Apocalypse 1 - Mofa New Testament

¹ Na haha ma n'ngrédè Yèsu Kristi auda. Bi Zhiklè a mva na, da ngreda ta ɓèlèlihi nenga'a skwi man a da gi ndul ndul. A nzlindekoƋi gol nenga'a, man a ngra na Jean, ɓèl nenga'a.

² A Jean a nju ma Bi Zhiklè, a ngu malwuƋi Yèsu Kristi, a skwi tèlèba man a rka'a.

³ Mwuffè a sam ndo man a jèngè'a, mwuffè a sam tenga'a man ta cinè ma man ta hodkoƋai, a ta fi gèƋ a skwi man ta windeda pa. Aman n'ndikèma'a ndul ndul.

⁴ Jean a gaƋa ta mpi ndohi Zhiklè tsaraƋ te kokwar Asie: Pombai da zhè a nda kinè, a gumai te nenga'a, man a zhè antanta, man a zhè zlèzlèa, man a di a shkè, te Mèzhèɓhi tsaraƋ ba, man ta zhè a sam n'nzi bi nenga'a,

⁵ te Yèsu Kristi, ndo malwuƋi nzura'a, tsuvoma'a te nslambaƋkaƋauda te va ndohi m'metsa'a, bai a géƋ bihi herkeda. Nenga'a man a woy nga a ndav na, a mpreka nga auda te mali nga a pombaz nenga'a,

⁶ a nge nga a bihai, a ndohi mvi skwi a Zhiklè, Bab na. A nenga'a, n'njèlè, a wuƋai, te nhinkaƋ na a mèdèp. Amen.

⁷ Na haha, nenga'a a shkè te va vanai, a di staƋ staƋ tèlèba ta da rka'a; a ndohi ntuzo ba, a verzi ndohi herkeda tèlèba ta da gi wobau a géƋ nenga'a. A vava, amen.

⁸ Iyè, i Alpha a Oméga, Bi Zhiklè a gaƋa, nenga'a man a zhè antanta, man a zhè zlèzlèa, man a di a shkè, Bi wuƋai tèlèba.

⁹ I, Jean, kramam kinè, ndo man nga mbi a matakwan, a kokwarbai, a nzhèr skwia dai te Yèsu a nda kinè. I nza te Patmos, herkeda nte ndev iyam, a gèƌ ma Zhiklè a ma malwuƋi Yèsu.

¹⁰ A Mèzhèɓ Zhiklè a mshkè a géƋ ga a pats Bi Zhiklè, a i tsena ngèƋè mbia'a te deɓ ga, ara tolom,

¹¹ man a gaƋa: Skwi man ka rka'a, windeda Ƌèlèwèr, zlinda a sam mpi ndohi Zhiklè tsaraƋ: A Ephèse, a Smyme, a Pergame, a Thyatire, a Sardes, a Philadelphie, a Laodicée.

¹² A i pu di a deɓa, a i wèrè'a: ngaƋkay wa? Mpi di ga a deɓa, a i rka sam nfi vogwa guro tsaraƋ;

¹³ te ndev sam nfí vogwahai, ndo staƋ, va na lèmèlèmè aia kra-ndo, sajibèr a va, guro m'mana te ndav.

¹⁴ Gwots gèƋ na nslekaƋa kuƋèkuƋèa ara gogumai, di nenga'a a vècè ara nè'èn vogwa,

¹⁵ sak nenga'a a si di ara züdo guro wuzlwuzla'a, da'ai na ara kuƋ iyam mbia'a.

¹⁶ Nenga'a a bantihi tsaraƋ te ri mandi na, a kafahi gwèsh ntasla wètwètèa, man a zli skwi te tsagi cèw, a shkè auda te ma na, medi nenga'a a si dai ara gol pats.

¹⁷ Aman i rka ndo matsa, i kalahi a deɓ sak nenga'a, iyè ara ndo m'metsa. A nenga'a a mfay ri mandi na a gèƋ, a ngaƋayè: Ka gu zlau ɓai, iyè ndo nshèlèkura'a a ndo n'ndikèma skwai,

¹⁸ ndo a nshèffè. Te va nasa i mets ga, na haha anai i nzi a nshèffè a mèdèp, a skwi mwinè a skwi mpizlè m'metsai, a sam m'metsai, nte ri ga.

¹⁹ Windo skwi man ka rka'a, skwi man a zhè anai, a skwi man a di a shkè dai.

²⁰ Skwi n'ngheda'a man a bantihi tsaraƋ, man ka rka te ri mandi ga, a skwi nfi vogwa guro tsaraƋ, aranta: Bantihi tsaraƋ, nara golahi mpi ndohi Zhiklè tsaraƋ. Skwi nfi vogwa tsaraƋ, nara mpi ndohi Zhiklè tsaraƋ.