1 Corinthians 13 - Mofa New Testament

¹ Ko man agassa i gèƋè ma ndohai, a ma golahi Zhiklè, aman mwoy-ndo a ndav ga azɓai, i lèmèlèmè ara züdo, ara ngurlèlèi man a slhè.

² Ko man agassa i slaha a i hodko ma, a i sun skwi man n'ngheda tèlèba, a i ngots maya tèlèba, a ncè-a-ndav tèlèba, a i slaha a i cè za a i ngeda a sam ngiâè, aman mwoy-ndo a ndav ga azɓai, iyè skwi ambalai.

³ Ko man agassa i va ta skwi ga tèlèba a ndohi ntawassa'a, a i kalda va ga aussa, aman mwoy-ndo a ndav ga azɓai, a takahayè azɓi gene.

⁴ Mwoy-ndo a ndav a zhèr skwia dai, a ndav amba. Mwoy-ndo a ndav a tétékè skwi azɓai. Mwoy-ndo a ndav a grè gèƋ azɓai, a fi va azɓai,

⁵ a gi skwi hori azɓai, a hér skwi na azɓai, ta slaha ta poko na gèƋ auda ɓai, a gshè ndo te ndav azɓai.

⁶ A wuffè a géƌ skwi man zura ka ɓai, azɓai; aman a wuffè a géƌ skwi nzura'a.

⁷ A fa na kwa a gèƋ skwi tèlèba, a cè skwi tèlè a ndav, a zhèr skwi tèlè te ndav, a zhüɓ skwi tèlèba.

⁸ Mwoy-ndo a ndav a ndivè azɓai a mèdèp, aman nhèdè ma a di a ndev na, a ngèƌè nè'èn tsaƌ tsaƌ a ndev na, a shin skwai a ndev na.

⁹ Skwi man nga suna, skwi nkèshkata di genè, nhèdè ma, skwi nkèshkata di genè.

¹⁰ Aman skwi n'nga'a jèlala'a ma, skwi nkèshèa kala a deɓa.

¹¹ Te va man i kra dai, i gèƌ ma ara kra, maya ga ara kra, i hèr skwi ara kra. Aman i gra ma, i jèkeda skwi kra.

¹² Antanta nga rka skwi ara te ndev koturmai, bizhèwbizhèwa'a. Te deɓa'a nga da pi di a iyamdi iyamdai. Antanta i sun skwi kètè genè. Te deɓa'a i da shinè tèlè, ara man Zhiklè a senyè, kala va ga tèlè.

¹³ Anai, ncè-a-ndav, nzhèr skwi te ndav, mwoy-ndo a ndav, te makar ta nzi dai. Aman mwondo a ndav a fen ta tèlèba.