Apocalypse 22 - Mofa New Testament

¹ Te deɓa'a a n'ngray woyam mbia'a a iyam nshèffè nkèƋècè'a, man a shkè auda a sam n'nzi Bi Zhiklè a kra tambak.

² A tsagi woyam cèw, te ndev civèƋ, wof nshèffè staƋ, man a yi skwai, sak 12, t'hwaƋ mvi staƋ, a yi wud na a kia kia. Vah wofa'a a mbel ta ndohi herkeda te matakwan.

³ Skwi mphomda'a az te pa ɓai. Sam n'nzi bi Zhiklè a kra tambak a da zhè te pa, a ɓèlèlihi nenga'a ta takaha,

⁴ a ta rka Zhiklè a iyam di a iyam dai, a nzlembaƋ nenga'a a zhè a medî tenga'a.

⁵ Vaƌ a da gi asaɓai, ko pitirla, ko pats azɓai, aman Zhiklè, Bai, a da hela ta sam. A ta gi bai a mèdèp.

⁶ A ngaƋayè: Ma haha nzura'a a vava: Bi Zhiklè, Bi mèzhèɓ ndohi nhadka ma, a nzlündo gol nenga'a man a ngra ta ɓèlèlihi nenga'askwi manaƋagiandul ndul.

⁷ Na haha, i shkè ndul ndul. Mwuffè a sam nenga'a man a fi gèƋ a ma man Ƌèlèwèr haha a hodkoƋai.

⁸ lyè, Jean, iyè man i tsena ar haha, a i rka ar haha. Ncin na, mrkè na, i kalahai a deɓ sak nenga'a, a i tsu ri a gol Zhiklè man a ngray ar haha.

⁹ A nenga'a a ngaƋayè: Az arsa ɓai! Aman iyè ba, i ɓèlè ara ngaya, ara kramamhi ngaya, ndohi nhadka ma, a tenga`a man ta fi ged a ma Ƌèlèwèr haha. Tsu ri c' Zhiklè!

¹⁰ A ngaƋayè: Ka pizlè ma man dèlèwèr haha a hodkoƋi a skwi mpizlè ntkotsa'a ɓai, aman tidè sama ma!

¹¹ Ndo man a gi skwi ambaɓia'a, da gu ambaɓi a ma ma. Ndo man nlizhe'a, da lüzho a ma ma. Ndo man a gi zura'a, da gu zura'a a ma ma. Ndo man ndav nenga'a nkezla'a, da gu aman ndav nenga`a nkezla a ma ma.

¹² Na haha, i shkè a deɓa ndul ndul, a skwi ntul kinè te rai, aman i va na a ndo staƋ staƋ ara skwi nenga'a man a`gau.

¹³ lyè, Alpha a Oméga, ndo nshèlèkura'a a ndo n'ndikèma skwai, nhinkaƌ skwai a n'ndikèma skwai.

¹⁴ Mwuffe a sam tenga'a man ta pènè maslaka ta, a ta ngècè skwi ta a sam wof nshèffè, ta de a pa a ntamagi kokwar.

¹⁵ Kdadihai, ndohi m'mbèh skwai, ndohi mphömè, ndohi nkeƌ ndo, ndohi vrai, ndo staƌ staƌ tèlèba man a cèkèlma te ngèƌè, te skwi man ta gia'a, ta t'uda.

¹⁶ Iyè, Yèsu, i zlinde ta golahi ga a ma malwuƌi ar haha a sam kinè, a ta ngra ta mpi ndohi Zhiklè. lyè zluzlor verzi David, mavar prèk man a hél sam.

¹⁷ A Mèzhèɓ Zhiklè a medemi ta gaƋa: Washkè! A ndo man a tsena'a, da goƋ: Washkè! A ndo man iyam a dza na, da shkè. Ko wawa man a woya'a, da co iyam nshèffè, ambalai.

¹⁸ l ngreda ta ndohi tèlèba man ta tsena ma man Ƌèlèwèr haha a hodkodai: Ndo man a vi ma a va'a, Zhiklè a da va na matakwan man ta windo te Ƌèlèwèr haha a va'a.

¹⁹ Ndo man a helaha te ma man Ƌèlèwèr haha a hodkodai, Zhiklè a da helaha te skwi man a ngècè a sam wof nshèffè, a sam kokwar nkezla'a, man ta windo te Ƌèlèwèr haha.

²⁰ Nenga'a man a ngrèdè ma malwuƋi ar haha, a gaƋa: Anai i shkè ndul ndul. Amen, washkè, Bai Yèsu.

²¹ Pombi Bi Yèsu da zhè a nda kinè tèlèba! Amen