2 Corinthians 1 - Mofa New Testament

¹ Paul, ndo sak Kristi Yèsu, ara man Zhiklè a woya"a, a nda Timothèe, kramam nga, a sam mpi ndohi Zhiklè te kokwarCorinthe, a sam ndohi Zhiklègedam te kokwar Achaie tèlèba:

² Pombai da zhè a nda kinè, a gumai te Zhiklè, Bab nga, a Bai Yèsu Kristi!

³ Nga shid gèƋ a Zhiklè, Bab Bi nga Yèsu Kristi, Bab man ndo a sia te va, Zhiklè mbid ndo te skwi tèlèba,

⁴ man a bid nga te skwi nga tèlèba man wuƋitpa, a gèƋ man nga slaha a nga bid ta tengahia'a ngiƋè te deɓa"a ba, te skwi tenga"a tsaƋ tsaƋ man wuƋitpa, a skwi man Zhiklè a bid nga a vna.

⁵ Aman ara man nga ngots matakwan Kristi kumba, nga ngots skwi mbid nga kumba ba te Kristi.

⁶ Aman ko nga ngots matakwan, nga ngotso a skwi mbid kinè, a skwi m"mbel kinè. Skwi mbid nga, skwi mbid kinè; a kin ngècè wuƋai, aman kin cè matakwan te nzhèr skwia dai, matakwan lèmèlèmè ara matakwan nga.

⁷ Skwi man nga zhèrè te ndav a gèƋ kinè, nga suna, a vava; nga suna, ara man kin ngots matakwan ba, kin da ngècè skwi mbid kinè ba.

⁸ Dalahimam nga, nga woya aman kin sun matakwan man a ga nga te kokwar Asie. Ta ga nga skwi mwuƋitpa, man a fena wuƌi nga, a nga gu zlau a géƌ nshèffé nga, a nga huro, nga da metsi nga.

⁹ Aman skwi haha a ga nga, a gèƌ man nga fi gèƌ a wuƌi nga genè ka ɓai, aman a Zhiklè, man a slambaƌde ta ndohi m'metsa'a,

¹⁰ man a mbel nga te m'metsi mbia'a arsa, a di a mbel nga za'a. Nga huro, a di a pats ngiƌè ba, a da mbelka nga auda.

¹¹ Ntsi ri kinè a géƌ nga ba a da takaha nga, a ndohi kumba ta da shid géƌ, a géƌ pombi man Zhiklè a va nga.

¹² Nga jègèr va a gèƋ skwi haha: Mèzhèɓ ndav nga a gi malwuƋai, aman nga nza a maya te nshèffè nga t'herkeda, holhola'a a sam kinè: ndav nkezla'a, a ndav nzura'a, ara Zhiklè man a woya'a, a maya ndo ka ɓai, aman a pombi Zhiklè.

¹³ Nga winda kinè skwi ngiƌè azɓai, sèi skwi man kin jengè'a, kin shinè'a. Aman i zhérè te ndav, kin shindè tèlè di ba,

¹⁴ ara man antanta kin sun nga kètè kètè ma, a kin jégèr va a géƌ nga, lèmèlèmè ara man nga jègèr va a géƌ kinè a pats Bi nga Yèsu.

¹⁵ Nshélèkura'a i gaƌa i Ƌè a sam kinè dai, a kin ngècé skwi mbela'a za'a.

¹⁶ Te deɓa'a i Ƌè a kokwar Macédoine, te Macèdoine i minè a deɓa a sam kinè, a kin da fèday ma a kokwar Judèe.

¹⁷ Man i hur arsa, i gu fali dè? Aman i herda ma a hai, i hur ara fali ndo ƌé? ï pu ma cèw dè?

¹⁸ Zhiklè a gi malwuƌai, aman nga pi ma cèw azɓai.

¹⁹ Aman kra Zhiklè, Kristi Yèsu, man nga a Timothèe a Silvain nga njè kinè, ndzakaɓa a halau a a"ai ɓai; aman te nenga"a sèi halau genè.

²⁰ Aman Yèsu, nenga"a 'halau' a gèƋ mpèsl ri Zhiklè tèlèba. Gar haha nga ba, aman nga gèƋè 'Amen' te Yèsu Kristi, nga slèbèrdè Zhiklè a vna.

²¹ Zhiklè, nenga"a a ngu aman nga nzi tara`a a nda kinè te Kristi; nenga`a a nkezla ndav nga,

²² a ndèda ndav nga a Mèzhèɓ nkezla'a, te di skwi man a da va nga.

²³ I cè Zhiklè a malwuƋi ga aman i da tsakalma, da zedyè - I gad i woya a i Ƌè a deɓa a kokwar Corinthe ɓai, te man i woya a i ga kinè matakwan ɓai.

²⁴ Aman nga ara bihi ncè-a-ndav kinè ka ɓai. Aman nga, nga ndohi man nga mba a mwuffè a nda kinè, a kinè man kin zlatsa te ncè-a-ndav.