1 Corinthians 9 - Mofa New Testament

¹ I kra ngwi ka ɓi ƌè? I ndo sak Kristi ka ɓi ƌè? I rka Yèsu, Bi nga, a di ga ka ɓi dè? Kinè, skwi man a shkè auda te mizlinè ga te Bi Yèsu ka ɓi Ƌè?

² Aman i ndo sak a sam di ndohi ngiƌè ka ɓai, i ndo sak kinè a vava. Aman kin ngreda mizlinè ndo sak ga te Bai Yèsu auda.

³ A sam ndohi man ta bazlay mali a gèƌ, i gaƌa ta arsa:

⁴ Nga ngots civèƌ aman nga ndi skwai a nga si skwai a géƌ mizlinè nga ɓi ƌè?

⁵ Nga ngots civèƌ, aman nga cè dam a civèƌ Zhiklè a ngwoz ɓi ƌè, lèmèlèmè ara ndohi sak Yèsu ngiâè, ara kramamhi Yèsu, ara Pierre?

⁶ Sèi nga cèw a Bamabas, nga da gi mizlinè a ri nga dè?

⁷ Ndo man a Ƌè a ngi var, a ti skwi na a ri na wa? Ndo man a gi gi dau, a ndi dau nenga'a azɓi wa? Ndo man a ɓir skwai, a si wa skwihi na azɓi wa?

⁸ Kin hur ɓai: i gèƋè ma haha ara man a shkè auda te nhèr gèƌ ndo; ko ma kita Zhiklè a gèƌè arsa.

⁹ Aman ta windo te ma kita Zhiklè, man Moise a mva nga: Ka fa na dzala a ma a mari man a kizlè dau ɓai! Zhiklè a wara ta di a marihi dè?

¹⁰ A goƋ ma nenga'a tèlèba a gèƋ nga ka ɓi Ƌè? Aman a géƋ nga ta windo: Ndo man a pizhè'a, da puzo a da ngècè skwi ntul na. Ndo man a kizlè'a, da kuzlo, a da ndi skwi man a kuzlo.

¹¹ Aman nga zlekeda skwi Mèzhèɓ a ndav kinè, ambaɓi ƌè aman nga ngècè skwi kinè a deɓa?

¹² Aman kin va ta civèƌ a ndohi ngiƌè, a ta gi arsa a sam kinè, nga slaha holhola'a ka ɓi ƌè? Aman ko civèƌ a zhè aman i gi arsa, i gi a wuƌi azɓai. Aman i zhüɓ skwi tèlè, aman nga gshè ma mbela'a Kristi a hi azɓai.

¹³ Kin sun ɓi dè, ndohi man ta gi mizlinè te gi Zhiklè a ta vi skwi a Zhiklè, ta nda te skwi man ta va na Zhiklè.

¹⁴ Lèmèlèmè Bai Yèsu a ngaƌa, aman ndohi n'njè ma mbela'a ta ngècè skwi man ta nzi a nshèffè a vna a géƌ njè ma mbela'a.

¹⁵ I hassa skwi sata ɓai. I windo ma sata ɓai, aman i ngècè skwai. M'mbela i metsi ga, a géƌ man ndo a gedassa skwi njégèr va ga.

¹⁶ l slaha a i jégèr va azɓai, aman i njè ma mbela'a; sèi i gia'a ndèzl. Wobayè, aman i njè ma mbela'a azɓai!

¹⁷ Aman i hoss mizlinè sa a ri ga, ar i ngècè skwi ntul ga. Aman anai i gi mizlinè sa, a géƌ man Yèsu a mvayè a rai.

¹⁸ Skwi ntul ga mè? Aman i njè ma mbela'a. A i njè'a ambalai. Ko i slaha a i jhèƌè'a, i woya i jhèƌè skwi a géƌ man i njè ma mbela'a azɓai.

¹⁹ Ko i ndo mpra'a a sam ndohi tèlèba, i ndeda va ga a ɓèl ndo tèlèba, a géƌ man i da ngats ta kumba.

²⁰ A sam ndohi Juif i nda'a ara ndo Juif, a géƌ man i da ngats ta ndohi Juif. A sam ndohi njejèr ma kita Zhiklè, i nda'a ara ndo njèjèr ma kita Zhiklè — ko man i t'hwaƌ ma kita ka ɓai — a géƌ man i da ngats ta ndohi njèjèr ma kita Zhiklè.

²¹ A sam ndohi man ta ngatsa ma kita Zhiklè ɓai, i nda'a ara ndo man á ngatsa ma kita Zhiklè ɓai ko ma kita a zhè a sam ga a sam di Zhiklè, aman ma kita te Kristi a géƌ man i da ngats ta ndohi man ma kita Zhiklè tenga'a azɓai.

²² A sam ndohi man wuƋi ta azɓai, i nda'a a ndo man wuƋi na azɓai, a géƋ man i da ngats ta ndohi man wuƋi ta azɓai. A sam ndohi tèlèba i nda'a a skwi tèlèba, a géƌ man a maya tèlèba i da mbel ta tengahia'a kètè.

²³ Skwi tèlèba i gia a géƌ ma mbela'a, aman i ngècè skwi mbela'a te pa.

²⁴ Kin sun ɓi dè, aman tengahi man ta hi te dala, ta hi tèlè. Aman sèi staƋ a ngèce skwi ntul na. Vahau arsa, aman kin ngècè'a!

²⁵ Aman ndo staƋ staƋ tèlèba man a gi var, a ɓir va na te skwi tèlèba; tengahia ngiƌè, aman ta da pa ta skwi var a va man a géƌèsh na, a tengahia ngiƌè skwi var man a géƌèshè azɓai.

²⁶ Gar haha i hai, a i hi teƌau teƌaua'a ka ɓai. A i ƌukwa'a, aman i ƌukwa'a a mpataka ambali ka ɓai;

²⁷ aman i dzawa va ga, a i gshè'a, aman i njè ta ma a ndohi ngiƌè azɓai, a i ndeda va ga a ndo man ta kwolyè.