Actes 13 - Mofa New Testament

¹ Te va mpi ndohi Zhiklè te kokwar Antioche, ndohi nhadka ma, a ndohi njèngè ta zhè: Bamabas a Simon, man ta baba na Niger, Lucius te Cyrène, a Manahen, man ta gra a nda bi Hérode a Saul.

² Aman ta ndzaraha mizlinè tenga'a a sam Bi Zhiklè, a ta jèkeda skwi n'ndai, Mèzhèɓ Zhiklè a ngaƋa ta: Vahelka ta nda Bamabas a Saul auda, a ta gi mizlinè man i baba ta a pa!

³ A ta jèkeda skwi n'ndai, a ta tsu rai, a ta fa ta ri a gèƋ, a ta va ta civèƌ aman a ta Ƌè.

⁴ Tenga'a ta shkè a kokwar Séleucie, ara man Mèzhèɓ Zhiklè a zlinde ta. Te pa to do a wurom a Chypre.

⁵ Aman ta shkè a kokwar Salamine, ta nju ma Zhiklè te gi njèngè ndohi Juif, a JeanMarc a ntakaha ta.

⁶ Aman ta sawala t'herkeda te ndev iyam, ha a ndikè a kokwar Paphos, ta ngots ndo m'mbèh skwai, ndo nhadka ncèkèlma, ndo Juif, nzlembaƋ na Bar Jésus.

⁷ Nenga'a a zhè a sam Sergius Paulus, ngomna, ndo maya. A mbaba ta nda Bamabas a Saul a sam na, a woya man a tsena ma Zhiklè.

⁸ A Elymas, nzlembaƋ nenga'a a da'ai kokwar na, ndo m'mbèh skwai, a woya a ngedassa civèƌ Sergius ngomna, aman a cè a ndav.

⁹ Aman Saul, a nzlembaƌ na Paul, n'ndha a Mèzhèɓ Zhiklè nkezla'a, a mpu dia'a,

¹⁰ a ngaƌa: Ka tser madzagai, ndav ngaya n'ndha a ma n'ngwèƌè ndo tèlèba, a skwi ambaɓi tèlèba; ka ndo mayam skwi nzura'a. Ka jèkè azɓai aman ka gedassa civèƌ Bi Zhiklè ƌè?

¹¹ Na haha ri Bi Zhiklè a zhè a géƌ ngaya; ka ndi a mandazlai, n'nzi kètè ka da rka pats azɓai.

¹² A nasa nasa a n'nde na mandazlai, a tètèmè va, a woy ndo ncè na ma. Aman Sergius ngomna a rka skwi haha, a nco a ndav, a nrzl na a géƌ ma Bi Zhiklè.

¹³ Aman Paul a ndohi man ta zhè a sam na, to do a wurom te kokwar Paphos, a ta shkè a kokwar Perge, te Pamphylie. A Jean a m'men na a deɓa a kokwar Jérusalem.

¹⁴ Tenga'a te kokwar Perge to do a ma ma, a ta shkè a kokwar Antioche te Pisidie, a to do a gi njèngè a pats nshèk va, a ta nza a va ndohai.

¹⁵ A ndohi njè ma ta jongo ma Zhiklè, man Moise a va ta, a ma ndohi nhadka ma klèng ma, ndohi mbibihia'a te gi njèngè ta baba ta golahi Yèsu, a ta dzhad ta: Dalahimam ga, aman kin ngots ma mbid ta ndohai, vagaƌa ta antanta ma!

¹⁶ A Paul a nslambaƋa, a ngeda ta rai, a ngaƋa: Kinè ndohi Israel, a kinè man kin gi zlau Bi Zhiklè, vatsena'a!

¹⁷ Bi Zhiklè ndohi Israel, a mpar ta bababi nga, a n'nzal ta ndohi man ta nza te mbrok te kokwar Egypte, a nde ta auda te kokwar sa a wuƋi na.

¹⁸ Mvi kulkul faƋ, Bi Zhiklè a n'nzede ta a pa, a géƋ skwi man ta gu t'hèshèkèƋ.

¹⁹ A ngedassa ndohi kokwar-Bi tsaraƋ te kokwar Canaan, a nkezla ta kokwar, a mva ta a ri ta.

²⁰ Te deɓa'a a mva ta ndohi kita, a gi ara mvi 450, ha pats man Samuel, ndo nhadka ma, a mshkè.

²¹ Te deɓ nasa ta dzhoƋo bai; a Zhiklè a mva ta Saul, kra Kis, ndo te verzi Benjamin. A nenga'a a ngu bai mvi kulkul faƋ.

²² Aman a nkoldko nenga'a auda ma, a mfèda David a bi ta, te nenga'a a gi malwuƋai, a gaƋa: I ngots David, kra Jesse, ndo ara man ndav ga a woya'a, nenga'a a da gi skwi tèlèba man i woya'a.

²³ Te verzi nenga'a Zhiklè a nslambaƋda Yèsu, ara man a mpasla nga ri zlèzlèa, ndo mbél ndohi Israel.

²⁴ Jean a ntül mshkè nenga'a, a njè ta ndohi Israel tèlèba ma n'ngwèƋè ndav a ma baptême.

²⁵ Aman Jean a ndeva mizlinè nenga'a ma, a ngaƋa: I nenga'a ka ɓai, man kin huro, i nenga'a. Aman na haha, nenga'a a shkè te deɓ ga, nenga'a man i gi huyokoko'a, i slaha man i prè teɓa kotokoroh nenga'a ɓai.

