Actes 19 - Mofa New Testament

¹ Te deɓa'a aman Apollos a zhè te kokwar Corinthe, Paul a shèwèlè te kokwarhi te géƋè'a, a mshkè a ma kokwar Ephèse, a n'ngats ta golahi Yèsu kètè,

² a ngaƋa ta: Kin ngots Mèzhèɓ Zhiklè Ƌè, aman kin co Yèsu a ndav? Ta gaƋa na: Nga tsena ma va na haha ɓai, aman Mèzhèɓ Zhiklè a zhè.

³ A ngaƋa ta: Kin bu baptême a nzlembaƋ ngè? Ta gaƋa: Baptême Jean.

⁴ Paul a ngaƋa: Jean a ngu baptême a géƋ n'ngwèƋè ndav, a ngaƋa ta ndohi man ta cè nenga'a a ndav, man a di a shkè te deɓ nenga'a: Nenga'a Yèsu.

⁵ A géƌ ma haha, ta gau baptême a nzlembaƋ Bi Yèsu.

⁶ Aman Paul a nfa ta ri a gèƋ, Mèzhèɓ Zhiklè a mshkè a géƋ tenga'a, a ta goƋ ma a né'èn tsaƋ tsaƋ, a ta hodko ma.

⁷ A ndohi tèlèba ta gi 12.

⁸ A Paul a mdo a gi njèngè ma Zhiklè, a njè ma Zhiklè, a njè ta ma auda tèlè, ki makar, a nsenda ta, a n'ngreda ta ma kokwar Bi Zhiklè.

⁹ Aman ndav ndohi ngiƋè ngwora, ta ca a ndav ɓai, a ta durƋo civèƋ Zhiklè a sam di mpi ndohi Zhiklè tèlèba; te deɓa'a Paul a njèke ta a pa, a nhelka ta golahi Yèsu a tsagi nenga'a, a njènga ta pèc pècèk te gi njèngè Tyrannus.

¹⁰ Skwi haha a ngu mvi cèw, aman ndohi tèlèba te kokwar Asie ta tsena ma Bi Yèsu, ndohi Juif ba a ndohi man Juif ka ɓi ba.

¹¹ A Zhiklè a ngu nrkedi mɓia'a a Paul.

¹² Aman ta co maslaka nkèpa'a, a di maslaka a va nenga'a, a ta fa ta a gèƋ ndohi matakwan, matakwan tenga'a a ndal na, a mèzhèɓhi ambaɓihia'a ta jèke ta.

¹³ A ndohi Juif ngiƋè matskata man ta sawala a pa, ndohi m'mbèh skwai man ta mboh skwi a géƋ mèzhèɓhi amhaɓihia'a a nzlembaƋ Bi Yèsu, a ta gaƋa: Nga dzam kinè a nzlembaƋ Yèsu, man Paul a njè'a!

¹⁴ Tenga wud ndo Juif, Scèva, ndo mvi skwi a Zhiklè, tsaraƋ, man ta gu arsa.

¹⁵ Aman mèzhèɓ ambaɓai a m'mbeƋa ta a ma: Yèsu, i sun amba; Paul, i sun amba; aman kinè, kin wa?

¹⁶ A ndo man Mèzhèɓambaɓai a ga na, a nkala ta a va, a ngu a ngul ta, a ta hu ta aƋai, te gi matsa, a mblè a va.

¹⁷ A skwi haha, ndohi tèlèba man ta nza te kokwar Ephèse, ta tsena'a, ndohi Juif a ndohi man Juif ka ɓai; a zlau a ndza ta tèlèba, a ta slubordo nzlembaƋ Bi Yèsu a vata.

¹⁸ A ndohi kumba te ndev ndohi man ta co Yèsu a ndav, a ta shkè, a ta ngreda malai a skwi man ta gau, auda.

¹⁹ Ndohi kumba man ta mboh skwai, ta hulko Ƌèlèwèrhai, a ta fa ta vogwa, a sam di ndohai, a ta ngra gani Ƌèlèwèr, a gi suli 50.000.

²⁰ Ma Bi Yèsu a zlèzlèmè a ma ma arsa a wuƋai.

²¹ Aman skwi haha klèng ma, Paul a nhuro, a woya a mbizhè a ndev Macédoine a Achaie, aman a Ƌè a kokwar Jérusalem, a ngaƋa: Te deɓa'a man i do a pa, sèi i Ƌè aman i rka kokwar Rome ba.

