1 John 3 - Mofa New Testament

¹ Varka, mwoy-ndo man bab Zhiklè a woy nga a vna, aman a baba nga wudahi Zhiklè, na nga!

² A géƌ nasa herkeda a sen nga ɓai, te man a sun Zhiklè ɓai. Dalahimam ga, nga wudahi Zhiklè a vava. A skwi man nga da ndi a pa te deɓa'a, a ngudko va a di di ɓai. Aman nga suna, aman a gudoko nga va a dai, nga da gi lèmèlèmè ara nenga'a, te man nga da rka'a ara ngi na.

³ Ndo staƋ staƋ man a zhèr skwi haha te ndav na, a til ndav na, ara ndav Yèsu ntila'a.

⁴ Ndo man a gi malai, a tawaƋaha ma kita Zhiklè. NtèwèƋè a ma kita Zhiklè, malai.

⁵ Km suna, Yèsu a shkè, aman a cè mali auda; mali a te nenga'a ɓai.

⁶ Ndo man a nzi te nenga'a, a gi mali azɓai. Ndo man a gi malai, a rka. Nenga'a ɓai, a sun nenga'a ɓai.

⁷ Wudahi ga, ndo da zlakede kinè ɓai! Ndo man a gi skwi zura'a, nenga'a ndo nzura'a, ara Kristi, nzura'a.

⁸ Ndo man a gi malai, nenga'a ndo bi madzagai, aman bi madzagai ndo mali te nhinkaƋ na. Kra Zhiklè a shkè, aman a ngedassa mizlinè bi madzagai.

⁹ Ndo man a yaka te Bi Zhiklè, a gi mali azɓai, te man skwi man a ngotso te ri Zhiklè a nzi te nenga'a, a slaha a ngi mali azɓai, te xnan a ye te Bi Zhiklè.

¹⁰ Skwi haha a ngreda auda, man ta wudahi Bi Zhiklè, man ɓai wudahi bi madzagai: Ndo man a gi skwi zura'a azɓai, a shkè te Bi Zhiklè ka ɓai, lèmèlèmè ndo man a woy kramam nenga'a ɓai.

¹¹ Aman ma haha, ma man kin tsena te nhinkaƋ na: ngiƋè da woy ngiƋe, ngiƋè da woy ngiƋè,

¹² ara Cain ka ɓai. Nenga'a nte ndo man ambaɓai, a nkeƋa kramam nenga'a. A keƌa'a èhèmè? A géƌ skwi man a gau, ambaɓai, a skwi man kramam nenga'a a gau, zura'a.

¹³ Kramamhi ga, kin rzl kinè ɓai, aman herkeda a gi shèwa a kinè.

¹⁴ Nga suna, nga shkè auda te m'metsai a nga dè a nshèffè; te man nga woy kramamhi nga. Ndo man a woy kramam na ɓai, nte m'metsi dai.

¹⁵ Ndo man a gi shèwa a kramam nenga'a, nara ndo nkeƌ ndo. A kin suna, nshèffè man a ndivè azɓai a mèdèp, a te ndav ndo nkeƌ ndo ɓai.

¹⁶ Nga rka mwoy-ndo, aman Kristi a mvu nshèffè na a géƋ nga. Nga ba, sèi nga vi nshèffè nga a géƋ kramamhi nga.

¹⁷ Ndo man a ngots skwi a géƋ herkeda haha, a rka kramam nenga'a ntawassa, a sassaya ndav na a sam nenga'a, mwoy-ndo Zhiklè nenga'a tema?

¹⁸ Wudahi ga, ngowoyokoy va nga a ma genè ka ɓai, a ngèƋè genè ka ɓai, aman a skwi man nga gia'a a nzura'a.

¹⁹ Te nenga'a nga suna, nga zhè te ma nzura'a, a ndav nga m'mana t'hai te skwi man nga gia'a.

²⁰ Aman ko ndav nga a fa nga maíi a gèƋ, Bi Zhiklè mbia'a, a fena ndav nga, a sun skwi tèlèba.

²¹ Dalahimam ga, aman ndav nga a fa nga mali a gèƋ azɓai, nga slaha nga herda na va a Bi Zhiklè a mwufíe;

²² a skwi ko mèmè man nga jhèƋe'a, nga ngècè'a te ri nenga'a, a géƋ man nga fi gèƋ a ma nkwèr nenga'a, a nga gi skwi man ambaba.

²³ Ma nkwèr nenga haha: aman nga cè nzlembaƋ kra nenga'a, Yèsu Kristi, a ndav, a ngiƋè a woy ngiƋè, ngiƋè a woy ngiƋè, ara man a gaƋa nga.

²⁴ Ndo man a fi gèƋ a ma nkwèr nenga'a, a nzi te nenga'a, a nenga'a a nzi te ndav na. A nga suna, a nzi te ndav nga, te Mèzhèɓ Zhiklè man a va nga.