2 Peter 2 - Mofa New Testament

¹ Ndohi nhadka ma ncèkèlma ta zhè hala'a te va ndohai. Lèmèlèmè ara man a sam kinè ba ndohi njèngè ncèkèlma a di ta da shkè. Ta da ndèvèƋ ma tsaƋ tsaƋ. Ta woy a ta gedas kinè. Ta cèkèlma a géƋ Bai Yèsu, man a sumka ta a deɓa, a ta hurdkoƌi kita ngedas ta, tsam tsam, a ri ta.

² Ta da ngècè ndohi a verzi ta kumba, man ta jèjèr maya nshèffè tenga'a man ambaɓai. A géƋ tenga'a ndohi ta da dérƋè civèƋ ma nzura'a.

³ A géƋ ntétékè suli tenga'a ta da mbeƋ kinè. Kita tenga'a ntila ma, daga zlèzlèa, a skwi ngedas ta a zhèr ta.

⁴ Ko golahi Zhiklè, man ta gu malai, Zhiklè a mɓer ta ɓai, a nzukde ta a vèvèƋ ruva, a mpe ta a pa, aman ta zhèr kita.

⁵ Zhiklè a mɓera ndohi zlèzlèa ɓai (sèi Noé, ndo njè ma ngizura'a, nte verzi ma tsam a kaƌa'a), a ngoko iyam mbia'a a géƌ ndohi herkeda, man ta woy civèƋ Zhiklè ɓai.

⁶ Zhiklè a n'ndeda SoƋome a Gomorrhe a mèrwèc, a n'nga na kita a gèƋ man a ngedassa'a a mèdèp, a n'ngreda ta skwi aranta a ndohi man a ma, man ta da woy civèƋZhiklè ɓai.

⁷ Zhiklè a m'mbela Lot, ndo nzura'a, man ndohi ambaɓihia'a ta ga na matakwan tsaƋ tsaƋ, a maya nshèffè tenga'a man ambaɓai.

⁸ Ndo nzura'a man a nza a sam ta, a skwi tèlèba ta gu a sam di nenga'a, a ndav nenga'a nzura'a a ndzaha pèc pècèk a géƋ skwi ambaɓia'a man ta gau.

⁹ Bi Zhiklè a suna, ara man a slaha a mpre ta ndohi man ta woy civèƋ na, auda te skwi man a pe ta a wai, ara man a pe ta ndohi nzura ka ɓai, a hai, ba pats kita, aman a da ga ta kita.

¹⁰ Holhola'a tenga'a man ta jejèr ntétékè te va tenga'a ambaɓia'a, a ta woya Zhiklè a bi ta ɓai; ta gi hori azɓai; ta fi gèƋ a ma ndo azɓai; ta gi zlau skwi Zhiklèn'nzala'aazɓai, a ta dèrƋè'a.

¹¹ Aman golahi Zhiklè, man wuƋi ta a n'njèl ta a fen ta mbelambela, ta dérƋè'a azɓai a sam Bi Zhikle.

¹² Ndohi haha ta ara skwi dakhai man maya ta azɓai, man ta yeka ta, a géƋ man ta gs ta, a ta zlama ta da'ai. Ta ngwossaha skwi man ta sun ɓai, a ta gedas ta te maya tenga'a man ambaɓai,

¹³ a ta ngècè skwi ntul mali ta. Skwi man a gi langlanga'a te ndav ta, ar haha: Man pats mvanga, n'ndi skwi kumba. Aman ta ndi skwi a nda kinè, ta gedassa mwuffè kinè a maya tenga'a nlizhè'a.

¹⁴ Ta cèkè di a fali ngwoz, mali a ngeza ta azɓai. Ta bid ta ndohi man wuƋi ta azɓai, a tagedas ta. Ntétékè sulai ntilda va a ndav ta. Ma mphomda'a man a Zhiklè a zhè a géƋ tenga'a.

¹⁵ Ta jèkeda civèƋ nzura'a a ta zlak ta, a ta dzodzor civèƋ Balaam, kra Béor, man a woy sulai te ngi skwi zura ka ɓai.

¹⁶ Aman kƋèh, man a gèƋè azɓai, a n'ngatsa na maya, a goƋ ngèƋè ara ndo, a n'ngra na mali a ndo nhadka ma.

¹⁷ Ta ara thal man iyam a te pa ɓai, vanihai man kozlar a patsedaussa. Skwi man ta ngècè'a, te ruva tèƋèƋika'a.

¹⁸ Ta gèƋ ma nfi va ambalai, mphömè tenga'a a ntétékè te va tenga'a a poko ta gèƋ auda a ndohai man ta mbel ta auda tok tok te ri ndohi ncèkèlma.

¹⁹ Ta gaƌa ta: kin ngècè vara mpra'a; aman tenga'a ba ta ɓèlèlihi skwi ngedassa'a. Aman ko wawa a ndi a ɓèl skwi man a jèjèrè'a.

²⁰ Te va nasa, a géƋ man ta sun Bi Zhiklè a Ndo m'mbel ndo Yèsu Kristi, ta mbel ta auda a sam skwi nlizhè'a t'herkeda. Aman skwi herkeda ngul a ngul ta macecèwa'a, te deɓa'a ta gi ambaɓi holhola'a, a fena nshèlèkura'a.

²¹ Dara'a ta sun civèƋ ngizura'a ɓi fèt, a géƋ man ta suna, a ta jèkeda ma nkwèr nkezla'a man ta ngotso.

²² A gu a sam ta, ara ngclègèƋ ma man a gaƋa: Kda a minè gèƋ a skwi man a vinèhèda za'a. WaƋala mpana'a a minè a deɓa a draɓ za'a.