1 Peter 2 - Mofa New Testament

¹ Gar haha shèwa tèlèba, ncèkèlma tèlèba, n'ngwèdèndo tèlèba, srak a ntsi demgasl tèlèba, vajèkeda!

² Vagu ara wudahi man a wa: vawoy wa man amba zura'a, wa te Mèzhèɓ Zhiklè, aman a nenga'a kin grè a ma ma a sam m'mbél kinè,

³ man kin tor pombi Bi Zhiklé ma.

⁴ Vaherda na va, ara a sam kwa nshèffè man ndohi ta kwola'a, man Zhiklè a nco a skwi mbela'a a sam di na.

⁵ Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezla'a, man ta zli skwi te Mèzhèɓ a Zhiklè, man te Yèsu Kristi ta ambaba Zhiklè.

⁶ Gar haha ta windo te Ƌèlèwèr Zhiklè: Na haha i tilda kwa mbela'a a Sion. Ndo man a cè nenga'a a ndav, a ngècè hori a di azɓai.

⁷ Nenga'a kwa mbela'a a sam kinè, man kin co a ndav. Aman a sam ndohi nca a ndav ɓai, kwa man ndohi nƋizlè gai ta kwola'a.

⁸ Nara kwa ntsama ta sak, skwi nslafaƌama ta sak. Kwa ntsama ta sak, te man ta co ma Zhiklè a ndav ɓai. N'nga a sam ta arsa!

⁹ Kinè verzi ndohi man Zhiklè a baba kinè, ndohi mvi skwi a Zhiklè, Bi mbia'a; kinè ndohi hala'a, ndohi man a kwor ta. Kinè skwi nsléberdè nenga'a, man a baba kinè auda te ruva a sam nhèl sam nenga'a mbela'a.

¹⁰ Hala'a kinè ndohi Zhiklè ka ɓai; aman antanta kinè ndohi Zhiklè. Hala'a kin sia te va azɓai; aman antanta kin sia te va ma.

¹¹ Dalahimam ga, i bid kinè ara man kinè ndohi mbrok. Vajèkeda ntétékè te va kinè, man a gi var a ndav kinè.

¹² Vanza a maya te gèƌ, te ndev ndohi nte deɓa; a tengahia man ta tsa kinè demgasl, ara man kin ndohi malihai, ta rka skwi man amba man kin gia'a, a ta slèbèrdè Zhiklè, a pats man a ncko skwi tèlèba auda a sam nhél sam.

¹³ Vafu gèƋ a ma ndohi mbibihia'a t'herkeda, a géƋ nzlembaƋ Bi Yèsu, ko a ma bi mbia'a man a géƋ bihi ngiƋè,

¹⁴ ko a ma ngomna man ta zlündo a ngi kita a géƌ ndohi malihai, a nzal ta ndohi man ta, gi skwi man amba.

¹⁵ Gar haha Zhiklè a woya'a, aman kin pizlèma ta ma a ndohi nrzla'a, a ndohi man ta sun skwa ɓai, a skwi man amba man kin gia'a.

¹⁶ Vanza ara ndohi mpra'a! Aman kin gu skwi man ambaɓi ɓai, a géƌ man kin pra'a; aman vanza ara ɓèlèlihi Zhiklè.

¹⁷ Vaslebarde ta ndohi tèlèba! Vawoy kramamhi kinè a ndav kinè! Vagu zlau Zhiklè, voslubordo bai!

¹⁸ Kinè ndohi mizlinè, vamanda gèƋ kinè a hai a zîau a sam bihi kinè: a sam tenga'a man ndav ta amba, man ta woy kinè genè ka ɓai; aman a sam tenga'a ba, man ndav ta ambaɓai.

¹⁹ Aman ndo man a si matakwan, a nzhüɓ skwi mwuƋitpa a géƋ man a hér Zhiklè, amba ba Zhiklè.

²⁰ Aman kin gu malai, a ta ndah kinè a géƋè'a, a kin cè'a, njégèrdè va kinè nanangwa? Aman kin si matakwan, a géƋ skwi man amba man kin gau, a kin cè'a, nasa pombi a sam Zhiklè.

²¹ Aman Zhiklè a baba kinè a pa, te man Kristi ba a nsu matakwan te di man a kinè, a n'ngra kinè skwai, ara man kin jèjèr sam sak na.

²² Nenga'a a n'nga mali ɓai, a ntsakala ma ɓai.

²³ Aman ta durƋo, nenga'a a nderƋa ɓai. A sam man skwa a dza na, a nguva ɓai, aman a feda skwi tèlè a ri nenga'a, man a gi kita zura'a.

²⁴ Nenga'a a nco malihi nga a deò wof te va nenga'a, aman nga jèkeda n'nzi te malai, a nga nzi a géƌ ngizura'a. Te mblè nenga'a kin mbel kinè.

²⁵ Aman hala'a kinè ara tambakihai, man ta zlak ta. Aman anai kin menkaƌa deɓa a sam ndo mɓer skwai, a ndo nwèr nshèffè kinè.