Apocalypse 15 - Mofa New Testament

¹ A i rka skwi ngiƌè man n'ngrèdè; auda a giƋfèk, mbia'a nara nrkedai. Golahi Zhiklè tsaraƋ ta ngots matakwan tsaraƌ, nasa matakwan a ndikedè ndzoan Zhiklè.

² A i rka nara woyam mbia'a man a si dai, ndzakaɓa'a a vogwa. Tenga'a man ta gu a ngul skwi dak, a skwi man ta gu ara va nenga'a, a n'ngér nzlembaƌ nenga'a, ta zlatsa a ma woyam mbia'a man a si dai, a ganzavar Zhiklè te rai,

³ a ta slu dimèsh Moise, ɓèl Zhiklè, a dimèsh kra tambak, a ta gaƋa: Skwi man ka gau, skwi mbia'a, skwi nrkedai, Bi Zhiklè, Bi wuƋi tèlèba! CivèƋ ngaya nzura'a a vava, ka Bi ndohi herkeda.

⁴ Ndo man a gi zlau ngaya azɓi wa, Bi Zhiklè. Ndo man a slébèrdè nzlembaƋ ngaya azɓi wa? Aman ka staƋ, ka kezla! A vava ndohi herkeda tèlèba ta da shkè, a ta tsi ri a sam ngaya, aman kita ngaya nzura'a n'ngreda auda ma.

⁵ Te deɓa'a i rka: ta winè gi Zhiklè, gi nkezla'a te zhiklè,

⁶ a golahi Zhiklè tsaraƋ ta shkè auda te gi Zhiklè, tenga'a man ta ngots matakwan tsaraƋ, a maslaka bata nslekaƋa'a a va, nslekaƋa'a kuƋèkuƋèa, guro m'mana te ndav.

⁷ StaƋ te va skwihi faƋ a nshèffè a mva ta kokwihi tsaraƋ a ri a golahi tsaraƋ, n'ndha a ndzoan Zhiklè mƋn a nzi a nshèffè te nhinkaƋ na a mèdèp.

⁸ A gi Zhiklè n'ndha a vodzok n'njèl Zhiklè a wuƋi na, ndo a slaha a ndè a gi Zhiklè azɓai, ba ta ndeva mizlinè matakwan golahi tsaraƋ.