Apocalypse 8 - Mofa New Testament

¹ Aman kra tambak a mpelasla skwi mpizlè ntkotsa'a matsaraƋa'a, ta nza dibèa'a te zhiklè, nshin va kètè.

² A i rka golahi Zhiklè tsaraƌ, man ta zlatsa a sam mvi skwi a Zhiklè, a ta pa ta tolomhi tsaraƌ.

³ A gol Zhiklè ngiƋè a mshkè, a nzlatsa a géƋ sam mvi skwi a Zhiklè, a kokwi guro ɓurdi te rai, a ta va na ɓurdi kumba, man a da via a géƋ sam mvi skwi a Zhiklè guro, a sam n'nzi bai, a nda ntsi ri ndohi Zhiklè tèlèba.

⁴ A vodzok burdi a mdo a géƋè'a, a nda ntsi ri ndohi Zhiklè te ri gol Zhiklè, a sam di Zhiklè.

⁵ A gol Zhiklè a nco kokwi burdi, a nfa na vogwa a sam mvi skwi a Zhiklè, a mbaƋahai a herkeda. A iyam a ntsai, a iyam a n'ndi dai, a herkeda a ngudzai.

⁶ A golahi Zhiklè tsaraƋ, a tolomhi tsaraƌ, ta tila va ta, a ta hüno ntsia'a.

⁷ A gol Zhïklè nshèlèkura'a a ntsu tolom: a vandzal a vogwa, ndzakaɓa a pombaz, a nkalahi a herkeda, a vogwa a n'ndaha herkeda, a sam, man ta kezla makar, a n'ndaha staƋ te va wofhi makar a sam wofhi tèlèba, a kuza ba.

⁸ A gol Zhiklè macecèwa'a a ntsu tolom: a skwi ngiƋè nara za mbia'a, man vogwa a ndia'a, a m'mbeƋ na hai a ndev iyam mbia'a, a iyam mbia'a man ta kezla makar, a n'ngwode na a pombaz.

⁹ A skwi te pa, man Zhiklè a mva na nshèffè, man ta kezla makar, ta bazl ta, a wuromhai man ta kezla makar, ta gedas ta.

¹⁰ A gol Zhiklè mamakara'a a ntsu tolom: A banti mbia'a a kalkaƋahai ara vogwa mbia'a, a nkal na a ndev woyam man ta kezla makar, a nlèlè iyam ba.

¹¹ NzlembaƋ bantia'a, dèrvowa. A iyam, man ta kezla makar, a n'ngwode na a dèrvowa, a ndohi kumba ta bazl ta, a géƋ man ta su iyam sa, iyam nƋuzlekzleka'a.

¹² A gol Zhiklè mafaƋa'a a ntsu tolom: a ntsu pats man ta kezla makar, a kia a bantihai man ta kezla makar, a ta ngwode ta a ruva. Ko pats ko vaƌ man ta kezla makar, a nze na.

¹³ A i rka, a i tsena vezi man a hi te ndev giƋfèk, man a goƋ ngèƋè a wuƋai: Wobau, wobau, wobau a sam tenga'a man tanza a géƋ herkeda, a géƋ njèkèƋi tolom makar, man golahi Zhiklè ngiƋè ta hinè a ta tsia antanta.