YOANO 12 - Disambi Dipyadipya

¹ YISU lolo, buxi bwa Kidikixilu matuku asambomo, akalwa ku Betani kwakadi Lasaiusu, akabisa Yisu kudi bafu.

² Mbwôso bakamwencela kidilu koku, yi Mata akabasadila ; kaninga Lasalusu akadi yinabo bamaxikama ku mesa.

³ Mbwôso Mali akangata manyi a ncobo a “ nada ” a diso dikola a Iwedi lwa pundu umoumwe, akaxinga makasa a Yisu, yi akakupulula makasa anci yi nyonyi yenci ; yi ncibo akakwolubilañana yi manonu a manyi.

⁴ Mo munga mweyi anci, Yudaxi, muna Ixikalioto uxemwenga, akatôya ene,

⁵ Kukai manyi aa kasokwodixibwa ku nkama isatu ya denalio ya kupebwa bakombi ?

⁶ Kate akatôya nako kumoni bwalo bwakakwombwelayi bakombi mwengo, mo bwalo bwakadiyi mwefi, yi bwalo bwakakalayi muna mwosokye, yi akacwala bintu biakatekyebwa momu.

⁷ Mbwôso Yisu akatôya ene, Numulekyeli ; akadi amabumba manyi aa bwalo bwa diba dia kuncikibwa kwamene.

⁸ Bwalo bunutani yi bakombi yinenu matuku moso ; kaninga kanusoakala yinami mikyemi matuku moso.

⁹ Mbwôso kimbukuma kinene kia bena Yuda bakalubukwa ene, udi koku ; yi bakalwa, kumoni bwalo bwa Yisu butupu, kate bixemonabo Lasalusu kabidi akabisayi kudi bafu.

¹⁰ Kaninga makanda manene akakwelañana nkanyi bixexipabo Lasalusu kabidi,

¹¹ bwalo bwakancuka bantu bangi ba bena Yuda ku mucwe kwanci, yi bakakwetabuxila Yisu.

¹² Mankyelo, kimbukuma kinene kia bantu bakadi bamalwa ku kitula, pakakwombwabo ene, Yisu ulolwa ku Yelusaleme,

¹³ bakangata manga a mabwe yi bakabatuka kuya pomana yinanci, yi bakakwamena ene, Osana ; you atumbixibwi ulolwa ku dina dia Fumu, Fumu a Isalele.

¹⁴ Yi Yisu, pakasañanayi mpundu mubende, akakwapema kulu ; bea biakafundibwa ene,

¹⁵ Kucini, mwana a Siono ; mona, Fumwebe ulolwa uxikamini kulu kwa mwana a mpundu.

¹⁶ Beyi banci bakadi kabasolembetela bintu bebi ku buxi buxi ; kate pakadi Yisu amabandixibwa kulu, kunyuma bakakwela nkanyi ene, bintu bebi biakamufundidibwa, yi ene, bakamwencela bintu bebi.

¹⁷ Mbwôso kimbukuma kiakadi yinanci pakabikilayi Lasalusu munda mwa lukita, yi pakamubisayi kudi bafu, kiakamutôbôlela ntôbô.

¹⁸ Mbwôso kabidi kimbukuma kiakaya pomana yinanci bwalo bwakakwombwabo ene, akakisa kilembetelu kieki.

¹⁹ BaFalixi lolo bakakwambilafiana ene, Nwamona ? kanusokwenca kintu ; mona, bungi bwa bantu bamamulanda.

²⁰ Kwakadi lolo banga bena Ngiliki yinabo bakalwa kulwa xingila ku kitula ;

²¹ baba noku bakalwa kudi Filipi, muna Betesaida a Ngalili, yi bakamwapangusa ene, Mukyelengi, twakyeba kumona Yisu.

²² Filipi akalwa ambila Andelo, yi Andelo akalwa yi Filipi yi bakakwambila Yisu.

²³ Kaninga Yisu akabambila ene, Kikondo kiamafika kixetumbixibwa Mwana a Muntu.

²⁴ Sôsôlwo, nwatôyela ene, Kutena mutongu ă mwobele ămapona mu yimbwi yi ămafwa, udiasadila mikyenci ; kaninga ndo unafwa, unalela mitongu mingi.

²⁵ You ananga môyo ănci unauncimisa, yi you anyafiana môyo ănci ku loboko lolu, unaubumba ku môyo ă kô kô.

