1 Corinthians 6 - Mofa New Testament

¹ Aman ma a zhè te ndev ndohi kin cèw, kin woy a kin Ƌè a sam kita ndohi nte deɓa dè, Ƌè a sam ndohi Zhiklè ka ɓi dè?

² Kin sun ɓi Ƌè, ndohi Zhiklè ta da gi kita ndohi herkeda. Aman kin da ga na kita a herkeda, kin slaha a kin gi kita a géƌ skwi nkèshèa ɓi dè?

³ Kin sun ɓi dè, nga da gi kita golahi Zhiklè; zba ndohi man a géƌ herkeda sata dè.

⁴ Aman ma a zhè te ndev kinè a gèƌ skwi herkeda, kin Ƌè a kita ndohi nte deɓa, ndohi man ta ara ndohi ambalai a sam mpi ndohi Zhiklè ƌè?

⁵ I gaƌa kinè ma sata, aman i pa kinè hori a dai. Ndo maya te ndev kinè, ko staƌ ba, azɓi ƌè, man a slaha a mbèzlè malai te ndev kramamhi na cèw?

⁶ Kramama a Ƌè a kita a kramam nenga'a ngiƌè a sam di ndohi nte deɓa kè!

⁷ Aman kin Ƌè a kita, nasa skwi man ambaɓi ma. Dara man kin cè mali ndo ngiƌè, a kin Ƌè kita azɓai, a kin cè'a, aman ndo ngiƌè a gu ri a sam kinè.

⁸ Anai kinè kin gu skwi ambaɓia'a, kin ga skwi zura ɓai. Kin gu ri a sam kramanihi kinè!

⁹ Kin sun ɓi ƌè, ndohi nzura ka ɓai, ta ndi kokwar-Bi Zhiklè azɓai. Kin peda ndav kinè a wai a ri kinè ɓai! Ko ndohi mphömè, ko ndohi vrai, ndohi ngi ngwoz a dala, ko ndohi mphömè ngura'a a ngura'a,

¹⁰ ko ndohi metsar, ndohi keda, ndohi njèjèr zom, ndohi nderƌe ndo, ndohi nkeƌe ndo, ta ndi kokwar Bi Zhiklè azɓai.

¹¹ Ndohi tsaƌ tsaƌ te ndev kinè ta gu arsa zlèzlèa. Aman kin pana, kin kezla, kin ga'a a ndohi nzura'a te nzlembaƌ Bi Yèsu Kristi, te Mèzhèɓ Zhiklè nga ma.

¹² I slaha a i gi skwi tèlèba; aman skwi mbela'a tèlè ka ɓai. I slaha a i gi skwi telèba; aman i woya aman skwi ngiâè a gi bi te ndav ga ɓai.

¹³ Kin gaƌa: Skwi n'ndi man a hwad, hwaƋ man a skwi n'ndai. Halau, aman Zhiklè a di a géƌe­ she hwacì a skwi n'ndi cèw ba. Aman va ndo a zhè a géƌ mphömè ka ɓai, aman a géƌ Bai Yèsu, a Bai Yèsu a gèƋ va nga.

¹⁴ Aman Zhiklè a slambaƋdeko Yèsu auda, a di a slambaƋde nga lèmèlèmè a wuƋi nenga'a.

¹⁵ Kin sun ɓi dè, va kinè nfèfènvahi Kristi. A i cè nfèfènvahi Kristi, a i gi nfèfènvahi ndo mphömè a vna dè? A'ai!

¹⁶ Kin sun ɓi dè, ndo man a humda vaa ngwoz mphömè, nenga'aagi va staƋ a vna. Aman âèlèwèr Zhiklè a gaƋa: Ta cèw ta gi va ta staƋ.

¹⁷ Aman ndo man a humda va a Kristi, nenga'a mèzhèɓ staƋ a vna.

¹⁸ Vahu kinè auda a sam mphömè! Mali tèlèba man ndo a gia'a, a gia"a a deɓa genè; aman ndo man agi mphömè, agi mali te va na t'hwaƋa'a ba.

¹⁹ Kin sun ɓi dè, va kinè gi Mèzhèɓ Zhiklè nkezla'a, man a zhè te ndav kinè, a kin ngots te ri Zhiklè; kinè, skwi kinè ka ɓai.

²⁰ Aman Zhiklè a sumka kinè a deɓa a gani kumba. Gar haha voslubordo Zhiklè te va kinè!