1 John 1 - Mofa New Testament

¹ Nasa skwi man a zhè te nhinkaƌ na, a géƋ ma nshèffè, man nga tsena'a, man nga rka a di nga, man nga wora, man nga lama na a ri nga.

² A nshèffè a ngudko va a dai, a nga rka'a, a nga gi malwuƋi nenga'a, a nga njè kinè nshèffè mbia'a man a ndivè azɓai, a mèdèp, man a zhè a sam Bab nga, a ngudoko nga va a dai.

³ Skwi man nga rka ma, nga tsena'a, nga njè kinè, aman kinè ba kin humdè a nda nga; a nga, nga hümdè a nda Bab nga, a nda kra nenga'a, Yèsu Kristi.

⁴ Ma haha nga winda kinè, aman mwuffè nga a gi jèlèlè'a.

⁵ Ma haha, nga tsena'a a sam Yèsu, a nga njè kinè: Zhiklè, skwi nhél sam, ruva az a sam na ɓai.

⁶ Aman nga gaƌa, nga humda a nenga'a, a nga dè te ruva genè, nga cèkèlma, nga jèjèr ma nzura'a ka ɓai.

⁷ Aman nga dè te ndev sam nhela'a, lèmèlèmè ara nenga'a ba te ndev sam nhela'a, nga humda, ngiƌè a ngiƌè. A pombaz Yèsu, kra nenga'a, a pan nga te mali staƋ staƋ tèlèba.

⁸ Aman nga gaƋa, mali nga azɓai, nga pi va nga a wai a ri nga, a ma nzura'a a te ndav nga ɓai.

⁹ Aman nga ngreda mali nga auda, nenga'a nlèɓèslèa a nzura'a, aman a pra nga mali nga, a pan nga te skwi man nzura ka ɓai tèlèba.

¹⁰ Aman nga gaƌa, nga ga mali ɓai, nga ga Zhiklè a ndo ncèkèlma, ma nenga'a a te ndav nga ɓai.