Apocalypse 17 - Mofa New Testament

¹ Staâ te va golahi Zhiklè tsaraƋ, man kokwi tsaraƋ te ri ta, a mshke, a ngaƋayè: Washkè, i woy a i ngra ka kita a géƋ ngwoz mphömè mbia'a, man a nzi a géƋ woyamhi kumba,

² man bihi herkeda ta gu mphömè a vna. Mphömè man ta gu a vna a nkeƋ ta ara zom.

³ A ndiyè a hèshèkèƋ te Mèzhèɓ. A i rka ngwoz n'nza a deɓ skwi dak, ngi na ara vèvèzh, a nzlembaƋ nderƋe Zhiklè kumba, a gèƋhi tsaraƋ a dromhi kula.

⁴ Ngwoz a maslaka nduzoa a vèvèzh a va, mbè te pa a guro a kwahi mbela'a, a skwi ngiƋè ara jimkaya, a kokwi guro te rai, n'ndha a skwi man a ndèrè ndo, a skwi nlizhè'a a mphömè na.

⁵ A medi nenga'a mwindè'a nzlembaƌ ngiƌè, man ndo a sun verzia ɓai: Babylone mbia'a, mam mphömè, mam skwi tèlèba man a ndèrè ndo a géƋ herkeda.

⁶ A i rka ngwoz pombaz ndohi nkezla'a a pombaz ndohi malwuƋi Yèsu a nkeƋa'a ara zom. A i rzl ga kumba, aman i rka ngwoz sa.

⁷ A gol Zhiklè a ngaƋayè: Ka rzl ngaya èhèmè? I war a i ngra ka skwi n'ngheda'a te ngwoz haha, a skwi dak man a zhüɓa'a, man gèƋhi tsaraƋ a dromhi kula.

⁸ Skwi dak man ka rka'a, a zhè a matsa, ani asaɓai, a da skè auda za'a te vèvèƌ mpèltemtema'a, a da hi na a sam ngedassa'a, a ndohi a gèƌ herkeda ta da rzl ta, ndohi man nzlembaƌ ta mwindèa te ƌèlèwèr nshèffè ɓai, daga nhinkaƌ herkeda, aman ta rka skwi dak ara man a nza, antanta asaɓai, a da zhè za'a.

⁹ Na haha skwi man ndohi, man maya ta zhè, ta hérè'a. GèƋhi tsaraƋ nara zahi tsaraƋ, a géƋ tenga'a ngwoz a n'nza a`pa. Ta ara bihi tsaraƋ ba.

¹⁰ Zlam ta goko bi ma, staƋ a zhè, ngiƋè a mshkè di ɓai. Man nskè ma, a nzi kèshkata genè.

¹¹ A skwi dak man a nza, man antanta asaɓai, nenga'a bi matsamakaƌa'a, man a shkè auda te va ntsaraƌa sa, aman a dè na a sam ngéƌèshè.

¹² Dromhi kula, man ka rka'a, nara bihi kula, man ta ngatsa kokwar-Bihi tenga'a di ɓai, aman ta ngècè wuƌibai ara bihai, a nda skwi dak, nshèk va kèshkata.

¹³ Ta mba ma ta, ta va na wuƌibi ta a n'njèl bi ta a skwi dak.

¹⁴ Ta da gi wuƌi a kra tambak, a kra tambak a da gi a ngul ta, aman nenga'a mbia'a a géƌ mbibihia'a, bai a géƌ bihai, a ndohi man ta dzodzora, man Zhiklè a baba ta, a mpar ta mpèrè, a ta lèɓèslè, ta mbi a ngi a ngula a nda nenga'a.

¹⁵ A nenga'a a ngaƋayè: Iyam man ka rka'a, a sam man ngwoz mphöniè a nza a pa, nara ndohi herkeda, nhèyè ndohi herkeda, a ndohi verzi tsaƋ tsaƋ, a ndohi man da'ai ta tsaƋ tsaƋ.

¹⁶ Dromhi kula man ka rka'a, a skwi dak, ta da gi shèwa a ngwoz mphömè, a ta da jèkeda a pa a gèƋ na, a ta ndi zluèƋ va nenga'a, a ta fa na vogwa a njèkèƋia'a.

¹⁷ Aman Zhiklè a ngra ta te ndav ta arsa, a ta rufa skwi man a huro, ara man a woya a ngia'a, a ta vi wuƌibi tenga'a a skwi dak ba ma Zhiklè tèlèba n'ndika ma.

¹⁸ A ngwoz man ka rka'a, nenga'a kokwar mbia'a, man a gi bai a géƋ bihi a géƋ herkeda.