NGALATIA 6 - Disambi Dipyadipya

¹ BAKUNYI, isanga ndo muntu unakwacibwa yi bwalo bubi, nonu badi bena Mwoxixi nupingasi muna noku yi mucima ă diedya ; udi mu kudidingila, ximbi owe kabidi uxelwa kwelekyexebwa.

² Nwombululañani muntu mwoso buxitu bwa muna kwanci, nutikisi mulangu ă Kalistu nako.

³ Bwalo nao muntu mwoso amădienca mikyenci ene, udi muntu munene, kaninga udi kanana, udiadimba mikyenci.

⁴ Mo muntu mwoso elekyesi mudimo ănci mikyenci ; nako unakwana mwanu ănci ku bwalo bwanci mikyenci, kumoni ku bwalo bwa muna kwanci.

⁵ Bwalo bunakwombulula muntu mwoso buxitu bwanci mikyenci.

⁶ You amakweyexebwa diyi dia Ncembi abanyanani yi mweyexi mu bintu bioso binengela.

⁷ Kanudimbibwi ; Ncembi kasokyecebwa. Bwalo kintu kioso kiamakuna muntu, kakieki kinabukayi kabidi.

⁸ You amakunina munyu ănci unabuka musalu kudi munyu ănci ; mo you amakunina Mwoxixi unabuka môyo ă kô kô kudi Mwoxixi.

⁹ Mo katupwangwi yi kukisa kwa kunengela ; bwalo butunabuka ku kikondo kia lwedi akali katusopenyuka.

¹⁰ Mbwôso bitwakala yi kipoma kinengela, twenceli bantu boso kunengela ; yi tulekoli yi kwenca noku bwalo bwa bantu badi bena nkumbu a kwetabusa.

¹¹ Numoni mukanda mulemule unapunufundila ku kianca kiamene mikyemi.

¹² Bantu boso bakyeba kumoneka yi dikasa dinengela ku munyu, kababa banwabamba dibambu dia kwelebwa bwadi ; kaninga mo bitaxekolomonebwabo ku bwalo bwa nkulusu a Kalistu.

¹³ Bwalo butasonama bwadi isanga bobo bamakwelebwa bwadi mikyeabo ; kate bakyeba nonu kwelebwa bwadi bixekwanabo mwanu bwalo bwa munyu ěnu.

¹⁴ Ku bwalo bwamene, kiakali yi mwanu mwoso utena mwanu ă nkulusu a Fumwecu Yisu Kalistu, undi yi loboko lwamangukopekyebwa ku nkulusu ku mucwe ănci, yi meme ku bwalo bwa loboko.

¹⁵ Bwalo butasoakala kwelebwa kwa bwadi bwalo, ndo mwontonto ; kate kipangu kipyakipya.

¹⁶ Yi banfu boso banakwenda pa Iwedi lolu, polo akali kudibo yi mwengo, yi kudi Isalele a Ncembi.

¹⁷ Pôi nkyekyu, muntu kangunyingixi, bwalo bungwacwala makolo a Yisu mu mumbidi ămene.

¹⁸ Lwoxixi lwa Fumwecu Yisu Kalistu lwakali yi micima yenu, bakunyi. Amen.