Actes 25 - Mofa New Testament

¹ Aman Festus a mshke a kokwar, te deɓ m'mèn makar a njèkeda kokwar Cèsarèe, aman a Ƌè Jèrusalem.

² Te pa, ndohi mvi skwi a Zhiklè, a ndohi Juif mbibihia'a, ta shkè a sam na a gèƋ Paul,

³ a ta jhèƋè'a, aman a cko Paul a kokwar Jèrusalem, a ta woy a tajènjèrè'a te pa, aman ta kèƋè'a a civèƋ.

⁴ A Festus a m'mbeƋa ta a ma: l ɓer Paul te kokwar Cèsarée.

⁵ l da minè a deɓa a pa te deɓ kètè: ndohi te ndev kinè man ta slaha, ta Ƌè a nda iyè, a ta pinè'a, man ma a zhè a gèƋ nenga'a.

⁶ Aman a nza a sam tenga'a, a gi m'mèn kula genè, a ndo a deɓa a kokwar Cèsarèe. Te mangoslèma'a a n'nza a sam n'nzi kita, a ngoƌo aman ta cko Paul.

⁷ Aman Paul a mshkè ma, ndohi Juif man tashkè te kokwar Jèrusalem, ta tèuda a pa, a ta hüno a ta pinè'a a ma kumba mwuƋitpa, aman ta slaha ta ngrèƋè'a a malwuƋi ɓai.

⁸ A Paul a ntsoko gèƋ na auda: l ga mali a sam ma kita Juif ɓai, i ga malai a sam gi Zhiklè, a bi Cèsar ɓai.

⁹ A Festus a woya a ngi skwi man ambaba ta ndohi Juif, a m'mbeƋa na ma a Paul: Ka woy a ka Ƌè a kokwar Jèrusalem, aman i ga ka kita ngaya te pa Ƌè?

¹⁰ Paul a ngaƋa: I zlatsa a sam kita Cèsar haha, sèi ta gay kita a haha; i ga ta matakwan a ndohi Juifɓai, ara man kaba, ka suna.

¹¹ Aman i gu malai aman a ta kèdyè a gèƋè'a, i da mets ga mènè. Aman skwi man ta pinyè a géƋè'a azɓai, ko ndo staƋ a slaha a nfiyè a ri tenga'a ɓai. Sèi i bèhè bi Cèsar.

¹² A Festus a goƋ ma a nda ndohi kita, a m'mbeƋa na a ma: Ka bèhè bi César, sèi ka Ƌè a sam Cèsar mènè!

¹³ Te deɓ m'mèn kètè, bi Agrippe a Bernice ta shkè a kokwar Cèsarèe, aman ta ga na mbalai a Festus.

¹⁴ Aman m'mèn kumba ta nza a pa, Festus a n'ngreda na ma Paul a bai, a ngaƋa:

¹⁵ Fèlix a njèkeda ndo ngiƋè a dangai, a géƌ nenga'a ndohi mvi skwi a Zhiklé a ndohi nhala'a te ndev ndohi Juif ta shkè a sam ga, te va man i zhè te kokwar Jérusalem, a ta tsay rai, aman i ga na kita.

¹⁶ A i gaƋa ta: ndohi Rome ta gi arsa azɓai; ta gshè ndo a ta kèƋè'a azɓai, sèi man ndohi mpinè'a ta zhè, man a nju ma na auda dai.

¹⁷ Aman ta shkè, i ga ndudoh ɓai, a i gu kita te mangoslèma"a, a i baba na ndo"a.

¹⁸ Aman ndohi mpinè'a ta zlatsa, a i rka ara man ta slaha ta ngrèƋè ma tenga'a a malwuƌi ɓai.

¹⁹ Aman ta ngots ma ngiƋè kètè a gèƋ nenga'a, a gèƋ civèƋ ma Zhiklè tenga'a, a gèƋ Yèsu ngiƋè man a mets na, te nenga'a Paul a gaƋa, a vava a zhè a nshèffè.

²⁰ Aman i sun ma haha ɓai, i dzhoƋo man a woya a nƋè a kokwar Jérusalem, a ta gi kita nenga'a te pa.

²¹ Aman Paul a gaƌa, aman ta ɓirè'a, ha Cèsar a ga na kita. A i gaƌa, aman ta ɓirè'a, ha pats man i zlinƋè'a a sam César.

²² Agrippe a ngaƋa na Festus: I woya man i tsena ma ndo haha. A nenga'a a ngaƋa: Angoslèm ka cla cinè'a.

²³ Te mangoslèma'a, aman Agrippe a Bemice ta shkè, a golahi a verzia kumba, ara te ngolala, to do a gi kita a bihi sojè, a ndohi mbibihia'a te kokwar, a Festus a ngaƌa, aman ta cko Paul.

²⁴ A Festus a ngaƋa: Bi Agrippe ga, a ndohi tèlèba, man kin ɓica va a haha, kin rka ndo haha, a gèƋ nenga'a nhèyè ndohi Juif ta tsay rai te kokwar Jérusalem ba, te kokwar haha ba, a ta goƋ a wuƋai, da nza a nshèffè ɓai.

²⁵ Aman iyè, aman i tsena'a, n'nga skwa ɓai, aman ta slaha ta kéƋè'a a géƋè'a, a nenga'a a bèhè bi Cèsar, i huro, i zlinƋè'a.

²⁶ Aman i ngots ma man i winƋè a Ƌèlèwèr a bi Cèsar a gèƋ nenga'a zura ɓai. Anai i ckoda a sam di kinè, nshèlèkura'a a sam di ngaya, bi Agrippe, aman te deɓa'a aman nga dzhoƋo, i ngots ma man i winƋè'a.

²⁷ Aman i hur ambaɓai, aman i zlinƋè ndo dangai, a i ngatsa ma a géƋ nenga'a ɓai.