1 Corinthians 12 - Mofa New Testament

¹ A géƌ skwi nte Mèzhèɓ Zhiklè, i war a i slebda kinè, dalahimam ga.

² Kin suna: Te va man kin ndohi nte deɓa dai, mblom a vrai a zlama kinè ndav.

³ Gar haha i gaƋa kinè, ndo a slaha a mphomde Yèsu azɓai, te Mèzhèɓ Zhiklè, a ndo a slaha a mbaba na Yèsu Bi azɓai, sèi te Mèzhèɓ Zhiklè nkezla'a.

⁴ Skwi nte Mèzhèɓ Zhiklè, tsaƌ tsaƌ; aman Mèzhèɓ staƌgenè.

⁵ Mizline tsaƋ tsaƋ; aman Bai staƋgenè.

⁶ WuƋihi tsaƋ tsaƋ; aman Zhiklè staƋgenè, man a gi skwi tèlèba te ndohi tèlèba.

⁷ Te ndo staƋ staƋ tèlèba, skwi Mèzhèɓ a zhè, aman tèlèba ta grè a ma ma.

⁸ Ndo ngiƌè a n'ngots te Mèzhèɓ, aman a gèƌè ma maya; ndo ngiƌè man a pèr ma auda te Mèzhèɓ sa;

⁹ ndo ngiƋè, aman a ncè a ndav, te Mèzhèɓ sa;

¹⁰ ndo ngiƋè a n'ngots wuƋai, aman a gi nrkedai; ndo ngiƋè aman a hodko ma; ndo ngiƋè aman a sun nƌèl mèzhèɓhi mbela'a te va mèzhèɓhi ambaɓihia'a; ndo ngiƌè aman a gèƋ nè'èn tsaƋ tsaƋ; ndo ngiƋè aman a slaha a ngwèdè ngèƋè nè'èn sa.

¹¹ Aman skwi haha tèlèba, Mèzhèɓ nstaƌ a gia'a, a kezla na ndo staƋ staƋ skwi na, ara Mèzhèɓ Zhiklè a woya'a.

¹² Lèmèlèmè ara va staƋgenè a zhè, a nfèfènvahi nenga'a kumba, nfèfènvahi tèlèba, va staƌgenè, lèmèlèmè Kristi.

¹³ Aman nga tèlèba nga gu baptême te Mèzhèɓ staƌgenè, a nga nda'a a va staƌgenè, ko nga ndohi Juif, ko Juif ka ɓai, ko ɓèlèlihai, ko wud ngwihai, a nga ngots Mèzhèɓ nkezla'a haha staƌgenè.

¹⁴ Gar haha nfèfènva staƋgenè ka ɓai, aman ta kumba.

¹⁵ Aman sak a gaƌa: I ri ka ɓai, arsa i nfèfènva ka ɓai, kos nenga'a nfèfènva ka ɓi ƌè?

¹⁶ Aman zlembaƌ a gaƌa: I di ka ɓai, arsa i nfèfènva ka ɓai, kos nenga'a nfèfènva ka ɓi Ƌè?

¹⁷ Aman va tèlèba dai, ndo a da cinè skwi a mè? Aman tèlèba zlembaƋ, ndo a da zhkè skwi amè?

¹⁸ Aman a vava, Zhiklè a ngu nfèfènvahai, staƋ staƋ te va a géƋ na, ara man a woya'a.

¹⁹ Aman tèlèba nfèfènva nstaƌgenè, gaƋa va tema?

²⁰ Aman a vava nfèfènvahi kumba, va nstaƌgenè.

²¹ Dai a slaha a ngaƌa na rai: I woy ka ɓai, a slaha a ngaƋa na azɓai. Lèmèlèmè gèƋ, a slaha a ngaƋa ta sakhai: I woy kinè ɓai, a slaha a ngaƋa ta azɓai.

²² Aman nfèfènvahi man nga hur wuƋi ta azɓi fèt, ta ambaba nga holhola'a.

²³ A tengahi man nga huro, n'njèl ta azɓai, nga slebarde ta holhola'a. Aman skwi man ambaba nga te di ɓai, nga dzazla holhola'a.

²⁴ Aman skwi man ambaba nga a dai, nga jézlè azɓai. Aman Zhiklè a nhumda nfèfènvahi tèlèba, a va staƋ, a n'nzala nfèfènva nkèshèa holhola'a.

²⁵ Skwi ngiƋè da kezla va ɓai, aman nfèfènvahi ta tèkè a va ta.

²⁶ Aman skwa a dza na nfèfènva staƋ, skwa a dza ta nfè fènvahi tèlèba. Aman ta slébèrdè nfèfènva staƋ, nfèfènvahi tèlèba ta wuffè.

²⁷ Aman kinè va Kristi, kin nfèfènvahi nenga'a staƋ staƋ ara man a ngotso.

²⁸ A sam mpi ndohi Zhiklè nga, Zhiklè a nge ta ndohi ngiƋè a ndohi sak, ndohi ngiƌè a ndohi nhadka ma, ndohi ngiƌè a ndohi njèngè, ndohi ngiƌè a ndohi ngi nrkedai, ndohi ngiâè man ta slaha ta mbél ndohi matakwan; ndohi ntakaha, ndohi ncè ta ma, ndohi ngèƋè nè'èn tsaƋ tsaƋ.

²⁹ Ta tèlèba ndohi sak dè? Ta tèlèba ndohi nhadka ma dè? Ta tèlèba ndohi njengè dè, ta tèlèba ndohi ngi nrkedi dè?

³⁰ Ta tèlèba ta slaha ta mbel ta ndohi te matakwan dè? Tèlèba ta gèƋ nè'èn tsaƋ tsaƋ Ƌè? Tèlèba ta slaha ta ngwèdè ngèƋè sa dè?

³¹ Vawoy skwi man Zhiklè a via'a, man amba holhola'a! A i woya man i ngra kinè civèƋ man a fena tengahia ngiâè.