YOANO 5 - Disambi Dipyadipya

¹ KUNYUMA kwa bintu bebi kwakadi kitula kia bena Yuda, yi Yisu akaximuna ku Yelusaleme.

² Ku Yelusaleme lolo, ku kibwelelu kia mikwakwa, kutani didiba diabikidibwa luna Ebeleo ene, Beteseda, didi yi tutanda tutano.

^3-4 Munda mwatu mwakalala kibumbu kia bena masama, bafofo, bena bitumbi, bena bikomo.

⁵ Yi muntu akadi koku, akadi amatata yi kusama kwanci mbula masangi asatu yi mbula yenana.

⁶ Pakamumona Yisu, ulele koku, yi akalubukwa ene, amasala noku kikondo kingi nkyekyu akamwambila ene, Owe wakyeba kupanda ?

⁷ Muna kusama akamwambila ene, Mukyelengi, kiena yi muntu, papunyingixibwa mai, a kungwela mu didiba ; mo pandolwa meme, munga amangupwekyela buxi.

⁸ Yisu akamwambila ene, Bika, ombulula bolelo bwebe, enda.

⁹ Yi muntu akapanda ku nkyekyu you, yi akakwombulula bolelo bwanci, yi akakwenda ; yi ku dituku dedi kwakadi sabado.

¹⁰ Mbwôsô bena Yuda bakatôyela you akapandixibwa ene, Lelo ndo sabado ; kakusolelekyela yi bwadi owe kwombulula bolelo bwebe.

¹¹ Yei akabapingasa ene, You apungupandisa apungutôyela mikyenci ene, Ombulula bolelo bwebe, enda.

¹² Bakamwapangusa ene, Ñani you muntu apukwambila ene, Ombulula bolelo bwebe, enda.

¹³ Mo you akapandixibwa akadi kasolubukwa ndo ñani, bwalo bwakasokowa Yisu ku kimbukuma kiakadi mu kidi kieki.

¹⁴ Kunyuma, Yisu akamusafiana mu tempelo, yi akamwambila ene, Mona, owe wamapanda ; kwoni kabidi ximbi bunga bwalo buxekuponena bwadika bobu bubi.

¹⁵ Muntu you kaya yi akakwambila bena Yuda ene, Yisu ndo akamupandisa.

¹⁶ Ndo biakakolomona bena Yuda Yisu, bwalo bwakakisayi bintu bebi ku sabado.

¹⁷ Mo Yisu akabakulumuna ene, Tetemi encenca pôi nkyekyu, yi meme ngwencenca.

¹⁸ Mbwôso ku bwalo bobu kwakadika bena Yuda kupalala kumuxipa, kumoni bwalo bwakalengolayi sabado butupu, kate bwalo bwakatôyayi kabidi ene, Ncembi udi Tetenci, akadielekyesa mikyenci yi Ncembi bileli.

¹⁹ Mbwôso Yisu akapingasa yi akabambila ene, Sôsôlwo, sôsôlwo, nwambila ene, Mwana kabiyi kudiencela bwalo bwoso, butena bwalo bwamonayi Tete ubwakisa ; malo moso akisa yei, Mwana ndo akisa kabidi mo nako.

²⁰ Bwalo bwananga Tete Mwana, umwebesa malo moso encencayi mikyenci ; yi unamwebesa makisa anadika aa noku, binuxekama kama nonu.

²¹ Byekyene biabisa Tete bafu, ubapapa môyo, bipapa Mwana bantu boso môyo bakyebayi.

²² Bwalo butasosambola Tete muntu mwoso, kate amapa Mwana kusambola kwoso ;

²³ bixenemeka bungi bwa bantu Mwana, bea bianemekabo Tete. You utasonemeka Mwana kasonemeka Tete akamutuma.

²⁴ Sôsôlwo, sôsôlwo, nwatôyela ene, You ombombwa diyi diamene, yi amakwetabusa you akangutuma, udi yi môyo ă kô kô, yi kasolwa ku lopelo, kate amabatuka mu lufu ku môyo.

²⁵ Sôsôlwo, sôsôlwo, nwatôyela ene, ola ulolwa, udiko lolo, unakwombwa bafu diyi dia Mwana a Ncembi ; yt bobo bombombwa banakala yi môyo.

²⁶ Byekyene bidi Tete yi môyo munda mwanci, ndo biamapayi Mwana kabidi ndo kwakala yi môyo munda mwanci,

²⁷ yi amamupa bumanya bwa kusambola malo, bwalo budiyi Mwana a Muntu.

²⁸ Kanukamini diembi dedi, bwalo bulolwa ola unakwombwa diyi dienci bungi bwa bantu badi mu nkita,

²⁹ yi banabatuka ; bobo bamakwenca kunengela ku kwombuludibwa kwa môyo, vi bobo bamakwenca bubi ku kwombuludibwa kwa lopelo.

³⁰ Meme kibiyi kudiencela kintu kioso mikyemi ; bingwombombwa, ka bingwasambola ; yi kusambola kwamene kudi yi nkwami bwalo buntasopalala nyinga yamene, kate nyinga yenci ya you amangutuma.

³¹ Aka meme ndiatôbôlela dia mikyemi, ntôbô yamene kayina sôsôlwo.

³² Kudi munga muntu atôbôla ntôbô ku bwalo bwamene, yi namalubukwa ene, ntôbô yingwatobôlelayi ku bwalo bwamene idi sôsôlwo.

³³ Nonu nwakatuma kudi Yoano, yi yei amatôbôla ntôbô dia sôsôlwo.

³⁴ Kaninga meme kisoangata ntôbô kudi muntu, kate ngwatôya noku binuxepandixibwa nonu.

³⁵ Yei noku akadi mwinda ămalumuka yi ămateka obo, yi nonu nwakananga kuxekyelela obo anci kakondo kabende.

³⁶ Kaninga meme ndi yi ntôbô yamadika ntôbô ya Yoano ; makisa akampa Tete kumana, makisa mikyeo angwakisa, amangutôbôlela ntôbô ene, Tete akangutuma.

³⁷ Tete mikyenci lolo akangutuma, amangutôbôlela ntôbô. Nonu kanwombweli diyi dienci ku kikondo kioso, yi kanumonene mwocindu ănci.

³⁸ Yi kanuna yi diyi dienci dixikika munda mwenu, bwalo bunutasokwetabuxila you akatumayi.

³⁹ Nwatebela mu mikanda ya Ncembi, bwalo bunwakisa nonu ene, munda mwayo ndo munwakala yi môyo ă kô kô ; yei noku lolo idi bena ntôbô batôbôla ku bwalo bwamene.

⁴⁰ Yi kanunakwetabusa kulwa kundi binuxeakala yi môyo.

⁴¹ Kisoangata kinemu kudi bantu,

⁴² kate namanulubukwa ene, kanuna yi nyinga ya Ncembi munda mwenu.

⁴³ Meme namalwa ku dina dia Tetemi, yi kanusongwangata ; aka munga unalwa ku dina dienci mikyenci, you nunamwangata.

⁴⁴ Nonu nunalubukwa kwetabusa beci, bangatañana kinemu, yi kabasopalala kinemu kilolwa kudi Ncembi mutupu.

⁴⁵ Kanukixi ene, meme nakunusanya kudi Tete ; umoumwe udiko unwasanya, isanga Mosese unwamadingila nonu.

⁴⁶ Ximbi nwamakwetabusa Mosese nuxengwetabusa meme, bwalo bwakafundayi ku bwaio bwamene.

⁴⁷ Kaninga ndo kanusokwetabusa mikanda yenci, nunakwetabusa meyi amene beci ?