NGALATIA 1 - Disambi Dipyadipya

¹ PAULU, mutumibwi, (kumoni a bantu ; utasotumibwa lolo kudi muntu, kate kudi Yisu Kalistu, yi kudi Ncembi Tete akamubisa kudi bafu) ;

² yi bungi bwa bakunyi badi yinami, kudi bikokye bia Ngalatia ;

³ lwoxixi lwakali yinenu yi polo kudi Ncembi Tete yi Fumwecu Yisu Kalistu,

⁴ akadilongola mikyenci ku mucwe ă mabi ecu bixetupaulayi ku mwociya ou mubi ă nkyekyu you, bea bidi nyinga ya Ncembi yi Tetecu.

⁵ Kudiyi kwakali dikai ku mieciya ya mieciya. Amen.

⁶ Ngwakamakama bwalo bunwamakulumunibwa mangwoso noku kul diyi akanubikila mu lwoxixi lwa Kalistu, kuya kudi lunga losangu lunengela

⁷ lutena lunga ; mo banga badiko banwanyingisa baxenanga kupeteya losangu lunengela lwa Kalistu.

⁸ Kate ndo coco, ndo mwangele a mu diulu baxenwambila lunga losangu iunengela lutena lolu lutwamanwambila, afingibwi difingu.

⁹ Binaputôya buxi ndo bingwatôya kabidi nkyekyu ene, Aka muntu mwoso unwambila losangu lunengela lwoso lutena lolu lunwakangata, afingibwi difingu.

¹⁰ Meme namapalala kwetabuxisa bantu nkyekyu, sungu Ncembi ? Meme namapalala kuxekyelesa bantu ? Akali meme nxeakala nkidi mu kuxekyelesa bantu, kixeakala musadi a Kalistu.

¹¹ Kaninga meme nwalubukisa bakunyi, bwalo bwa losangu lunengela lwakakwambidibwa kundi, ene, kaluna lwa bantu.

¹² Bwalo bunakadi kisolwangata kudi muntu, yi kisolweyexebwa, kate kudi kiebexelu kia Yisu Kalistu.

¹³ Bwaio bunwamakwombwa dia mwosambu ămene ă kaiikaii ă kixingilu kia bena Yuda, ene, nakakoiomona kikokye kia Ncembi kungi kungi, yi nakakibumisa ;

¹⁴ yi nakadika yi kixingilu kia bena Yuda isanga bantu bangi ba luya lwamene ba bubila bwamene ; bwalo bunakadi yi mulukutu mungi ă kunama mixiyiiu ya batetemi.

¹⁵ Mo Ncembi, akangubalola isanga pôi difu dia mamami, akangubikila lolo bwalo bwa lwoxixi lwanci, pakamonayi loko

¹⁶ kwebesa Mwananci munda mwamene, binxekwambila diembi dienci kudi mabila ; mbwôso nkyekyu nkyekyu meme kieleli nkanyi yi munyu yi maxi ;

¹⁷ kiyili lolo ku Yelusaleme kudibo bakadi batumibwi ku buxi bwamene ; kate nakaya ku Alabia, yi nakapiñana kabidi ku Damasako.

¹⁸ Kunyuma lolo kwa mbula isatu nakaximuna ku Yelusaleme kuya monañana yi Kyefasa, yi nakasala yinanci matuku disangi yi atano ;

¹⁹ mo kiamona banga batumibwi batena Yakobo, Fumu mwakunyenci.

²⁰ Diembi pako dinwafundila, mona, ku meso a Ncembi, meme kisodimba.

²¹ Kunyuma nakalwa mu mbata ya Silia yi Kilikia.

²² Mo meme mikyemi nakadi kisolubukibwa kudi bikokye bia Yudiya bidi munda mwa Kalistu ;

²³ mo bakakwombwa ene, you akatukolomona kalikali udi mu kwambila ambila kwetabusa koku nkyekyu kwakabumisayi kalikali.

²⁴ Yi bakatumbisa Ncembi ku bwalo bwamene.