2 Corinthians 8 - Mofa New Testament

¹ Nga ngreda kinè, dalahimam ga, pombi Zhiklè man mpi ndohi Zhiklè Macèdoine a n'ngotso.

² Ko ta te ndev matakwan kumba, ta wuffè holhola'a gènè. Ko ta tawassa kumba, ta vau skwi a vata, a ndav nzura'a.

³ I ndo malwuƌai tenga'a, aman ta vau skwai a ndav amba, a fena wuƌi ta ba.

⁴ Ta tsa nga ri kam kam, ta dzhoƌ civèƌ, aman ta mbi a mizlinè ntakaha ta ndohi Zhiklè.

⁵ A ta gau ara man nga hur genè ka ɓai, aman ta vau va ta, nshèlèkura'a a Bi Zhiklè, te deɓa'a ta vau va ta a gèƌ nga, ara man Zhiklè a woya'a.

⁶ Gar haha Tite a ndeva mizlinè pombi a sam kinè, ara man a hüno.

⁷ Lèmèlèmè ara man kin ngots kumba te skwi tèlèba, te ncè-a-ndav, te ngèƌè, te nshin skwai, te ngi gazawa te skwi tèlèba, te mwoy-ndo, man kin ngotso a sam nga, vangreda mwoy-ndo kinè auda te mvi skwi ba.

⁸ I gèƋè ara man i fa kinè a gèƋ a wuƋi ka ɓai. Aman a géƋ man ndohi ngiƋè ta vi skwi a vata, i jkedè mwoy-ndo a ndav kinè ba: kin woy ndo a vava ƌè?

⁹ Aman kin sun pombi Bi nga Yèsu Kristi, ko nenga'a ndo mèshèlè, a n'nde na a ndo ntawassa'a, a géƋ kinè, a géƋ man te ntèwèshè nenga'a kin ndi a ndohi mèshèlè.

¹⁰ I hur ar haha: aman skwi haha a da takaha kinè. Atutsa kin hüno ngia'a, a gèƌ man kin woya'a.

¹¹ Aman ara man kin woy a kin gia'a, varufa skwi man kin hüno, a kin vi skwi man kin ngotso.

¹² Aman ndo a wuffè a géƋ mvi skwi man a ngotso, ambaba Zhiklè. Zhiklè ajhèƋè skwi man a ngatsa ɓai, ka ɓai.

¹³ I woy aman ndohi ngiƌè ta wèl va, a kinè, kin si matakwan te ria'a, azbai; aman skwi da lèmda.

¹⁴ Te njèkèƋi skwi kinè, kin takaha ta tengahia'a man antanta skwi dè'a ta ɓai. Te deɓa ba te njèkèdi skwi tenga'a, ta da takaha kinè te skwi man dè'a kinè ɓai: a skwi a nlèmdè aranta, ara man ƌèlèwèr Zhiklè a gaƌa:

¹⁵ Ndo man a ɓica skwi kumba, mpataka'a azɓai; ndo man a ɓica skwi kumba ɓai, skwi man dè'a na ɓi ba, azɓai.

¹⁶ Nga shid gèƋ a Zhiklè, aman a n'ndha ndav Tite, a gi wuƋi kumba a géƌ kinè aranta.

¹⁷ Nenga'a a ngu ara man nga dzhoƋo a ndav amba; aman nenga'a a nhur a ri na, aman a ndè a sam kinè.

¹⁸ Nga zlündo kramam ngiƌè a nda nenga'a, man labar ma nenga'a a géƌ man ma mbela'a amba, a zlèzlèmè a sam mpi ndohi Zhiklè tèlèba.

¹⁹ Mpi ndohi Zhiklè ta co nenga'a auda a ndo man kin tsakala na skwi a rai, a nga Ƌè a vna, a nga ngreda skwi man amba man nga woya a nga gia'a, a n'njèl Zhiklè.

²⁰ Gar haha nga nga gi maya a sam ndohi man ta tsa nga demgasl a géƌ skwi mbia'a man a shkè auda te mizlinè nga.

²¹ Aman nga gi maya, aman skwi tèlè a gi zura'a a sam di Bi Zhiklè, a sam di ndohi ba.

²² A nga zlündo kramam nga ngiƌè a nda tenga'a, man nga ngotso a géƌ mizlinè man a gia zura'a. Antanta a gi holhola'a za'a a géƌ man a fi géƌ a kinè.

²³ Anai Tite, ndo ga, man nga gi mizlinè a vna te ndev kinè; kramamhi nga man ta zlundo ara ndohi sak mpi ndohi Zhiklè, man nenga'a njèl Kristi;

²⁴ vangreda mwoy-ndo a ndav kinè a sam di mpi ndohi Zhilkè tèlèba; vagu malwuƌai, ara man nga tsi wi a gèƌ kinè ambali ka ɓai.