1 Corinthians 4 - Mofa New Testament

¹ Gar haha ndohi tèlèba da rka nga ara ndohi mizlinè Kristi, a ndohi mber skwi man Zhiklè a n'ngheda.

² Ta jhèƌè skwi ngiƌè a sam ndohi mɓer skwi azɓai, sèi nlèɓèslè.

³ A ga ga pa mè, aman ko kinè, ko ndo ngiƌè a bazlay mali a gèƌ. Iyè, i bezlè mali a gèƌ ga a ri ga azɓai: mèzhèɓ ndav ga amba, i sun mali ga ɓai.

⁴ Aman ko arsa, i ga a ndo nzura di ɓai. Bai Yèsu, nenga'a ndo kita ga.

⁵ Gar haha kin bazla na mali a gèƌ a ndo ngiƌè tsam tsam ɓai, sèi Bai Yèsu a shkè, nenga'a a di a cko skwi tèlè auda a sam nhèla'a, ko skwi man n'ngheda'a te ruva, a ngrédè skwi man ndohi ta héré te ndav ta, auda. Te deɓa'a Bi Zhiklè a slébèrdè ndo staƌ staƌ, ara man a ngècè a géƌ skwi man a gau.

⁶ Dalahimam ga, skwi haha i ngreda kinè a géƋ va ga, a géƋ Apollos, a kin shindè a sam nga, ara man âèlèwèr Zhiklè a gaƋa: Sèi ara man ta windo, kin pa na va ɓai! Aman ndo te ndev kinè da dzugor va a gèƋ ndo njènga na ɓai!

⁷ N'nge ka a mbia'a man a fena ndohi ngiâè, wa? Skwi te ri ngaya, man ka ngatsa ambali ɓi, mè? Aman ka ngots ambalai, ka jégèr va ara man ka ngotso ambali ka ɓai, èhèmè?

⁸ Kin ngots skwi tèlè man kin woya ma. Kin wala ma. Kin gi bai, a nda nga ka ɓai. A woy kin gi bai; aman nga ba, nga gi bi a nda kinè.

⁹ I gi hérè'a, Zhiklè a ge nga, nga ndohi sak nenga'a, a ndohi man a deɓa: nga ara ndohi man ta ve nga a m'metsai; herkeda tèlèba, a golahi Zhiklè ba, a ndohi ba, ta pi di a nga.

¹⁰ Nga nrzlahia'a a géƌ Kristi, kinè ndohi maya te Kristi. Nga, wuƋi nga azɓai; kinè, wuƋi kinè a zhè. Kinè ndohi man ta slébèrdè kinè; nga, ta kwol nga.

¹¹ Ha antanta, mi a ked nga, iyam a dza nga, nga adai, ta ƌuts nga, nga ndohi nshèwèlè genè, gi nga azɓai,

¹² a nga ngeza a mizlinè man nga gi a ri nga. Ta ga nga ndzoan, nga pshè ta ma. Ta paraha nga, nga cè'a. Ta derƋe nga, nga menda ta ma mbela'a a deɓa.

¹³ Nga nda a ndohi man herkeda a kwol nga, a koskosi ndohi tèlè, ha patsna.

¹⁴ I windo ma haha, aman i pa kinè hori a di ka ɓai; aman i ngra kinè màya, ara a sam wudahi ga man i woy ta a ndav ga.

¹⁵ Ko kin ngots ndohi ncè kinè ma gozhèm kula te Kristi, kin ngatsa babhi kumba ɓai. Aman i ye kinè te Yèsu Kristi, te ma mbela'a.

¹⁶ Gar haha i fa kinè ma a géƌ; Vagu lèmèlèmè ara ga!

¹⁷ A géƌ nasa i zlündo Timothée a sam kinè, nenga'a kra ga nlèɓèslèa, man i woya'a, te Bi Yèsu; nenga'a da hodko kinè ma civèƋ Yèsu Kristi, man i bizhè a pa, a gèƋ, da ngreda kinè ara man i njè ta mpi ndohi Zhiklè tèlèba, te verzi herkeda tèlèba.

¹⁸ Ndohi ngiƋè ta fi va, ta gaƋa, a shkè a deɓa a sam nga asaɓai, ar ta.

¹⁹ Man Bi Zhiklè a woya'a, i Ƌè a sam kinè ndul ndul ma. I fì gèƋ a ma ndohi nfi va azɓai; aman i wèr wuƋi ta.

²⁰ Aman kokwar-Bi Zhiklè a zhè, a ma ka ɓai, aman te wuƌai.

²¹ Kin war kè? I Ƌè a sam kinè a mènèwèƌ te ri ƌè, ƌè a mwoy-ndo a ndav, a ndav nlüɓekwa'a ƌè?