1 Peter 4 - Mofa New Testament

¹ Vahuro ara man skwa a ndza na Kristi te va na; vamana ndav kinè ba arsa! Aman ndo man skwa a ndza na aranta, a njèkeda malai.

² Te deɓa'a, man a zhè t'herkeda dai, a jèjèr ntétékè va na azɓai, aman a nzi a nshèffè, a gi skwi man Zhiklè a woya'a.

³ Dèma, aman halakai kin nza a nshèffè ara ndohi nte deɓa: kin beza zlawa a ntétékè, zom a ked kinè, kin gu golahwaƋ, kin mboh skwi ambaɓi holhola'a.

⁴ Aman antanta kin dè a nda tenga'a a kin jèjèr maya tenga'a man ambaɓi azɓai, ta rzl ta a ta derƋe kinè.

⁵ Aman a di sèi ta da njè ma ta auda a sam nenga'a man a slaha a ngi kita ndohi a nshèffè a ndohi m'metsa cèw ba.

⁶ Ta njè ta ma mbela'a a ndohi man a géƋ mali ta ara ndohi m'metsa èhèmè? A géƌ man ta ngècè kita ara ndohi man ta zhè a nshèffè, a ta nzi a nshèffè te Mèzhèɓ, a nshèffè Zhiklè.

⁷ Ndikèma skwi tèlèba a herdeka nga va ma. Gar haha, vanza a nshèffè a maya, a ntsi rai.

⁸ A gèƌ skwi tèlèba, vawoy va kinè kumba, ngiƌè a ngiƌè. Aman mwoy-ndo a ndav a pizlèda malihi kumba a pa.

⁹ NgiƋè da feda ngiƋè a gai, a gèƋ te gozhèm ka ɓai.

¹⁰ Skwi mèmè ndo a n'ngotso, da takaha ta ndohi ngiƋè a vna, ara ndohi mɓerskwai man amba, man ta gi mizlinè a pombi Zhiklè tsaƋ tsaƋ.

¹¹ Ndo man a gèƌ ma, da goƌo ara ma Zhiklè. Ndo man a ngots mizlinè Zhiklè, da gau ara man a slaha, ara man Zhiklè a va na wuƌai. Te skwi tèlèba, vagau aman kin slébèrdè Zhiklè te Yèsu Kristi. N'njèlè a wuƋai a nenga'a, te nhinkaƋ na a ma ma a mèdèp. Amen.

¹² Kinè dalahimam ga, kin rzl kin ɓai a géƋ skwi mwuƋitpa man a ga kinè antanta, aman ta pe kinè a wi tsaƋ tsaƋ. Kin hur ɓai: skwi haha nkèkèkè?

¹³ Aman vawuffa, te man kin si matakwan a nda Kristi, aman a pats nda gudko va a n'njèl nenga'a, kin da wuffè a kin gi langlanga'a.

¹⁴ Mwuffè a sam kinè, aman ta derƌe kinè a géƌ nzlembaƋ Kristi; aman Mèzhèɓ Zhiklè, Mèzhèɓ Zhiklè n'nzala'a, a nzi a géƋ kinè.

¹⁵ Ko staƋ te ndev kinè da sau matakwan ɓai a gèƌ man a keƌa ndo, a ngu metsar, a ngu skwi ambaɓia'a, a kèlè a skwi ndo.

¹⁶ Aman ndo ngiƋè a si matakwan, a géƌ man nenga'a ndo Kristi, da gu hori ɓai, aman da ngreda nzlembaƋ nenga'a a nslébèrdè Zhiklè.

¹⁷ Tidè sama ma, aman kita Zhiklè a hinè a sam ndohi gi nenga'a. Aman a hüno a sam nga, ndohi Zhiklè, aranta, a da gi a sam ndohi man ta co ma mbela'a Zhiklè a ndav ta ɓai, kè?

¹⁸ Aman ndo nzura'a a mbél na a wuƋi a va, ndohi man ta woy Zhiklè bai, a ndohi malihai, ta da gi kè?

¹⁹ Gar haha, tengahia'a man ta si matakwan ara Zhiklè man a woya'a, sèi ta dè a ma ma a ta gi skwi man amba, a ta vi nshèffè ta a ri a nenga'a man a ge ta, man nlèɓèslèa.