²⁶ Ndo muntu mwoso ungwasadila, angulandi ; yi ku kidi kindi meme, koku kabidi kunakala musadi amene. Aka muntu mwoso ungwasadila, Tete unamuteka yi kinemu.

²⁷ Nkyekyu mucima ămene utaputowa, yi nakutôya beci ? Ene, Tete ungupandisipo kikondo kieki ? Kate ku bwalo bobu ndo kunapulwa ku kikondo kieki.

²⁸ Tete, tumbisa dina diebe. Mbwôso, mu diulu mwakalwa diyi, ene, Namaditumbisa, yi nakuditumbisa kabidi.

²⁹ Biakatôya kimbukuma kiakakwemana kiakakwombwa, ene, Dikongola kadedi. Banga ene, Mwangele aputôya yinanci.

³⁰ Yisu akapingasa ene, Diyi dedi kadiluli ku bwalo bwamene, kate ku bwalo bwenu.

³¹ Nkyekyu kudi lopelo lwa loboko lolu, nkyekyu kunatenyekyebwa fumu a loboko lolu.

³² Yi meme, ndo nakwombuludibwa kunci kwa loboko, nakuputa bungi bwa bantu kundi.

³³ Mo akatôya noku ndo kwebesa pa butonga bwa lufu luxefwayi.

³⁴ Kimbukuma kiakamupingasa ene, Coco twamakwombwa mu bwadi ene, Kalistu ndo asala kô kô ; yi Owe watôya beci ene, Mwana a Muntu uxekwombuludibwa ? Udi ñani ? you Mwana a Muntu.

³⁵ Mbwôso Yisu akabambila ene, Mo kakondo kabende katani obo yinenu. Nwendi pakala nutani yi obo, bitaxenukwata mwedima. You lolo endenda ku mwedima kasolubukwa kuyeyayi.

³⁶ Pakala nukidi yi obo, nwetabuxili obo, binuxeakala bana ba obo. Yisu akabambila malo aa, yi akancuka, yi akabasokoma.

³⁷ Kaninga isanga akakwenca bilayixilu bungi noku ku mpala yabo, bakadi kabasomwetabuxila,

³⁸ bixefikixibwa diyi dia mudimuxi Esaya diakatôyayi ene, Fumu, ñani amakwetabusa mwoximo ěcu ? Kudi ñani lolo kwamakwebexebwa kiboko kia Fumu ?

³⁹ Mbwôso bakadi kababiyi kwetabusa, bwalo bwakatôya Esaya kabidi ene,

⁴⁰ Amaxipa meso abo bufofo, yi amakolesa mucima ăbo, ximbi baxemona ku meso abo yi baxelubukwa ku mucima ăbo, yi baxekulumuka, yi meme nxebapandisa.

⁴¹ Malo aa noku akatôya Esaya bwalo bwakamonayi dikai dienci, yi akakwambila dla bwalo bwanci.

⁴² Kaninga bantu bangi, isanga bantu banene, bakamwetabuxila ; kate ku bwalo bwa baFalixi kwakadibo kabasosakola, bitaxekwelebwabo kixingidilu ixongo,

⁴³ bwalo bwakadilabo lotumbu lulolwa kudi bantu, kumoni lotumbu lulolwa kudi Ncembi.

⁴⁴ Mo Yisu akakwamena diyi, akatôya ene, You ungwetabuxila meme, kasongwetabuxila meme, kate you akangutuma ;

⁴⁵ you ungwamona meme ndo amona you akangutuma.

⁴⁶ Meme namalwa ku loboko, obo, ene, muntu mwoso ungwetabuxila kaxesala mu mwedima ;

⁴⁷ aka lolo muntu mwoso ombombwa meyi amene, yi kasoanama, meme kisomusambola, bwalo buntaluli kulwa sambola loboko, kate kupandisa loboko.

⁴⁸ You ungwanyañana, utasoangata meyi amene, udi yi umoumwe umwasambola ; diyi dinaputôya, kadedi dinamusambola ku dituku dia ku sula.

⁴⁹ Bwalo buntatôyeli biamene mikyemi ; kate Tete akangutuma amangupa mulangu mikyenci binxetôya yi binxekwambila.

⁵⁰ Yi namalubukwa ene, mulangu ănci udi môyo ă kô kô. Mbwôso diembi dingwatôya, bea biapungwambila Tete, ndo bingwatôya.