²⁶ Kinè, dalahimam ga, kinè te verzi Abraham, a kinè, man kin gi zlau Zhiklè, ma m'mbel ndo haha ta zlündo a sam nga.

²⁷ Aman ndohi te kokwar Jérusalem a ndohi mbibihia'a ta sun ndo haha ɓai. Ta sun ngèƌè ndohi nhadka ma, man ta jongo a pats nshèk va pèc pècèk, ɓai. Aman ta gu ara ma man ndohi nhadka ma ta gaƌa, a ta ga na kita a gèƌ.

²⁸ Ko ta sun skwi man ta keƌa'a a géƌè'a ɓai, ta tsu ri a Pilate, aman a nkeƌa'a.

²⁹ Aman ta ndeva skwi tèlèba ma, man ƌèlèwèr Zhiklè a mwindo a geƌ nenga'a, ta ckoƌahi a wof, a ta feda a gi dzavai.

³⁰ Aman Zhiklè a nslambaƌdekoƌauda te ndev ndohi m'metsa'a.

³¹ A nenga'a a ngudoko ta va a dai a ndohi man to do te kokwar Galilée a kokwar Jérusalem a vna. Antanta ta ndohi malwuƌihi nenga'a a sam ndohai.

³² A nga njè kinè ma mbela'a, man Zhiklè a mpasla ta ri a bababhi nga.

³³ Zhiklè a nrufa mpèsl ri nenga'a a sam di nga, wudahi tenga'a, aman a nslambaƋda Yèsu te ndev ndohi m'metsa'a, ara man ta windo te Psaume 2: Ka kra ga, a patsna i fè ka.

³⁴ Aman a slambaƋkaƋauda te m'metsai, a da huslè azɓai, a goƋar haha: I woy a i va kinè skwi nkezla'a a vava, ara man i pasla na ri a David, ndo nlèɓèslèa.

³⁵ Gar haha a goƋ a sam ngiƋè: Ndo ngaya nkezla'a ka jèkè azɓai, aman a nda huslna.

³⁶ David man a gu skwi man Zhiklè a woya'a te nshèffè nenga'a, a m'mets na, kala a va babhi na, a nhusl na ma.

³⁷ Aman nenga'a, man Zhiklè a slambaƋdekoƋauda te m'metsai, nenga a a nhusl ɓai.

³⁸ Gar haha, dalahimam ga, sèi vasuna, te nenga'a man ta njè kinè ma mprè malai, te ncè nenga'a a ndav kin ngots ngizura'a.

³⁹ Ma kita Zhiklè, man Moise a va kinè, a slaha a mva kinè ngizura'a azɓai.

⁴⁰ Vagu maya, aman skwi man ndo nhadka ma a goƋo, da shkè a gèƋ kinè ɓai.

⁴¹ Vapu dai, kinè ndohi nkwola ma Zhiklè, varzl kinè, a kin gedas kinè! Aman i da gi skwi a pats man a kinè, skwi man ko ndo ngiƋè a ngreda kinè, kin ca a ndav kinè ɓi genè.

⁴² Aman ndohi Juif ta jèkeda gi njèngè, ndohi ngiƋè ta dzhoƋo, aman a pats nshèk va man a ma, ta shkè a ta njè ta ma za'a.

⁴³ Aman ta kezla gèƋ ta te gi njèngè, ndohi Juif kumba ta dzodzor Paul a Barnabas a gwoli Juif man ta gu zlau Zhiklè. A Paul a Bamabas ta fa ta ma a gèƋ, a ta gaƌa ta, aman ta gshè va a pombi Zhiklè azɓai.

⁴⁴ A pats nshèk va man a ma, ndohi kokwar tèlè ta ɓicko va, aman ta tsena ma Zhiklè; njèkè ndohi kètè genè man ta da a sam mɓica va ɓai.

⁴⁵ Aman ndohi Juif ta rka ta ndohai, ta gu srak, a ta tseda na ma Paul a pa, a ta durƌo a vata.

⁴⁶ A Paul a Bamabas ta goƌ a zlau ka ɓai: Ar agassa amba, man ta gaƌa kinè ma Zhiklè nshèlèkura'a; aman antanta kin kwola'a, a kin ngreda auda, ara man nshèffè a mèƋèp ambaba kinè ɓai. Na haha, nga ngwèƋè gèƌ nga a deɓa a sam verzi ndohi herkeda ngiƌè.

⁴⁷ Aman Bi Zhiklè a gaƋa nga arsa: I ge ka a skwi nhél sam ndohi herkeda, a ka gi a skwi mbél ndo, ha verzi herkeda.

⁴⁸ Aman ndohi nte deɓa ta tsena ma haha, ta wuffè holhola'a, a ta slubordo ma Zhiklè, a ta co a ndav, tenga'a tèlèba, man Zhiklè a mpe ta hi a nshèffè a mèƋèp.

⁴⁹ A ma Bi Zhiklè a zlèzlèmè a sam tèlèba.

⁵⁰ A ndohi Juif ta poko ta gèƋ auda a ngwozi man ta woy Zhiklè, a ndohi mbibihia'a te kokwar. Ta gau, aman ta dzama Paul a Bamabas, a ta dzar ta aussa a ma kuma tenga'a.

⁵¹ A tenga'a ta tassa lokotor a sak tenga'a, a géƋ ndohi Juif sa, a to do a kokwar Icone.

⁵² Ndav ndohi Yèsu n'ndha a mwuffè a Mèzhèɓ Zhiklè nkezla'a.