1 Timothy 4 - Mofa New Testament

¹ Aman Mèzhèɓ Zhiklè a ngra nga mbelambela, aman pats ngiƋè ndohi ngiƋè tsaƋ tsaƋ ta da jèkeda ncè-a-ndav ta, a ta jèjèr mèzhèɓhi man ta zlakede ta, a njèma madzagai,

² a ma mberzlalaha'a a ndohi njèngè ncèkèlma, mèzhèɓ ndav ta nsassaya.

³ Ta va ta civèƋ a ngurhi azɓai, man ta cè ngwoz; a ta fa ta ma a gèƋ, aman ta ndi skwi n'ndi ngiƋè tsaƋ tsaƋ azɓai, skwi man Zhiklè a ngau, a ndohi ncè a ndav, man ta sun ma nzura'a, ta ndia'a, a nshid gèƋ.

⁴ Skwi tèlèba man Zhiklè a ngau, amba; ambabai man ta kwola`a. Sèi ta cè`a a nshid gèƌ.

⁵ Ama Zhiklè a ntsi rai, skwi tèlèba a gi a skwi nkezla'a.

⁶ Man ka ngreda ta skwi haha a kramamhi ngaya, ka ndo mizlinè Yèsu Kristi man amba. Ka ngreda, aman ka wèr di va ngaya a ma Zhiklè, man ka co a ndav, a njèma man amba, man ka dzodzora.

⁷ Ma amɓaɓai, a tsaval ambalai, ka co ɓai, jèkeda!

⁸ Sundo zlau Zhiklè a ri ngaya! Mwushè va a takaha ka kètè genè; aman zlau Zhiklè a takaha ka te skwi tèlèba. Zlau Zhiklè a mpasla nga ri a nshèffè t'herkeda antanta, a nshèffè man a di a shkè.

⁹ Ma haha ma nzura'a, amba aman nga ce'a.

¹⁰ Nga gi mizlinè a wuƋi a va, a vazaza, a géƋ man nga zhèr Zhiklè te ndav, Zhiklè man a zhè a nshèffè, nenga'a ndo m'mbel ndohi tèlèba, nshèlèkura'a ndohi ncè a ndav.

¹¹ Ma haha fa ta a gèƌ, njè ta!

¹² Ndo da paraha ka ɓai, a da gaƌa wudahi di ɓai! Gau aman ndohi ngiƌè, man ta co Zhiklè a ndav ta, ta slaha ta lèmdè va ta a ka, a ma ngaya, a maya nshèffè ngaya, a mwoy-ndo a ndav ngaya, a ncè-a-ndav ngaya, a n'nzi ngaya.

¹³ Ha i shkè, jènga ta a ma ma, slebda ta, senda ta.

¹⁴ Ka gu fali ɓai a pombi ngaya man ka ngotso. Pombai ka ngotso, aman ndohi mɓer ndohi Zhiklè ta fa ka ri a gèƋ, a ta hodko ma.

¹⁵ Hur skwi haha a maya maya, do a pa a nshèffè ngaya tèlèba, aman ndohi tèlèba ta rka ara man ka grè a ma ma.

¹⁶ Ɓür ndav ngaya ɓür njèma ngaya, gso va a skwi haha! Aman ka gi arsa, ka mbél ngaya, a ka mbel ta ndohi man ta tsena ma ngaya.