2 Corinthians 7 - Mofa New Testament

¹ Dalahimam ga, aman nga ngots ma mpèsl ri aranta, ngotulokoy va nga te skwi man a íizhè va a ndav tèlèba, a nga rufa skwi nkezla ndav nga te zlau Zhiklè.

² Vava nga sam te ndav kinè! Nga ga na mali a ndo ɓai, nga gedassa ndo ɓai, nga ngwoda ri a ndo ɓai.

³ I goƋ ma haha aman i fa kinè mali a gèƌ ɓai. Agassa i gaƌa ma: kinè te ndav nga, ko te m'metsai, ko te nshèffè.

⁴ I pi ndav a kinè. I jégèr va kumba a géƌ kinè. I ngots skwi man a mbidyè kumba; mwuffè ga holhola'a a ndha ndav ga, ko ta ndeƌats nga.

⁵ Mshkè nga a kokwar Macédoine, nga ngatsa nshék va ɓai; aman a sam télèba nga te matakwan genè: var t'uda, zlau te ndav.

⁶ Aman mshkè Tite, Zhiklè a bid nga, ara man a bid ta ndohi man ta zhiƌè ta gèƌ a hai.

⁷ A mshkè nenga'a genè ka ɓai, aman a ma nenga'a ba, ara man kin büdo a vna. Nenga'a a n'ngra nga mpataka kinè, kuƌ kinè, ara man kin gu gazawa a géƌ ga. Anai i wuffe holhola'a.

⁸ Ko ndav a dza kinè a géƋ Ƌèlèwèr ga, i mindè a deɓa azɓai. Aman a matsa ndav kinè a dza kinè n'nzi kètè a géƋ Ƌèlèwèr sa, ar ambabay ɓai;

⁹ aman antanta i wuffè. Azɓai a géƋ man kin kuƋau te ndav kinè; aman i wuffè a géƋ man kin kuƋau, a kin ngwoda ndav kinè. Aman ndav kinè a kuƋi ara Zhiklè man a woya'a. Ar haha ma nga a géƌèshè ndav kinè azɓai.

¹⁰ Nlèyè te ndav man a shkè te ri Zhiklè, a de nga a sam m'mbélè; aman nlèyè herkeda a de nga a sam m'metsai.

¹¹ Na haha, nlèyè te ndav, ara Zhiklè man a woya'a, a ngu mizlinè te ndav kinè kumba: kin hur a vava, kin tsko gèƌ auda, kin gu ndav, kin gu zlau, mpataka a keƌ kinè a géƌ ga, kin gu gazawa, kin ngu ndzoan! Te skwi tèleba kin ngreda, ara man mali kinè te skwi haha asaɓai.

¹² Gar haha, ko i winda kinè ma haha, i windo a géƋ ndo man a gu mali ka ɓai, a géƋ ndo man ta gu mali a sam na ka ɓai, aman i windo, a skwi man kin gia'a a géƌ nga kumba, a ngréƋè auda a sam kinè, a sam di Zhiklè.

¹³ Ndav nga a n'ngots skwi mbid nga arsa. Te deɓa ma ba nga wuffè holhola'a a géƋ mwuffè Tite, aman ndav na a ngu langlanga'a a sam kinè tè­lèɓa.

¹⁴ Ntsi wi ga a géƌ kinè, a mpay hori a di ɓai. Ara ma man nga gaƌa kinè tèlèba, ma nzura'a a vava; nga ntsi wi a gèƌ kinè a sam Tite ba, n'ngreda auda zura'a a vava.

¹⁵ Kinè ambaba te ndav na holhola'a; a hèrè'a, ara man kin tèlèba kin fu gèƌ a ma na, ara man kin co, a zlau a ngudzai.

¹⁶ I wuffè, aman i slaha a i pi ndav a kinè te skwi tèlèba.