Apocalypse 7 - Mofa New Testament

¹ Te deɓ nasa i rka golahi Zhiklè faƋ, ta zlatsa te tsagi herkeda faƋ, kozlarhi herkeda faƋ te rai, a kozlar a gi azɓai a géƋ herkeda, ko a géƋ iyam mbia'a, ko te wof.

² A i rka gol Zhiklè ngiƋè a mshkè a sam mvèng pats, nenga'a a n'ngots skwi mpizlè ntkotsa'a a Zhiklè man a zhè a nshèffè, a ngoƋ a ngèƋè mbia'a a sam golahi Zhiklè faƋ man ta ngots wuƋai, aman ta gedassa herkeda a iyam mbia`a,

³ a ngaƋa ta: Kin gedassa herkeda a iyam mbia'a a wofhi di ɓai, ba ta tsa ta lamba a medi ɓèlèlihi Zhiklè nga.

⁴ A i tsena man ta ngra tá, man ta tsa ta lamba a medai: tèlèba ndohi gozhèm 144, te verzi Isràel tèlèba.

⁵ Te verzi Juda ndohi gozhèm 12, te verzi Ruben ndohi gozhèm 12, te verzi Gad ndohi gozhèm 12,

⁶ te verzi Aser ndohi gozhèm 12, te verzi Nephtali ndohi gozhèm 12, te verzi Manassé ndohi gozhèm 12,

⁷ te verzi Siméon ndohi gozhèm 12, te verzi Lévi ndohi gozhèm 12, te verzi Issacar ndohi gozhèm 12,

⁸ te verzi Zabulon ndohi gozhèm 12, te verzi Joseph ndohi gozhèm l2, te verzi Benjamin ndohi gozhèm l2, man ta tsa ta lamba a medai.

⁹ Te deɓa'a i rka nhèyè ndo mbia'a, ndo a slaha a n'ngrè ɓai, te va ndohi herkeda, a ndohi kokwar, a gerzi ndohai, a da'ai ta tsaƋ tsaƋ tèlèba, ta zlatsa a ma sam n'nzi bai, a ma kra tambak, a maslaka nslekaƋa a va, a vah gangar te rai,

¹⁰ a ta boho tèlèba, a ta gaƋa: Skwi m'mbel nga a shkè te ri Zhiklè nga, man a nza a géƋ sam n'nzi bai, a shkè te ri kra tambak.

¹¹ A golahi Zhiklè tèlèba ta zlatsa a sam n'nzi bai, a ta tèuda ndohi nhala'a a skwihi faƋ a nshèffè a pa, a ta tuzlom ta a hai a sam n'nzi bai, a ta slubordo Zhiklè,

¹² a ta gaƌa: Amen, nshid gèƌ, a nslébèrdè, a maya, a susai, a n'njèlè, a wuƌibai, wuƌai a Zhiklè nga te nhinkaƌ na a mèdèp. Amen.

¹³ A ndo nhala'a staƋ a ngaƋayè: Ndohi haha a maslaka nslekaƋa'a a va, wa? Ta shkè tema?

¹⁴ A i gaƋa na: Bi ga, ka, ka suna. A nenga'a a ngaƋayè: Tenga'a man ta shkè auda te matakwan mbia'a, a ta pana maslaka tenga'a, a ta slekaƋa maslaka tenga'a te pombaz kra tambak.

¹⁵ A géƋ nenga'a ta zhè a ma sam n'nzi bi Zhiklè, a ta takaha a pats a vaƋ te gi Zhiklè nenga'a. A nenga'a man a nzi a géƌ sam n'nzi bai a da nza ta a dai.

¹⁶ Mi a da keƋ ta te deɓa'a asaɓai, iyam a da dza ta te deɓa'a asaɓai, pats a da te ta te deɓa'a asaɓai, a vazaza a da ga ta asaɓai,

¹⁷ aman kra tambak te ndev sam n'nzi bai a da war ta, a de ta a sam nlèlè a iyam nshèffè, a Zhiklè a da saha ta kuƋa auda a dai.