Apocalypse 19 - Mofa New Testament

¹ Te deɓa'a i tsena nhèzlèwè mbia'a a ndo ntiɓishèa kumba te zhiklè, man ta gaƋa: Alléluya! Skwi m'mbel ndo, a n'njèlè, a wuƋai, a Zhiklè nga!

² Aman kita nenga'a amba zura'a, aman a ga na kita a gèƋ a ngwoz mphömè mbia'a, man a gedassa herkeda a mphömè nenga'a, a pil ɓèlèlihi nenga'a man a bazla'a, ari na.

³ A ta gaƋa za'a: Alléluya! A vodzok nenga'a a dè a géƋè'a a mèdèp.

⁴ A ndohi nhala'a 24, a skwihi faƋ a nshèffè, ta kalahi a deɓ sak nenga'a, a ta tsu ri a Zhiklè, man a nza a géƋ sam n'nzi bai, a ta gaƋa: Amen, Alléluya!

⁵ A ngèƌè ngiƌè a ntsena a sam n'nzi bai: Voslubordo Zhiklè nga, kinè ɓèlèlihi nenga'a tèlèba, man kin gi zlaua; cèw ba, ndohi nkèshè'a a ndohi mbibihia'a ba!

⁶ A i tsena ara ngèƋè ndo ntiɓishèa mbia'a, ara kuƋ iyam mbia'a, ara ntsi iyam mbia'a, man a gaƋa: Alléluya! Bi Zhiklè nga, Bi wuƋi tèlèba, a gi bi ma.

⁷ Ngo-wuffokoya, ngogokoy langlanga'a, ngoslubordokoy nenga'a, aman ngolala kra tambak a gi ma, medemi nenga'a ntila ma!

⁸ A ta va na maslaka bata mbela'a nslekaƌa'a, aman a mvi a va. Maslaka bata mbela'a sa, mizlinè nzura'a man ndohi Zhiklè ta gau.

⁹ A ngaƋayè: Windo! Mwuffè a sam ndohi man ta baba ta a sam skwi n'ndi ngolala kra tambak. A nenga'a a ngaƌayè: Nasa ma Zhiklè a gèƌagèƌ.

¹⁰ A i kalahi a deɓ sak nenga'a, aman i tsi ri a nenga'a. A ngaƌayè: Az arsa ɓai! I ba i ɓèlè ara man a ngaya, ara kramamhi ngaya, man ta gi malwuƌi a géƌ Yèsu. Tsu ri a Zhiklè! Ndohi nhadka ma ta hadka ma malwuƌi Yèsu.

¹¹ A i rka zhiklè mwinèa: na haha, plèsh nslekaƋa'a. NzlembaƋ ndo plèsh: 'nlèɓèslè'a a nzura'a', man a gi kita, a gi var te ngizura'a.

¹² Di nenga'a a vècè ara nè'èn vogwa, gèƋ nenga'a mpaƋa'a a mpèƋè gèƋ kumba; nzlembaƋ man mwindè'a a gèƌ nenga'a, ndo a sun ɓai, sèi nenga'a staƋgenè.

¹³ Maslaka a va, nruɓa a pombaz. Ta baba na a nzlembaƋ Ma Zhiklè'.

¹⁴ A ndohi var te zhiklè a deɓ plèshihi nslekaƋa'a ta dzodzor te deɓa, a maslaka bata nslekaƋa'a kuƋkuƋèa a va.

¹⁵ Kafahi gwèsh wètwètè'a a shkè auda te ma na, man a bazl ta ndohi herkeda, a da war ta a gaƋa züdo, a nkèlè skwi te klok n'ndha a skwi nsi ndzoan Bi Zhiklè mbia'a, a Zhiklè wuƋi tèlèba.

¹⁶ NzlembaƋ ngiƋè mwindèa a maslaka na, a tataya nenga'a: Bai a géƋ bihai, mbia'a a géƋ mbibihia'a.

¹⁷ A i rka gol Zhiklè nzlatsa te pats, a mboho a wuƋai, a ngaƋa ta diakihai tèlèba t'hwaƋ giƋfèk: Vowashkè, vaɓücko va a sam skwi n'ndi mbia'a man a Zhiklè,

¹⁸ a kin ndi zluèƋ bihai, a zluèƋ bi sojèhai, a zluèƋ ndohi wuƋai, a zluèƋ plèshihai a ndohi man ta nza a pa, a zluèƋ ndohi ngwai a ɓèlèlihai, ndohi nkèshè'a a ndohi mbibihia'a.

¹⁹ A i rka skwi dak a nda bihi a géƌ herkeda, a nda ndohi var ta ɓica'a, aman ta gi var a ndo man a deɓ plèsh a ndohi var nenga'a.

²⁰ A ta gso skwi dak a nda ndo nhadka ncèkèlma man a gu nrkedi a sam di na, man a pe ta ndohi man lamba skwi dak a va, a wai, aman ta tsi ri a skwi man ta roma ara skwi dak. A ta wushede ta cèw ba a vèvèƌ vogwa, man skwi nvècè vogwa te pa, a di t'uda.

²¹ A ta bazl ta njèkèdi ndohai a kafahi gwèsh, man a shkè auda te ma ndo man a deɓ plèsh. A ƌiakihi tèlèba ta ngeza va a zluèƌ tenga'a.