Apocalypse 12 - Mofa New Testament

¹ A skwi mbia'a a n'ngreda auda te giƋfèk: ngwoz, pats a va, kia t'hwaƋ sak na, gèƋ mpaƋa'a a bantihi 12.

² Ngwoz, na hwaƋ, a kuƋai, a Ƌish va, man a yi kra a matakwan a va.

³ A skwi ngiƋè n'ngreda auda te giƋfèk: Skwi ngiƋè mbia'a ara kedam nteva, a gèƋhi tsaraƋ, a dromhi 10; a géƋ gèƋhi skwi mpèƋè gèƋ tsaraƋ.

⁴ Hutor na a mpatseda bantihi te zhiklè, man ta kezla makar aussa, a nwushede ta a hai a herkeda. A skwi man nara kedam matsa a nzlatsa a sam ngwoz man a Ƌish va, a woya a ndeda kra man a da yia'a a ma.

⁵ A ngwoz a nyu kra ngura'a, man a di a war ta ndohi herkeda tèlèba a gaƋa züdo. Aman ta ceda kra nenga'a a zhiklè a sam Bi Zhiklè, a sam n'nzi bi nenga'a.

⁶ A ngwoz a mhu na a sam ngiƋè, man Zhiklè a ntila na, aman te pa ta va na skwi n'ndi m'mèn 1260.

⁷ A ta hüno mbèzl va te zhiklè: Michel a golahi nenga'a ta bozl va a nda skwi man nara kedam matsa. A skwi man nara kedam a golahi nenga'a ta bozl va a Michel.

⁸ Aman ta slaha ta gi a ngula ɓai, a ta ngatsa sam n'nzi te zhiklè te deɓa'a asaɓai.

⁹ A ta kalda skwi man nara kedam matsa aussa, zhüzhok nzlèzlèa, man nzlembaƋ na madzagai a SaƋan, man a peda herkeda tèlèba a wai. Ta kalda a herkeda a nda golahi nenga'a.

¹⁰ A i tsena ngèƋè ngiƋè mbia'a man a gaƋa te zhiklè: Antanta skwi m'mbel ndo a wuƋai a kokwarbai a Zhiklè nga a zhè, a wuƋibai a sam Kristi nenga'a, a géƋ man ta kalda ndo mpin ta kramamhi nga, man a pin ta a pats a vaƋ a sam Zhiklè nga.

¹¹ A ta ga'a a ngula'a a pombaz kra tambak, a ma malwuƋi tenga'a, a ta woy a ta ɓir nshèffè ta azɓai, ba ta bazl ta.

¹² Gar haha vawuffa, giƋfèkihai, a kinè man kin te pa! Aman wobau a géƋ herkeda, a géƋ iyam mbia'a! Aman bi madzagai a shkèhai a sam kinè, a gi shèwa mbia'a, a suna, njèkè patshi nenga'a kèshkata mènè.

¹³ Aman skwi man nara kedam a rka ta kaldaussa a géƋ herkeda, a ndzodzor ngwoz man a yu kra ngura'a.

¹⁴ A ta va na kelpasl vezi mbia'a cèw a ngwoz, aman a slaha a nhi na a hèshèkèƋ, a sam n'nzi na. Te pa ta va na skwi n'ndi mvi staƋ, a mvi ngiƋè cèw a rèta'a, dra a sam zhüzhok.

¹⁵ A zhüzhok a mbod iyam te ma, ara woyam mbia'a, a verzi ngwoz, a woya man iyam a nceda ngwoz a ma.

¹⁶ Aman herkeda a ntakaha ngwoz, a mwinè ma, a nseda iyam a ma, man skwi man nara kedam a baƋa.

¹⁷ A skwi man nara kedam a ngu ndav a géƋ ngwoz, a mdo man a gi var a ndohi verzi nenga'a, ta tèlèba man ta dzodzor ma nkwèr Zhiklè, a ta ɓür ma malwuƋi Yèsu.

¹⁸ A mdo, a nzlatsa a dzah iyam mbia'a.