1 Timothy 5 - Mofa New Testament

¹ Ka gaƋa na a wuƋi a ndo nhala'a ɓai; rka ara bab ngaya! Golahai, rka ta ara kramamhi ngaya!

² MaƋangwozhai, rka ta ara mamhi ngaya! Dalahai, rka ta ara demamhi ngaya, ara ndo nlèɓèslèa.

³ Slebarde ta ngwozi mazai, tenga'a man ta te diki a vava.

⁴ Aman wudahi ta, man wud wuda ta ta zhè, sèi ta lèɓèslè te gi ta nshèlèkura'a, a ta menda na skwi man bab ta a mam ta a takana ta a vna, a deba arsa. Aranta ambaba Zhiklè.

⁵ Aman nenga'a ngwoz diki a vava, man a nza a geƋ na, a pi ndav a Zhikle, a tsi rai, a gi mbuh mbuh, a vaƋ a pats.

⁶ Aman ngwoz dikai, man a gi ntétékè, a wuffè a gèƌ ntètékè, m'metsa'a, ko a zhè a nshèffe.

⁷ GaƋa ta skwi haha, a ta ngècè mali a sam ta azɓai.

⁸ Aman ndo man a wèr di a gwoli na azɓai, holhola'a a ndohi gi na, a cèkèlma a géƋ ncè-a-ndav, ambaɓai a fena ndo man nca a ndav ɓai.

⁹ NzlembaƋ ngwoz mazai, ta windè a Ƌèlèwèr, sèi man a ndikè mvi 60. Sèi man baki na man a mets na, na staƋgenè, a ndohi ta slébèrdè'a a géƋ mizlinè nenga'a man amba,

¹⁰ a gre ta wudahai, a pi mbrokihi a gai, a pana ta sak a ndohi Zhiklè, a takaha ta ndohi matakwan, a gi mizlinè man amba tèlèba.

¹¹ Aman ngwozi dikai, man ta ndikè mvi 60 di ɓai, jèke ta! Aman ta da ngeza a ma Yèsu, ta woy a ta ngècè baki ngiƌè,

¹² a ta ngècè kita, a géƌ man ta jèkeda ma man ta gaƌdahi nshèlèkura'a.

¹³ Ta gi wudar, ta jèjèr gi te ma te ma, a ta pceda gèƌ ta a pa. Skwi ambaɓi holhola'a, ta tsi tsaval ambaɓi kumba, a ta kèlè ma cizlèv cizlèva'a, a ta gèƌè skwi man agassa ma ta ka ɓai.

¹⁴ Arsa i woya aman ngv ozi dikai, man dali ngwozi dai, do do ngwoz, da yu wuda, da ɓer gai, a ta va na civèƌ a SaƋan azɓai, man a gi ma a géƌ tenga'a.

¹⁵ Aman antanta, ndohi ngiƌè ta mende va ta a deɓa, a ta jèjèr SaƋan.

¹⁶ Aman ndo Zhiklè ngiƌè, ko ngura'a, ko ngwoz, man ngwoz mazi te gi na, sèi nenga'a a ntakaha, mpi ndohi Zhiklè ka ɓai; a mpi ndohi Zhiklè ta slaha ta takaha ta tengahi ngiƌè, man ta ngwozi dikai a vava.

¹⁷ Vaslebarde ta ndohi mɓer ndohi Zhiklè, man ta gi mizlinè zura'a, nolnola'a tengahi man ta njè ma Zhiklè, a ta jèngè ta ndohai.

¹⁸ Aman dèlewèr Zhiklè a gaƋa: Ka va na dzala a ma mari man a kizlè dau ɓai! Ndo mizlinè staƋ staƋ tèlèba da ngots skwi ntul na.

¹⁹ Aman ta woy a ta pin ndo mɓer ndohi Zhiklè, ka fu zlembaƋa ɓai, sèi man ndohi malwuƋihi cèw, makar ta zhè.

²⁰ Ndohi man ta gi malai, ngreda ta auda a sam di ndo tèlè, aman ndohi ngiƋè ta gi zlau.

²¹ I gaƋa ka a sam di Zhiklè, a sam Yèsu Kristi, a sam golahi Zhiklè man a par ta, ɓür skwi haha tèlèba, ka por skwi mpèrè ɓai, a ka por ndo te di ɓai!

²² Ka fa na ri a gèƌ ndo tsam tsam ɓai, ka humda va a mali ndo ngiƌè ɓaü

²³ Ɓür ndav ngaya, ka lizha ɓai! Ka su iyam genè ɓai, su barassa kètè ba, a gèƌ hwaƌ ngaya, man ka mbelakaɓai.

²⁴ Mali ndohi ngiƌè a ngrédé auda tsam tsam, ga ta dè kita. Aman mali ngiƌè a ngrèdè auda sèi te deɓa'a.

²⁵ Lèmèlèmè mizlinè man amba a ngrédè auda tsam tsam. Mizlinè ngiƌè, man ambaɓai, ta slaha n'nghèdè ɓai.