1 John 5 - Mofa New Testament

¹ Ndo man a nco a ndav, Yèsu, nenga'a Kristi, nenga'a nyaka te Bi Zhiklè. Ara man mwoy Zhiklè man a yaka nga, lèmèlèmè mwoy nenga'a man Zhiklè a yau.

² Gar haha ngasuna, aman nga woy wudahi Zhiklè, nga woy Zhiklè ba, a nga fí gèƋ a ma nkwèr nenga'a.

³ Na haha mwoy Zhiklè: aman nga fì gèƋ a ma nkwèr nenga'a. A ma nkwèr nenga'a, wuƋi a te pa ɓai.

⁴ Ndohi Zhiklè, ko wawa, ta ga a ngul herkeda. A ncè-a-ndav nga, nga ga'a a ngul herkeda.

⁵ Nga'a a ngul herkeda wa? Sèi nenga'a man a nco a ndav, Yèsu nenga'a kra Zhiklè.

⁶ Yèsu Kristi a mshkè a iyam a pombaz. A iyam genè ka ɓai, aman a iyam a pombaz. A Mèzhèɓ Zhiklè a gi malwuƋai, te man Mèzhèɓ nenga'a nzura'a.

⁷ Aman skwi makar man ta gi malwuƋai:

⁸ Mèzhèɓ Zhiklè, iyam, a pombaz. Te makar, ta ara nstaƌ.

⁹ Nga cè ma malwuƋi ndohai. Aman malwuƋi Zhiklè a fena'a. Nenga'a malwuƋi Zhiklè, man a vau a géƋ kra nenga'a.

¹⁰ Ndo man a nco kra Zhiklè a ndav, a n'ngots malwuƋi te ndav na. Ndo man a cè Bi Zhiklè a ndav na azɓai, a ga Zhiklè a ndo ncèkèlma, te man a nco malwuƋi nenga'a man a vau a géƋ kra nenga'a ɓai.

¹¹ MalwuƋi nenga'a ar haha: Zhiklè a mva nga nshèffè man a ndivè azɓai a medèp. A nshèffè aranta a zhè te kra nenga'a.

¹² Ndo man a ngots kra Zhiklè, a n'ngots nshèffè. Ndo man a ngatsa kra Zhiklè ɓai, a n'ngatsa nshèffè ɓai.

¹³ Ma haha i windè kinè, a woy kin suna, kinè man kin co nzlembaƌ kra Zhiklè a ndav, kin ngots nshèffè a mèdèp.

¹⁴ Skwi man nga ngotso, aman nga herda na va a Zhiklè a mwuffè: skwi ko mèmè man nga jhèƌè a tsi rai ara ndav nenga'a man a woya'a, a tsena ma nga.

¹⁵ Lèmèlèmè ara man nga suna, a tsena'a, aman nga tsi rai, lèmèlèmè nga suna, skwi man nga dzhoƌo, nga co te ri nenga'a.

¹⁶ Ndo man a rka, kramam nenga'a a gi malai, mali m'metsi ka ɓai, da tsu ri a Zhiklè, gar haha a di a va na nshèffè a nenga'a man agu malai, mali m'metsi ka ɓai. Mali m'metsai a zhè, a géƋ nenga'a i gèƋè azɓai, aman ndo da tsu rai.

¹⁷ Skwi man zura ka ɓi tèlèba, nenga'a malai. Aman mali ngiƋè a zhè, nenga'a mali m'metsi ka ɓai.

¹⁸ Nga suna, ndo man a yaka te Bi Zhiklè a gi mali azɓai. Aman ndo man a yaka te Bi Zhiklè, Zhiklè a ɓirè'a, a nenga'a man ambaɓai a da lama na azɓai.

¹⁹ Nga suna, nga ndohi Bi Zhiklè, a herkeda tèlèba a zhè te ri wuƌi nenga'a man ambaɓai.

²⁰ Aman nga suna, kra Zhiklè a mshkè, a mva nga maya, aman nga sun nenga'a, man nzura'a a vava. Nga te nenga'a man nzura'a a vava, te Yèsu Kristi, kra nenga'a. Nenga'a Zhiklè nzura'a, nenga'a nshèffè a mèdèp.

²¹ Wudahi ga, vaɓür va kinè a sam mbèh skwi tèlèba!