2 Corinthians 4 - Mofa New Testament

¹ Gar haha a gèƋ man nga ngots mizlinè aranta, a nga si Zhiklè te va, nga ngèzhè azɓai.

² Nga kwola skwi man ndohi ta gau, a ta ngheda, te man ta gi hori a gèƋè'a. Nga gi skwi a maya vaya azɓai, nga ngwèdè ma Zhiklè azɓai, aman nga ngreda mèzhèɓ ndav nga auda a ma nzura'a a sam di ndohi tèlèba, a sam di Zhiklè.

³ Aman ma mbela'a man nga njè a, skwi n'ngheda a vava, n'ngheda a sam ndohi man ta zi ta,

⁴ a sam ndohi man ta ca a ndav ɓai, man madzagai a pizlèma ta di ta a ruva, aman ta slaha a ta rka skwi nhél sam man a zhè te ma mbela'a te n'njèlè Kristi ɓai. Kristi, nenga'a va Zhiklè.

⁵ Nga njè ma a géƌ va nga ka ɓai, aman a géƌ Bi Yèsu Kristi, ara nenga'a Bai, a nga ɓèlèlihi kinè a géƌ Yèsu.

⁶ Aman Zhiklè man a ngaƌa na skwi nhél sam: Hulko gèƌ auda te ruva! Nenga'a a nhul sam te ndav nga, aman te nga, sam nhela'a a ngrédè auda, a nga slaha a nga shin n'njèl Zhiklè a sam di Yèsu Kristi.

⁷ Aman nga ara shidèf rɓasl, man skwi mèshèlè aranta te pa, a géƌ man a ngrédè auda: wuƌi mbia sa a Bi Zhiklè, a nga nga ka ɓai.

⁸ Ta ndeƌats nga te tsagi tèlèba, aman ta hasla nga azɓai. Ta gudè nga géƌ, aman ndav nga a mbede azɓai.

⁹ Ta paraha nga, aman nga gi mbelawa azɓai. Ta zhidè nga gèƋ a hai, aman nga zi nga azɓai.

¹⁰ Nga ngots m'metsi Yèsu te va nga pèc pècèk, aman nshèffè Yèsu ba a ngrèdè auda te va nga.

¹¹ Te nshèffè nga haha, ta va nga a ri m'metsi pèc pècèk, a gèƋ Yèsu, a gèƋ man nshèffè Yèsu ba a ngrèdè auda te va nga haha, man a di a metsi na.

¹² Gar haha m'metsai a n'ngots wuƋi te nga; aman nshèffè a n"ngots wuƋi te kinè.

¹³ Te man nga ngots mèzhèɓ ncè-a-ndav lèmèlèmè ara man âèlèwèr Zhiklè a gaƋa: l co a ndav, gar haha i goƋa. Nga ba nga co a ndav, a nga ba, nga gèƋè.

¹⁴ A ngasuna, nenga`a man aslambaƋda Bai Yèsu auda, a di a slambaƋde nga auda lèmèlèmè a nda nenga"a, a da zlatsede nga a sam na, a nda kinè.

¹⁵ Skwi tèlèba a gi a gèƋ kinè, aman pombi mbia"a te ndohi kumba a gi a nshid gèƋ kumba a n'njèl Zhiklè.

¹⁶ Gar haha nga ngèzhè azɓai; aman ko va nga a gèƋèsh na, ndav nga a gi a mɓua'a pèc pècèk.

¹⁷ Aman skwi nga mwuƋitpa haha nkèshèa, a nzi a vata azɓai, a gi a n`njèl mbia'a man amba holhola'a a mèdèp, te ndav nga,

¹⁸ te man nga pi di a skwi manngarkaadi kaɓai, aman a skwi man di nga a rka ɓai. Skwi man nga rka a dai, a nzi a vata azɓai; aman skwi man di nga a rka ɓai, a nzi a mèdèp.