Apocalypse 16 - Mofa New Testament

¹ A i tsena ngèƋè ngiƋè mbia'a te gi Zhiklè, man a gaƋa ta golahi Zhiklè ntsaraƌa sa: Vodo, vabaƋa kokwihi tsaraƌ a ndzoan Zhiklè te pa a gèƌ herkeda!

² A nshèlèkura'a a mdo, a, mbaƋa kokwi na a géƋ herkeda, a mblè ambaɓia'a ara gurdzo a nkala ta a va ndohi man di mbazla a lamba skwi dak, a ta tsi ri a skwi man ta gu ara va nenga' a.

³ A gol Zhiklè macecèwa'a a mbaƋa kokwi na a woyam mbia'a, a iyam a n'ngwode na a pombaz, ara pombaz ndo man ta keƋa'a. A skwi man a nshèffè te woyam mbia'a tèlèba ta bazl ta.

⁴ A gol Zhiklè mamakara'a a mbaƋa kokwi na a woyamhai a nlèlè iyamhai, a ta ngwode ta a pombaz.

⁵ A i tsena gol Zhiklè man a nzlatsa a ma iyam, man a gaƋa: Ka nzura'a, ka man ka zhè, ka zhè zlèzlèa, ka Zhiklè nkezla'a, man ka gu kita aranta:

⁶ Tenga'a sa a mbaƋa pombaz ndohi nhadka ma; a ka, ka va ta pombaz aman a ta sia'a. Amba aman ta ngotso arsa.

⁷ A i tsena sam mvi skwi a Zhikíè man a bèhè: A vava, Bi Zhiklè, Zhiklè wuƋi tèlèba, kita ngaya amba zura'a.

⁸ A gol Zhiklè mafaƋa'a a mbaƋa kokwi na a va pats. A pats a n'ngots wuƋai, aman vogwa nenga'a a ndar ta ndohi a ma,

⁹ a ndar ta a vata. A ndohi ta durƋo nzlembaƋ Zhiklè, man a ngots wuƋai a géƋ matakwan haha; aman ta ngwode ndav ta ɓai, a ta slebarda nenga'a ɓai.

¹⁰ A gol Zhiklè mazlama'a a mbaƋa kokwi na a géƋ sam n'nzi bi skwi dak. A kokwar-Bi nenga'a a n'nde na a ruva, a ta jè nè'èn ta te skwi ndza ta,

¹¹ a ta durƋo nzlembaƋ Zhiklè, a géƋ skwi man a dza ta, a géƋ mblè tenga'a. Aman ta ngwode ndav ɓai a géƋ skwi man ta gau.

¹² A gol Zhiklè mamokwa'a a mbaƋa kokwi na a géƋ Euphrate, woyam mbia'a. A iyam nenga'a a nshe na, aman civèá ntila, man a bihi te man a mvèng pats.

¹³ A i rka mèzhèɓhi ambaɓihia'a makar, ta ara kudofihai, a ta shkè auda te ma skwi man nara kedam, te ma skwi dak ngiƋè, te ma ndo nhadka ncèkèlma.

¹⁴ Mèzhèɓhi sa, madzagihai, a ta gi nrkedai. A ta de ta a sam bihi herkeda tèlèba, aman ta ɓic ta, a pats var mbia'a man a Bi Zhiklè, Zhiklè wuƌi tèlèba.

¹⁵ Na haha i shkè ara ndo metsar. Mwuffè a sam nenga'a man a nzi a dai, a maslaka a va, man a dè adi azɓai, a ta rka hori nenga'a man adi azɓai.

¹⁶ A ta ɓic ta a sam staƌ, man ta baba na a ma Hèbreu Harmaguèdon.

¹⁷ A gol Zhiklè matsaraƋa'a a mbaƋa kokwi na a giƋfèk, a ngèƋè mbia'a a mshkè auda te gi Zhiklè, a sam n'nzi bai, man a gaƌa: N'nga ma!

¹⁸ A iyam a n'ndi dai, a iyam a ntsai, a herkeda a ngudzai a vata, daga man ndo a zhè t'herkeda ngudzu arsa ɓai.

¹⁹ A kokwar mbia'a, nkezla na te va makar; a kokwarhi mbibihia'a t'herkeda ta mbeƌ ta. A Bi Zhikle a nhur Babylone, kokwar mbia'a, a mva na kokwai, n'ndha a ndzoan Zhiklè, man a gi ndav worwora'a, aman a nsia'a.

²⁰ A herkedahi te ndev iyam ta ze ta. A za ba, ta rka te deɓa'a asaɓai.

²¹ A vandzal mbia'a tar vova a nkalkaƌahai te zhiklè a géƌ ndohai. A ndohai ta durƌo Zhiklè a géƌ matakwan vandzal, aman matakwan nenga'a mbia'a a vata.