sèi mèzhèɓ skwi man a ma, te Kristi.

¹⁸ Vagu maya, ndo da bezlamda kinè skwi ntul kinè ɓai, ndo man a ga va ara man a manda gèƋ na a hai, a slébèrdè golahi Zhiklè, a jégèr va ambalai te nhér ntétékè va na, a fi va a géƋskwi man a rka na dai.

¹⁹ Nenga'a a gsa va a Kristi, man gèƌ, ka ɓai. A géƌ Kristi, va ngsa zura'a, a nderzlè gèƌ vatasl a marhi ba, avaa ngrè amba amba, ara man Zhiklè a woya'a.

²⁰ Aman antanta kin mets kinè a sam skwi herkeda ma, te Kristi, a kin va ta civèƋ, aman ta fa kinè ma kita a gèƋ, ara man kinè a herkeda dai:

²¹ Ka lama na skwi haha ɓai ka tor skwi haha ɓai ka geda ri a pa ɓai ar ta.

²² Skwi haha tèlèba a di a géƌ èsh na ara ma nkwèr ndohai, a njèma ndohai man ta gaƋa.

²³ Skwi man ta gu a deɓa'a ara ma maya, ara mwoy Zhiklè; ko ta manda gèƌ ta a hai a ta ɓurto va ta, a géƌ man ta ga zlau Zhiklè ka ɓai, aman a géƌ man ta slaha ta jèjèr ntétékè va ta.