1 Timothy 3 - Mofa New Testament

¹ Ma haha ma nzura'a: Ndo man a woy mizlinè mɓer ndohi Zhiklè, a woy mizlinè man amba.

² Ndo mɓer mizlinè Zhiklè, sèi ndo man ma az a géƋ na ɓai, ndo man ngwoz na staƋgenè, ndo man zom a te gèƋ ɓai, a maya te gèƋ, skwi nenga'a tèlè ntila amba, a fí ndo a gai, a slaha a nsenda ta ndohai,

³ ndo njèjèr zom ka ɓai, a tsi ndo azɓai, ndo gumni, a bèzl va azɓai, a hér va na genè ka ɓai,

⁴ a ɓer gi na amba, a slaha a ngi aman wudahi nenga'a ta tsena ma nenga'a, a ta slébèrdè'a.

⁵ Ndo man a slaha a mɓer gi na ɓai, a slaha a mɓer ndohi Zhiklè ƌè?

⁶ A woy ndo man a shkè a civèƌ Zhiklè tok tok ka ɓai, man ɓai a grè gèƌ, a kèlèhi a kita bi madzagai.

⁷ Ndo man ko ndohi nte deɓa ta gèƋ ma mbela'a a géƋ nenga'a, aman a kèlèhi a ndzoan a gadda bi madzagi azɓai.

⁸ Ndohì ntakaha ba, ta arsa genè, ndohi nzura'a, man ta pi nè'èn cèw azɓai, ndo njèjèr zom ka ɓai, ndohi man ta hèsh suli a ngi ri ka ɓai,

⁹ a ta ɓir skwi n'ngheda te ncè-a-ndav ta, te mèzhèɓ ndav man amba.

¹⁰ Sèi kin jkede ta nshèlèkura'a, te deɓa'a man ma az a géƋ tenga'a ɓai, da takaha kinè.

¹¹ Ngwozi tenga'a lèmèlèmè arsa genè, sèi ta gi zura'a, ta tsi demgasl azɓai, zom a te gèƋ ɓai, nlèɓèslèa a géƋ skwi tèlèba.

¹² Nüohi ntakaha, sèi ndo man ngwoz na staƋgenè, man ta wèr di wud ta, gi ta amba.

¹³ Aman ndohi man ta takaha amba, ta ndi a ndo mbia'a kètè, a ta slaha ta ngredè ma tsaraya'a a géƋ ncè Yèsu Kristi a ndav.

¹⁴ I winda ka skwi haha, ko i zhèrè dai, i dè a sam ngaya ndul ndul.

¹⁵ Te deɓa'a ko i nzi dai, ka suna, ara man ka gi mizlinè te gi Zhiklè, nenga'a mpi ndohi Zhiklè, a Zhiklè man a zhè a nshèffè; nenga'a sak gai, verzi kwa ma nzura'a.

¹⁶ Skwi man n'ngheda a civèƋ Zhiklè, skwi mbia'a a vava: Zhiklè a ngudko va a dai ara ndo, a n'ngreda auda zura'a te Mèzhèɓ Zhiklè, a ngudoko ta va a dai a golahi Zhiklè. Ta njo nenga'a a sam ndohi herkeda, a ndohi herkeda ta co a ndav, a Zhiklè a nda'a a sam n'njèl nenga'a.