YOANO 9 - Disambi Dipyadipya

¹ YI pakadikayi, akamona muntu udi mufofo pôi kulelebwa kwanci.

² Beyi banci lolo bakamwapangusa ene, Labi, akakwona ñani, ndo you ndo tetenci yi mamanci, bixelelebwayi mufofo ?

³ Yisu akapingasa ene, You kasokwona, ndc tetenci ndo mamanci, kate bixekwebexebwa makisa a Ncembi munda mwanci.

⁴ Ndi yi dibambu dia kukisa makisa anci a you akangutuma, pakala munyinya ukidiko. Butuku buiolwa butabiyi muntu kukisa.

⁵ Ku kikondo kingwakala ku loboko, ndi obo a loboko.

⁶ Pakamanayi noku kutôya, akakwela mati pa yimbwi, yi akasala lubumbu yi mati, yi akaxinga meso anci yi lubumbu.

⁷ Yi akamwambiia ene, Yaka, ya udikusuli ku didiba dia Siloama, (pa kusakolebwa ene, Mutumibwi). Akaya lolo, yi akakusula, yi akaiwa yi meso.

⁸ Mbwôso bena bula bwanci yi bobo bakamumona kalikali udi mulombi, bakatôya ene, Ki yei ndo muntu you akaxikama, akalomba lomba ?

⁹ Banga ene, Kayou ; bamo ene, Kañana ; mo afwañanana yinanci ; mikyenci ene, Meme kayou.

¹⁰ Bakamwambila lolo ene, Ape meso ebe amadipudibwa beci ?

¹¹ Yei akapingasa ene, Muntu abikilabo ene, Yisu, ndo akasala lubumbu, yi akaxinga meso amene, yi akangwambila ene, Yaka ku Siloama, udikusuli ; mbwôso namaya kusula, yi namamona.

¹² Ndo biakamwambilabo ene, Yei udi kupai ? Yei ene, Kisolubukwa.

¹³ Bakamucwala kudi baFalixi akadi mufofo kalikali.

¹⁴ Kwakadi lolo sabado ku diba diakasala Yisu lubumbu, diakadipulayi meso anci.

¹⁵ Mbwôso baFalixi bakamwapangusa kabidi mwakangatayi meso anci. Akabambila ene, Akateka lubumbu ku meso amene, yi nakakusula, yi ngwamona.

¹⁶ Mbwôso banga baFalixi ene, You muntu kiena a Ncembi, bwalo butasonamayi sabado. Banga ene, Ape muna bubi ubili kwenca bilayixilu bia noku beci ? Yi bakanamukafiana bonamu.

¹⁷ Mbwôso bakatôyela mufofo kabidi ene, Owe watôya beci ku bwalo bwanci, bwalo bwamadipulayi meso ebe ? Yei ene, Udi mudimuxi.

¹⁸ Mbwôso bena Yuda bakadi kabasokwetabusa ku bwalo bwanci ene, akadi mufofo yi akangata meso, biakabikilabo tetenci yi mamanci a you akangata meso.

¹⁹ Yi bakabapangusa ene, You udi mwanenu, i unwatôya nonu ene, akalelebwa mufofo ? amona lolo nkyekyu beci ?

²⁰ Tetenci yi mamanci bakapingasa ene, Tubili you, ene, udi mwanecu, yi ene, akalelebwa mufofo ;

²¹ mo mwamonayi nkyekyu katusomulubukwa ; ndo ñani apudipula meso anci, coco katusolubukwa. Numwapangusi mikyenci ; yei udi mwamukulu ; unaditôyela mikyenci.

²² Tetenci yi mamanci bakatôya noku, bwalo bwakacinabo bena Yuda ; bwaio bwakakwetabusañana bena Yuda buxi ene, aka muntu mwoso umwasakoia ene, udi Kalistu, uxekwelebwa kixingidilu ixongo.

²³ Ndo biakatôya tetenci yi mamanci ene, Udi mwamu kulu ; numwapangusi.

²⁴ Mbwôso bakabikila muntu you diamubidi akakala mufofo, yi bakamwambila ene, Tumbisa Ncembi ; coco twalubukwa ene, muntu you udi munabubi.

²⁵ Biakapingasayi, ene, Ndo udi muna bubi meme kisolubukwa. Kintu kimokimwe ndo kingwalubukwa ene, isanga nakadi mufofo, nkyekyu ngwamona.

²⁶ Bakamwambila kabidi ene, Akakwenca yinebe kai ? Akadipula meso ebe beci ?

²⁷ Akabapingasa ene, Napunwambila buxi, yi nwakadi kanusokwombwa ; kukai nwananga kwombwa kabidi ? Nonu kabidi nwakyeba kwakala beyi banci ?

²⁸ Bakamudidika, yi bakatôya ene, Owe ndo mweyi anci, mo coco tudi beyi ba Mosese.

²⁹ Coco twalubukwa ene, Ncembi akatôyela Mosese ; kaninga you, katubiyi kulolwayi.

³⁰ Mwamulumi akapingasa yi akabambila ene, Ape kikamakama ndo kieki, nonu kanusolubukwa kulolwayi, yi amadipula meso amene.

³¹ Tubili ene, Ncembi kasokwombwa bena mabi ; kate ndo muntu udi muxingidi a Ncembi, yi encenca nyinga yenci, you noku ndo ombo mbwayi.

³² Pôi bubangabanga bwa loboko, kapasokwombwebwa pô ene, muntu amadipula meso a muntu akalelebwa mufofo.

³³ Kutena muntu you apwakala muna Ncembi, kaxelubukwa kwenca kintu kioso.

³⁴ Bakapingasa yi bakamwambila ene, Owe wamalelebwa mu mabi dyendeli ; owe lolo utweyesa ? Yi bakamwela ixongo.

³⁵ Yisu akakwombwa ene, bamamwela ixongo ; yi pakadi amamusokolola, akamwambila ene, Owe wamakwetabuxila Mwana a Ncembi ?

³⁶ Yei akapingasa ene, Ñani lolo yei, Fumu, binxemwetabuxila ?

³⁷ Yisu akamwambila ene, Wapumumona, udi you ambilañana yinebe.

³⁸ Yi akatoya ene, Namakwetabusa Fumu ; yi akamuxingila.

³⁹ Yi Yisu ene, Ku kusambola ndo kunamalwa ku loboko, bixemona bantu batasomona ; yi bixeakala bantu bafofo bamona.

⁴⁰ Yi banga baFalixi bakadi yinanci bakakwombwa malo aa, yi bakamwambila ene, Coco kabidi tudi bafofo ?

⁴¹ Yisu akabambila ene, Ndo nwakadi bafofo, kanuxeakala yi kwona ; kaninga bwalo bunwatôya ene, Twamona, kwona kwenu kwamasala.