Apocalypse 18 - Mofa New Testament

¹ Tedeɓnasai rka gol Zhiklè ngiƋè nian a shkèhai te zhiklè, man a ngots wuƋi mbia'a. Sam herkeda nhela a n'njèl nenga'a.

² A mboho a wuƋai, a ngaƋa: M'mbeƋ na, m'mbeƋ na, Babylone, kokwar mbia'a. A n'nde na a gi madzagihai, a gi dangi mèzhèɓhi ambaɓihia'a tèlèba, a sam n'nzi Ƌiakihi ambaɓihia'a, tèlèba man ndo a woya ɓai.

³ Aman ndohi herkeda tèlèba ta sau skwi mphömè nenga'a, a bihi herkeda ta gu mphömè a nenga'a, a ndohi gani l`herkeda ta gu a ndohi mèshèlè te nwèl va nenga'a.

⁴ A i tsena ngèƋè ngiƋè te zhiklè man a gaƌa: Vodo kinè auda a sam na, ndohi ga, man ɓai kin humdè a mali nenga'a, a kin si matakwan a nda nenga'a.

⁵ Aman mali nenga'a n'ndika a zhiklè, a Bi Zhiklè a hér mphömè nenga'a.

⁶ Vaga na, ara man a ga kinè. Skwi man a ga kinè, vaga na ta ta man a nenga'a cèw. A kokwi man a ɓala kinè a vna, vaɓala na a nenga'a te pa cèw.

⁷ Te di n'njèl va na, a nwèl va na, vaga na matakwan a nlèyè!

⁸ Aman nenga'a a gèƋè te ndav na: I nzi a haha, i ngwoz bai, ngwoz mazi ka ɓai, i da shin nlèyè azɓi fet!

⁹ Gar haha matakwan nenga'a a shkè pats staƋ, a m'metsai, a nlèyè, a mai, a ta da gedassedaussa a vogwa. Aman Zhiklè, Bi wuƋai, a gi kita na. A bihi herkeda man ta gu mphömè a mali a vna, ta da kuƋia'a, a ta lèyè'a, aman ta rka vodzok vogwa man ta pinda ma.

¹⁰ A ta da zlècè dra, a zlau matakwan nenga'a, a ta gaƋa: Wobau, wobau a géƋ kokwar mbia'a. Kita ngaya a mshkè a pats staƋ!

¹¹ A ndohi ganai a géƋ herkeda ta da kuƋia'a, a ta lèyè'a, aman ndo ngiƋè a woya a nshum skwi tenga'a ɓai.

¹² Guro a verzhègenè, kwa mbelahia'a, a skwi ngiƋè ara jimkaya, a maslaka bata mbela'a, a vèvèzh, maslaka man gani a pa kumba, maslaka nteva'a, a wof tsaƌ tsaƌ man a zhkè amba, a zlè'èn fakawai, a skwi tsaƋ tsaƋ man ta gu a wof a züdo guro, a züdo, a kwa mvècè'a,

¹³ a masara, a mbar, a tsna, a skwi man a zhkè ara burdi, a barassa, a mbarva, a gufa nkerƋa demènè'a, a dau, a skwi gai, a tambakihai, a plèshihai, a kikihai, a ɓèlèlihai, a ndohai.

¹⁴ Skwi man ambaba ka a ndav ngaya, klèng. Skwi tèlèba man nterkasla'a, a si dai, ngedassa ma, a ka da ngècè te deɓa'a asaɓai a mèdèp.

¹⁵ Ndohi gani sa, man ta ngots skwi mèshèlè te Babylone, ta da zlecè dra, te ri zlau matakwan tenga'a, ta kuƌai, a ta gaƌa:

¹⁶ Wobau, wobau, ka kokwar mbia'a, man hala'a a maslaka bata mbela'a a va, nduzoa, a vèvèzh, mbè te pa a guro a kwa mbela'a a skwi ngiƋè ara jimkaya.

¹⁷ A pats staƋ mèshèlè mbia'a aranta ngedas na ma! A ndohi wurom, a ndohi nhèd wurom, a ndohi mpèr skwi a géƋ iyam mbia'a, a ndohi man ta gu gani arsa, ta zlatsa dra, a ta boho a wuƋai,

¹⁸ aman ta rka vodzok vogwa nenga'a, a ta gaƋa: Daga zlèzlèa, kokwar mbia'a ngar ka a zhi Ƌè?

¹⁹ A ta peda hutsoƋ a gèƋ, a ta boho a ta kuƋia'a, a ta lèyè'a, a ta gaƋa: Wobau, wobau, ka kokwar mbia'a; a sam ngaya ndohi tèlèba, a wurom a géƋ iyam, ta nda'a a ndohi mèshèlè te nwèl va ngaya, a pats staƋ ngedas na ma!

²⁰ GiƋfèk, wuffa a géƋ nenga'a! Vawuffa, kinè ndohi Zhiklè a ndohi sak a ndohi nhadka ma! Aman Zhiklè a n'nga na kita a gèƋ, a géƋ kinè!

²¹ A gol Zhiklè, man wuƋi na zhè, a mco kwa mbia'a staƋ ara vova, a nkalda a va woyam mbia'a, a ngaƋa: Aranta ta gedassa Babylone, kokwar mbia'a, ara man a gi wuƋwuƋa'a a géƋ iyam, a ta rka te deɓa'a asaɓai.

²² A ta da cinè ndohi ganzavar a ndohi dimèsh a ndohi shingelèk a ndohi ntsi tolom a sam ngaya asaɓai. A ndo man a gi mizline mèmè ta ngècè a sam ngaya te deɓa'a asaɓai; nhèzlèwè vova ta cinè a sam ngaya asaɓai,

²³ vogwa pitirla a da hél sam kokwar ngaya asaɓai, ntsima dalahai ta cinè a sam ngaya asaɓai. Hala'a ndohi gani ngaya ta bihi a géƋ herkeda, a ka pe ta ndohi herkeda tèlèba a wai a m'mbèh skwi ngaya,

²⁴ a ta ngots pombaz ndohi nhadka ma a ndohi Zhiklè, a ndohi tèlèba man ta bazl ta a géƋ herkeda, a sam ngaya.