1 John 4 - Mofa New Testament

¹ Dalahimam ga, kin co mèzhèɓ tsaƋ tsaƋ tèlèba a ndav ɓai! Sèi kin jkede ta mèzhèɓhai, a kin wora, aman ta shkè te Bi Zhiklè. Aman ndohi nhadka ncèkèlma kumba ta znè t'herkeda.

² Kin sun Mèzhèɓ Zhiklè ar haha: mèzhèɓ staƋ staƋ tèleba man a ngréde, Yèsu Kristi a shkè, a ngu ara ndo, nenga'a a shke te Bi Zhiklè;

³ a mèzhèɓ staƋ staƋ tèlèba man a ngrédè Yèsu azɓai, a shkè te Bi Zhikle ka ɓai. Nenga'a mèzhèɓ mayam Kristi. Te nenga'a kin tsena labar ma'a, ara man a di a shkè, antanta a zhè t'herkeda ma.

⁴ Wudahi ga, kinè ndohi Bi Zhiklè, a kin fèn ta ndohi nhadka ncèkèlma haha. Aman Mèzhèɓ man a zhè te ndav kinè a fena nenga'a man a zhè t'herkeda.

⁵ Tenga'a ta ndohi herkeda, aranta ta gèƌè ma herkeda, a herkeda a fi zlembaƋ a ma tenga'a.

⁶ Nga, nga ndohi Bi Zhiklè, a ndo man a sun Zhiklè, a fi zlembaƋ a ma nga. Ndo man ndo Bi Zhiklè ka ɓai, a cinè ma nga azɓai. Gar haha nga slaha a nga Ƌèl mèzhèɓ nzura'a a mèzhèɓ ncèkèlma.

⁷ Dalahimam ga, ngowoyokoy va nga, ngiƋè a ngiƋè, ngiƋè a ngiƋè; aman mwoy-ndo a shkè te Bi Zhiklè, a ndo man a woy ndo, a nyaka te Bi Zhiklè, a sun Bi Zhiklè.

⁸ Ndo man a woy ndo ɓai, a sun Bi Zhiklè ɓai, te man Zhiklè, nenga'a mwoy-ndo.

⁹ Ar haha Zhiklè a n'ngreda mwoy-ndo nenga'a a sam nga, aman a zlindkoƋi kra nenga'a, staƋgenè, a herkeda, a nga da nzi a nshèffè a géƋ nenga'a.

¹⁰ Mwoy-ndo te man nga nwoy Bi Zhiklè ka ɓai, aman a géƋ man nenga'a a nwoy nga, a nzlündo kra nenga'a a skwi mpil gèƋ mali nga.

¹¹ Dalahimam ga; aman Zhiklè a woy nga aranta, nga ba sèi nga woy va nga, ngiƋe da woy ngiƋè, ngiƋè da woy ngiƋè.

¹² Ko ndo staƌ a nrka Bi Zhiklè ɓai. Aman nga woy ndo, ngiƋè a woy ngiƋè, Zhiklè a nzi te ndav nga, a mwoy-ndo nenga'a n'nga'ajèlèlò'a te ndav nga.

¹³ A géƋ nasa nga suna, nga nzi te nenga'a, a nenga'a a nzi te ndav nga, te man a mva nga Mèzhèɓ nenga'a.

¹⁴ A nga rka'a a di nga, a nga gi malwuƋai, Bab Zhiklè a nzlündo kra nenga'a a ndo mbél herkeda.

¹⁵ Anai ndo man a ngreda, Yèsu kra Zhiklè, Bi Zhiklè a nzi te nenga'a, a nenga'a te Bi Zhiklè.

¹⁶ A nga suna, a nga co a ndav, B; Zhiklè a woy nga. Bi Zhiklè, nenga'a mwoy-ndo, a ndo man a nzi te mwoy-ndo, a nzi te Bi Zhiklè, a Bi Zhikle a nzi te nenga'a.

¹⁷ Mwoy-ndo n'nga'a njèlèlè'a a sam nga, aman nga da wuffò a pats kita, te man t'herkeda haha nshèffè nga lèmèlèmè ara nshèffè Yèsu.

¹⁸ Te mwoy-ndo, zlau azɓai. Aman mwoy-ndo njèlèlè'a a dzar da zlau aussa. Zlau a gudzai a géƋ kita. Aman ndo man a gi zlau, a n'ngatsa mwoy-ndo zura ɓai.

¹⁹ Nga woya'a, te man nenga'a a nwoy nga nshèlèkura'a.

²⁰ Ndo man a gaƋa: l woy Zhiklè, aman a gi shèwa a kramam nenga'a, ndo ncèkèlma. Ndo man a woy kramam nenga'a, man a rka'a a di ɓai, a slaha a nwoy Zhiklè, man a rka'a ɓi ƌè?

²¹ Na haha ma nkwèr man nga ngots te ri nenga'a: Ndo man a woy Zhiklè, da woy kramam nenga'a lèmèlèmè.