1 John 2 - Mofa New Testament

¹ Wudahi ga, i windè kinè ma haha, aman a kin gi mali azɓai. Aman ndo ngiâè a gi mali genè, nga ngots ndo n'nza nga a deɓa a sam Bab nga, Yèsu Kristi, ndo nzura'a.

² Nenga'a skwi mpil gèƋ malihi nga, malihi nga genè ka ɓai, aman mali herkeda tèlèba.

³ Aman nga fi gèƋ a ma nkwèr nenga'a, nga slaha nga gèƋè'a, a nga sun nenga'a a vava.

⁴ Ndo man a gaƋa: I sun nenga'a, aman a fi gèƋ a ma nkwèr nenga'a azɓai, ndo ncèkèlma, ma nzura'a a te nenga'a ɓai.

⁵ Ndo man a jèjèr ma nenga'a, te nenga'a mwoy ndo Zhiklè n'nga'a, jèlèlè'a a vava. Ar haha nga suna, aman nga zhè te nenga'a.

⁶ Ndo man a gaƋa, i nzi te nenga'a, sèi da gu lèmèlèmè ara man nenga'a a gokoƋai.

⁷ Dalahimam ga, i winda kinè ma nkwèr mɓua'a ka ɓai, sèi ma nkwèr nzlèzlèa, man kin ngots ma, man kin tsena te nhinkaƌ na.

⁸ Ko aranta ba i winda kinè ma nkwèr mɓua'a, ara a vava, te Kristi, te kinè, te man ruva a ndev na, a skwi nhél sam nzura'a a hél sam antanta ma.

⁹ Ndo man a gaƌa, i nza a sam nhela'a, te deɓa'a a gi shèwa a kramam nenga'a, nte ruva dai.

¹⁰ Ndo man a woy kramam nenga'a, a nzi a sam nhela'a; a gi a skwi nslèfèƌè sak a ndo ngiƌè azɓai.

¹¹ Aman ndo man a gi shèwa a kramam na, a nzi te ruva, a dè te ruva, a sun sam man a dè a pa ɓai, ruva a n'ndeda a mandazlai.

¹² Wudahi ga, i windè kinè, te man malihi kinè ta pra ma, a géƋ nzlembaƋ nenga'a.

¹³ Babhai, i windè kinè, te man kinsun nenga'aman azne te nhinkaƋ na. Golahai, i windè kinè, te man kin ga'a a ngul nenga'a man ambaɓai.

¹⁴ Wudahai, i windè kinè te man kin sun Bab Zhiklè. Babhai, i windè kinè, te man kin sun nenga'a man a zhè te nhinkaƋ na. Golahai, i windè kinè, te man wuƋi kinè a zhè, ma Zhiklè a nzi te ndav kinè, a kin ga a ngul nenga'a man ambaɓai.

¹⁵ Kin woy herkeda a skwi nte pa ɓai! Aman ndo man a woy herkeda, te nenga'a mwoy-ndo Bab Zhiklè azɓai.

¹⁶ Aman skwi tèlèba man a zhè t"herkeda, skwi man ndav ndo a tètèkè"a, skwi man dai a tètèkè'a, nfi va ambalai, a shkè te Bab Zhiklè ka ɓai, aman t'herkeda.

¹⁷ Herkeda a di a ndiv na, a nda ntètèkè nenga"a tèlèba. Aman ndo man a gi skwi man Bi Zhiklè a woya'a, nenga'a a nzi a mèdèp.

¹⁸ Wudahi ga, tiƋè sama ma! Kin tsena'a, mayam Kristi a di a shkè, anai mayamhi Kristi kumba ta shkè ma. Te skwi haha nga suna, tiƋè sama ma.

¹⁹ Ta shkè auda te ndev nga, aman ta ndohi nga asakaɓai. Aman a matsa ta ndohi nga, ar ta nzi a sam nga. Ta jèke nga, aman a ngrédè auda, ara man ta ndohi nga tèlè asakaɓai.

²⁰ Aman kin ngots Mèzhèɓ Zhiklè, a kin nza te nenga'a nkezla'a, a kin tèlèba kin sun ma nzura'a.

²¹ I winda kinè, ara man kin sun ma nzura'a ɓi ka ɓai; aman kin sun nenga'a, a kin suna, ncèkèlma a shkè auda te ma nzura'a azɓi fèt.

²² Ndo ncèkèlma wa, sèi nenga'a man a cèkèlma, a gaƋa, Yèsu, nenga'a Kristi ka ɓai? Nenga'a mayam Kristi, a cèkèlma a géƋ Bab Zhiklè a kra Zhiklè.

²³ Ko wawa man a cèkèlma a géƋ kra Zhiklè, a n'ngatsa bab Zhiklè ɓai lèmèlèmè. Ko wawa man a ngreda kra Zhiklè auda, a n'ngots Bab Zhiklè ba.

²⁴ Skwi man kin tsena te nhinkaƋ na, da nza te ndav kinè! Aman skwi man kin tsena te nhinkaƋ na a nzi te ndav kinè, kin nzi te kra Zhiklè, te bab Zhiklè lèmèlèmè.

²⁵ Na haha skwi man a fa nga a hai, man a: na nshèffè mbia'a man a ndivè azɓai a mèdèp.

²⁶ Ma haha i winda kinè a géƌ tengahi man ta woy a ta zlakede kinè.

²⁷ A Mèzhèɓ Zhiklè man kin ngotso te ri nenga'a a nzi a sam kinè; ko man ndo ngiƌè a slebda kinè ɓai, Mèzhèɓ man kin ngotso a senda kinè skwi tèlèba, zura'a, ncèkèlma ka ɓai. Ara man Mèzhèɓ Zhiklè a senda kinè, vanza te nenga'a!

²⁸ Anai wudahi ga, vanza te Yèsu; aman a di a gudko va a dai, nga wuffè a nga ngècè hori a di a sam nenga'a azɓai.

²⁹ Kin suna, nenga'a nzura'a; a ndo man a gi zura'a, sèi kin sun ba, a shkè te nenga'a.