²² A nzlinde ta ndohi cèw, Timothée a Erastus, a kokwar Macédoine, aman ta takaha. A nenga'a a n'nza a kokwar Asie kètè.

²³ Te ndev nasa, ndav ndohi kètè a hubètè a géƋ ma civèƋ Bi Yèsu.

²⁴ Aman ndo ngiƋè, nzlembaƋ na Démetrius, ngwozla nviƋ verzhègenè, a nvüƋo skwi ngiƋè ara Diane, a verzhègenè, a ndohi mizlinè nenga'a ta ngots suli a vna kumba.

²⁵ A mɓic ta tengahia'a, a ndohi ntakaha ta te mizlinè matsa, a ngaƋa: Ndohi ga, kin suna, nga ngots suli kumba te mizlinè haha, a kin rka'a, a kin tsena'a, aman te kokwar Ephèse genè ka ɓai, aman ko te Asie tèlèɓa,

²⁶ Paul matsa a fì ma a hai, a gi aman ndohi kumba ta jèke nga, a mfa ta ma a gèƋ, a gaƋa: Zhiklèhai, man ri ndo a ngau, ta zhiklèhi ka ɓi fèt.

²⁷ Aman mizlinè gani nga genè ka ɓai, man a di a ndi a skwi ambalai; aman ko gi Diane, man Asie a herkeda tèlèba ta tsi ri a nenga'a, ngwoz man ta sla na zhiklè mbia'a, ta da rka ara skwi ambalai, a n'njèl nenga'a a di a ndiv na.

²⁸ Aman ta tsena'a, ta gu ndav a vata, a ta goƋ a wuƋai: Diane ndohi Ephèse, mbia'a!

²⁹ A kokwar tèlèba a rubai, a ta tèlèba ta hu ara ndo staƋ a sam nrubai, a ta gso Gajus a Aristarque, te kokwar Macédoine, golahi Paul.

³⁰ Aman Paul a woya a nƋè a ndev ndohai, golahi Yèsu ta va na civèƋ ɓai.

³¹ A ndohi mbibihia'a kètè te Asie, mandalahi Paul, ta zlündo ndo a sam na lèmèlèmè, a ta biƋè'a, aman a Ƌè a dal nrubi azɓai.

³² Matrhia'a ngiƋè ta hèzlèwè a wuƋi arsa, ngiƋè ar haha, a ndohi mɓica'a ta dzakaɓa, a ta sun ɓai, èhèmè ta haya va.

³³ A ndohi ngiƋè ta ngozlo Alexandre, man ndohi Juif ta zukda a ma. A Alexandre a ngeda ta rai, a woya a ntsoko gèƋ na auda a sam ndohai.

³⁴ Aman ta rka, nenga'a ndo Juif, ta hüno a ta goƋ a ma staƋ, a ta hèzlèwè n'nzi a zhè (ara l'heure cèw): Diane ndohi Ephèse, mbia'a!

³⁵ Aman ndo kita a mbatsedaha gèƋ ndohi a hai, a ngaƋa: Kinè ndohi Ephèse: kokwar Ephèse a wara na di a Diane ngwoza'a, man ta sla na zhiklè mbia'a, a nkalka te zhiklè te gèƌè'a, nsun ɓi wa?

³⁶ Aman tèlè ta sun skwi haha, sèi kin nzi tètè, a kin vassa skwi ɓai!

³⁷ Kin helka ta ndohi haha, man ta ga metsar a gi Zhiklè ɓai, a ta derƋa ngwoz man kin sla na zhiklè kinè òai.

³⁸ Aman ma Démetrius a ndohi mizlinè nenga'a a zhè a géƋ ndo sa, sèi ta Ƌè kita. Ngomna a zhè, man ta gi mizlinè sa. Sèi ndohi ta Ƌè a ta pin va.

³⁹ Aman kin woy a kin cèmma ngiƋè, sèi ta til ma te va ndohi kita mɓica'a.

⁴⁰ Man ɓai ta da pin nga a géƋ nrubai a patsna. Aman skwi man nga rubi a géƋè'a azɓai, a nga slaha a nga ngreda verzi nrubi ɓai.

⁴¹ Aman a goƋ arsa, a mpre ta ndohai.