MATEYO 25 - Disambi Dipyadipya

¹ KU kikondo kieki kunakwelekyexebwa bufumu bwa diulu bea luna mixika disangi, bakangata minda yabo, bakabatuka kuya pomana yi mwangaci a dibakwa.

² Batano yinabo bakadi yi bwilwa yi batano bakadi yi lukanyi.

³ Bena bwilwa pakangatabo minda yabo bakadi bakasocwala manyi yinabo ;

⁴ mo bena lukanyi bakacwala manyi mu mpamba yabo yi minda yabo.

⁵ Pakakunga mwangaci a dibakwa, bakapungila bungi bwabo yi bakalala tulu.

⁶ Kaninga pakacikaci pa butuku pakadi mulolo ene, Numoni mwangaci a dibakwa ; nubatuki kuya pomana yinanci.

⁷ Yi mixika yei mioso yakabika, yakacecela minda yabo.

⁸ Yi bena bwilwa bakatôyela bena lukanyi ene, Nuputi manyi enu bwalo butanancimina minda yecu.

⁹ Mo bena lukanyi bakapingasa ene, Kañana, ximbi kaxekuka yi cpco yi nonu kabidi. Nubeya kudibo bodisa odisa, nudiodili mikyenu.

¹⁰ Kaninga pakancukabo kuya ola, pakalwa mwangad a dibakwa ; yi bobo bakalungikibwa bakaya bwela yinanci ku lubaki lwa dibakwa, yi mbelo akancibikibwa.

¹¹ Kunyuma kwakalwa minga mixika kabidi, ene, Fumu, Fumu utudipudili.

¹² Kaninga yei akapingasa ene, Nwatôyela sôsôlwo ene, Kisonulubukwa.

¹³ Mbwôso nutebeli bwalo bunutasolubukwa ndo diba ndo ola.

¹⁴ Bwalo budi luna muntu akaya ku munga mbata, akabikila basadi banci yi akabalonga bima bienci.

¹⁵ Kudi muntu umoumwe kwakapayi talente itano, kudi munga ibidi, kudi munga pako umoumwe ; kudi muntu mwoso bea biakadi bwanya bwanci, yi akaya ku lwendo.

¹⁶ You lolo akangata talente itano akaya lekanana yinayo mangwoso, yi akatetowa talente minga itano.

¹⁷ Mo nako kabidi you akangata ibidi, akatetowa minga ibidi.

¹⁸ Kaninga you akangata talente umoumwe akaya emba mu yimbwi yi akasokoka mpalata a fumwanci.

¹⁹ Kunyuma kwa kikondo kingi kwakalwa fumu a basadi baba kulwa bala yinabo.

²⁰ You lolo akangata talente itano akalwa yi akacwala minga talente itano ene, Fumu, wakangulonga talente itano ; mona namatetowa yimo talente yinayo itano.

²¹ Fumwanci akamwambila ene, Kunengela, musadi unengela a kibaku, wakadi yi kibaku kulu kwa bintu bibende, nakukuteka kulu kwa bintu bingi ; bwela mu kiango kia fumwebe.

²² You kabidi akangata talente ibidi akalwa tôya ene, Fumu, wakangulonga talente ibidi ; mona namatetowa yimo talente yinayo ibidi.

²³ Fumwanci akamwambila ene, Kunengela, musadi unengela a kibaku ; wakadi yi kibaku kulu kwa bintu bibende, nakukuteka kulu kwa bintu bingi ; bwela mu kiango kia fumwebe.

²⁴ Yi you kabidi akangata talente umoumwe akalwa tôya ene, Fumu nakakulubukwa udi muntu ukola, wabuka kutasokuna, yi wasanga kutasocaka ;

²⁵ yi nakadi yi bowa, nakaya sokoka talente ebe mu yimbwi ; mona, wapwangata kintu kiebe.

²⁶ Fumwanci akamupingasa ene, Musadi mubi a bompoci, wakalubukwa ene, ngwabuka kuntakunini, yi ngwasanga kuntacakili ;

²⁷ mbwôso uxetuma mpalata amene kudi basumbanyafiani ba mpalata, yl binamalwa nxeangata mpalata amene yi kiepe kiamene.

²⁸ Mbwôso nunculi talente kudiyi, nunamupayi udi yi talente disangi.

²⁹ Bwalo bunapebwa muntu mwoso apwangata, yi unakala yi bintu bingi ; kaninga you udi kanana unancudibwa isanga kintu kiapwangatayi.

³⁰ Nutenyeki lolo musadi utasokwenca ku mwedima ă kunci ; koku kunakala bidilu yi kukuya kwa meno.

³¹ Mo pănalwa Mwana a Muntu yi dikai dienci, yi bangele yinanci bungi bwabo, yei unaxikama ku lukwasa lwa dikai dienci,

³² yi mabila moso anakokyeyebwa ku buxi bwanci ; yi unabanamuna namuna, bea bianamuna kalama mikwakwa kudi mbuxi ;

³³ yi unateka mikwakwa ku kidyo kienci yi mbuxi ku kimoso.

³⁴ Fumu unabatôyela lolo badi ku kidyo kienci ene, Nulwi nonu bamalwangwasanibwa kudi Tetemi, nukiti bufumu bwamanulungikidibwa pôi kibangolelu kia loboko ;

³⁵ bwalo bunakadi yi ncala, yi nwakampa bidya ; nakadi yi nyota yi nwakangunusa ; nakadi muntu abene yi nwakangubwesa ;

³⁶ yi butaka, yi nwakangulatisa ; nakadi yi kusama, yi nwakalwa ngudingila ; nakadi mu ncibo a lukanu, yi nwakalwa kundi.

³⁷ Yi bena nkwami banamupingasa ene, Fumu, ku diba kai twamakumona owe utanakwombwa ncala, yi twamakudisa ; ndo yi nyota, yi twamakunusa ?

³⁸ Yi ku diba kai twamakumona muntu abene yi twamakubwesa ; ndo yi butaka, yi twamakulatisa ?

³⁹ Yi ku diba kai twamakumona yi kusama, ndo mu ncibo a lukanu, yi twamalwa kudi ?

⁴⁰ Yi Fumu unabapingasa ene, Nwatôyela sôsôlwo ene, Ku bwalo bunwakakwencela muntu umoumwe noku a bakunyi bamene baba, isanga baba babende, nwakangwencela meme noku.

⁴¹ Kunyuma unatôyela bobo badi ku kimoso ene ; Nuncuki kundi, nonu bafingibwi, ku mudilu ă kô kô, ămalungikidibwa diabolo yi bangele banci ;

⁴² bwalo bunakadi yi ncala, yi nonu kanungudixili ; nakadi yi nyota, yi kanungunuxili ;

⁴³ nakadi muntu abene, yi kanungubwexeli ; yi butaka, yi kanungulatixili ; nakadi yi kusama yi mu ncibo a lukanu, yi kanululi kundi.

⁴⁴ Yi bobo banapingasa kabidi ene, Fumu, ku diba kai twamakumona owe ndo yi ncala, ndo yi nyota, ndo muntu abene, ndo yi butaka, ndo yi kusama, ndo mu ncibo a lukanu, kutena twamakusadila ?

⁴⁵ Yi yei unabapingasa ene, Nwatôyela sôsôlwo ene, Bwalo bunwakadi kanusokwencela muntu umoumwe noku a bantu babende baba, nwakadi kanusongwencela meme noku.

⁴⁶ Yi baba noku banancuka ku kusama kwa kô kô, mo bena nkwami ku môyo ă kô kô.