Actes 12 - Mofa New Testament

¹ Te ndev nasa bi Hérode a mpar ta ndohi ngiƋè kète te ndev mpi ndohi Zhiklè, aman a ga ta matakwan.

² A nkeƋa Jacques, kramam Jean, a kafahi gwèsh.

³ Aman a rka, ambaba ta ndohi Juif, a n'ndo a ma ma, a ngso Pierre ba, a pats ngolala skwi n'ndi man skwi nshégèrè a te di ɓai.

⁴ Aman a ngso, a mfeda a gi dangai, a mva ta a ri sojèhi, sojèhi faƌ a faƌ man ta ɓerè'a pèc pècèk. A nhuro, a woya a nzlatseda a sam ndohi te deɓ ngolala Pâque.

⁵ A ta ɓür Pierre te gi dangai. Aman mpi ndohi Zhiklè ta tsu ri a Zhiklè pèc pècèk a géƌ nenga'a.

⁶ Aman Hérode a woya a nzlatseda a sam ndohai, a vaâ sa, Pierre a nzhuna te ndev sojèhi cèw, ndzawa a cèlèlèu cèw, a ndohi mɓer ntamagai ta ɓüro, ta a ntamagi dangai.

⁷ Na haha gol Bi Zhiklè a mshkè, a nhela sam te gi dangai, a ntsu zlazlar Pierre, a mpiƋèkwuda, a ngaƋa: SlambaƋa! A cèlèlèu a nwush na hai te ri nenga'a tsam tsam.

⁸ A gol Zhiklè a ngaƋa na: Mana hutèƋ ngaya, peda kotokoroh ngaya a sak! A nenga'a a ngu arsa. A ngaƋa na: Kalda maslaka ngaya a va, a ka dzadzarkayè!

⁹ A nenga'a a ndo auda, a ndzodzora, a sun skwi man a gia ɓai, a nhuro, a nrka gol Zhiklè te nshunè.

¹⁰ A ta beza a tsagi sojèhi faƋ nshèlèkurhia'a, a tsagi ngiƋè te deɓa'a za'a, a ta shkè a sam ntamagi züdo, man a ma kokwar, a ntamagi sa a mwin na a ri na. A to do auda, a ta kala na ma a civèƌ, a nasa nasa gol Bi Zhiklè a njèkeda a pa.

¹¹ Aman maya Pierre a m'menkaƋ a pa ma, a ngaƋa: Antanta i sun a vava, Bi Zhiklè a nzlündkoƋi gol nenga'a, aman a mbelyè te ri Hérode, te skwi tèlèba man ndohi Juif ta woy a ta gia'a.

¹² Aman Pierre a hur arsa, a mshkè a ntamagi Marie, mam Jean, nshibèn na Marc. Aman ndohi kumba ta ɓica va, a ta tsu rai.

¹³ Aman Pierre a ntsu a ntamagai, dem mizlinè a mshkè, a fi zlembaƋa'a; nzlembaƋ na Rhode.

¹⁴ Aman a tsena da'ai Pierre, a mwina ntamagi ɓai agéƋ mwuffè te ndav, a nhu a gai, a n'ngra ta ndohi te pa tèlèba: Pierre nzlatsa a ntamagai!

¹⁵ Ta gaƋa na: Ka rzla Ƌè? 'Aman dema'a a ngaƋa: A vava, nenga'a!

¹⁶ Ta gaƋa: Gol Zhiklè na! A Pierre a ntsau ntamagi za'a.

¹⁷ Aman ta winè'a, ta rka'a, a ta rzl ta. A nenga'a a ngeda ta rai, aman ta nzi tètè, a ngreda ta, ara man Bi Zhiklè a nda'a auda te gi dangai, a ngaƋa: Vada ngra na Jacques a kramamhi ga ngiƋè!

¹⁸ A ndo a sam ngiƋè. Aman sam nciƌa ta, ndav sojèhi a m'mbeƌ na a géƋ skwi man a gu a Pierre.

¹⁹ Hérode a ndzhoƋo, a n'ngatsa ɓai, a mbaba ta ndohi mɓer ntamagai a kita, aman a mbazl ta. Te deɓa'a Hérode a njèkeda kokwar Judée, a n'nza a kokwar Césarée n'nzi kètè.

²⁰ A nhuro a woy ngi var a ndohi Tyr a Sidon. Aman ndohi ta shkè a sam na a ndav staƋ, a ta bidkoƋi Blastus, ndo m'menda na bai, a ta dzhoƋ gumai. Aman kokwar ta a ngots skwi n'ndi a ri bai.

²¹ Aman a pats ngiƌè, bi Hérode a fèda maslaka bai a va, a n'nza a géƋ sam n'nzi bi nenga'a, a njè ta ma bi nenga'a.

²² A ndohi tèlèba ta boho: NgèƋè ndo ka ɓai, ngèƋè Zhiklè!

²³ A nasa nasa gol Bi Zhiklè a ntsau, a géƋ mart a mva na n'njèlè a Zhiklè ɓai. Mazlarihai ta ndedama, a m'mets na.

²⁴ A ma Zhiklè a zlèzlèmè a ma ma.

²⁵ A Bamabas a Saul, aman ta va ta skwi ntakaha ta a kramamhi ma, ta shkè a deɓa te kokwar Jérusalem. A ta cko Jean, nshibèn na Marc, a rai.